Turismo

CS de Guía, información e asistencia turísticas. Saídas outubro 2023

Outubro 2023

As actividades fóra da aula do CS de Guía, información e asistencia turísticas do mes de outubro tiveron como destino Pantón e o Museo de Arte Sacro das Clarisas.

Próxima ao Mosteiro de San Salvador de Ferreira visitamos unha das casas grandes máis importantes da contorna, a Casa de Maside. Conxunto arquitectónico do século XVIII que durante un tempo funcionou como aloxamento rural. 

Tamén en Pantón, Marcos e Reda propietarios de Pantón Rural -complexo de vivendas de uso turístico con gran aceptación entre os visitantes que se achegan á Ribeira Sacra lucense- exerceron de anfitrións na visita aos seus establecementos de aloxamento e tiveron a xentileza de convidarnos a facer un xogo de escape room entre viñedos, “El Secreto de la Abadesa”. Unha experiencia ideal para disfrutar en grupo en plena natureza e con unhas vistas excepcionais! Foto 1

Pechamos as actividades do mes cunha visita ao Museo de Arte Sacro das Clarisas de Monforte de Lemos. É un dos museos de arte sacro máis importantes de España grazas, na meirande parte, ao legado artístico doado polos VII Condes de Lemos -escultura, téxtiles, relicarios,  pinturas e outros obxectos suntuarios- froito do seu virreinato en Nápoles. Das adquisicións en España son pezas destacadas o Cristo Xacente e as Inmaculadas de Gregorio Fernández. Foto 2

 

Pica AQUÍ para ver a galería de fotos.

 

 

CS Guía, información e asistencia turísticas. Visita territorio do Xeoparque do Courel

O alumnado do CS Guía, información e asistencia turísticas acompañado da súa docente Sol Gonzálezcomezamos as saídas do curso 2023/24 cun percorrido o 19 de setembro por parte do territorio do Xeoparque do Courel; visitamos Montefurado, o CIMAR e a igrexa de San Salvador de O Hospital. 

En Montefurado vimos a aldea, o túnel perforado polos romanos para aproveitar o ouro que traía o río Sil e a igrexa barroca de San Miguel.  Visita, esta última, guiada por Marisol Tomé -exalumna do Ciclo e guía oficial-. 

Roberto Castro, tenente de alcalde do Concello de Ribas de Sil, foi o encargado de mostrarnos o último museo do Xeoparque Mundial da Unesco “Montañas do Courel”, o CIMAR -Centro de Interpretación da Minería Aurífera Romana-. 

Rematamos a saída coa visita guiada a unha igrexa que estivo ligada ao hospital medieval de pobres e peregrinos fundado pola Orde de San Xoán de Xerusalén na zona,San Salvador de Hospital. De novo foi Marisol Tomé, con gran profesionalidade,  a responsable de mostrarnos o edificio e algunas pezas de destacado interese como o retablo maior barroco, a pía bautismal,  a escultura de San Bartolomé Vello,…

 

 

Práctica de visitas guiadas

No mes de maio comezamos as prácticas do módulo de Procesos de guía e asistencia turística no CS de Turismo.

 A primeira visita, “Camiño de inverno, un itinerario máis?”, estivo a cargo de Ana. Un roteiro con saída de Diomondi onde visitamos a igrexa e o pazo episcopal, hoxe albergue de peregrinos, continuamos polos codos, antiga calzada romana, e rematamos en Belesar.

 Con Montse percorremos “A ruta do panadeiro” que nos levou dende Ferreira ata Marce pasando por Recerende, Sta Mariña e A Míllara.

 

 “Coñece a túa cidade” é o título da visita organizada en conxunto por todo o alumnado de Turismo para o grupo de 3° da ESO. Nesta práctica empregáronse códigos QR para mostrar información e dar pistas para identificar os distintos recursos patrimoniais da cidade de Monforte de Lemos.

   

 A finais de mes saímos destino ao Grove para a excursión que preparou e executou Diana, “O Grove, unha isla”, convisita ao CIPES -Centro de Interpretación da Pesca e da Salga-, explicacións sobre o marisqueo e visita guiada en catamarán pola ría de Arousa.

  

 “Una pizca de Ribeira Sacra”, práctica de Sara polos muiños, o mirador e o castro do Xábrega e o mirador dos Chancís.

    

 

 Bea y Ricardo organizaron para nós, “El gran tour de El Bierzo”. Comezamos a visita na Galería e Mirador de Orellán dende onde tivemos as mellores vistas das Médulas -antigas minas romanas de ouro-, continuamos no Castelo dos Templarios en Ponferrada, viaxamos a un dos pobos máis bonitos de España, Santiago de Peñalba, visitamos o Pazo de Canedo e rematamos en Vilafranca do Bierzo.

      

 E para finalizar as prácticas, Martín levounos a navegar polo Miño e invitounos a unha degustación de viños e de produtos locais nunha adega de garda na súa visita, “Miño+Bodega Ecosacra”.

     

 

 

 

O alumnado do ciclo de Turismo visita os Escolapios, a empresa Airas Moniz e a Casa Baltar

No mes de marzo, alumnado e profesorado do CS de Guías, información e asistencia turísticas, asistimos nos Escolapios a unha charla sobre o Cardeal Rodrigo De Castro e fixemos un roteiro gourmet no que visitamos as instalacións da queixería Airas Moniz e Casa Baltar, a “Granxa do doce de leite“.

 

Conmemorando o quinto centenario do nacemento do cardeal Rodrigo de Castro e Osorio celebrouse no salón de actos dos Escolapios unha conferencia impartida por Felipe Aira na que disertou sobre este personaxe histórico e distintos acontecementos da vida do fundador do Colexio da Nosa Señora da Antiga.

 

 

 

A outra actividade, o roteiro gourmet, levounos a Airas Moniz, unha empresa chantadina que elabora queixo de alta calidade, galardonado varios anos coma o mellor queixo azul de España no Salón Gourmet de Madrid.

 

O queixo Savel, xunto coas outras variedades que elaboran e a manteiga, está presente nalgúns dos mellores restaurantes nacionais e internacionais .

 

Durante á visita contáronnos en qué consiste a nova experiencia que están a ofertar, trátase dunha explicación dos procesos de elaboración de cada un dos queixos seguida dunha visita a explotación gandeira e remata coa cata e degustación dos seus queixos acompañada de viño.

 

 

 

 

E para rematar, visitamos Casa Baltar. Varias xeracións traballaron nesta granxa para obter un leite de excelente calidade e valor nutricional que agora se emprega para elaborar un produto exquisito elaborado de xeito tradicional, o doce de leite, que se distribúe por toda España.

 

Non sei cal nos gustou máis, o xeado ou o doce de leite que comemos a culleradas.

 

 

 

O alumnado do ciclo de Turismo Visita o Pazo de Tor, Hotel Cardenal e Pazo Molinos de Antero

Comezamos o mes de febreiro cunha saída ao o Pazo de Tor. Sempre nos gusta visitar esta casa solariega de Tor, é un privilexio poder ver o edificio e todos os mobles, pertenzas, obras de arte, … tal e como o deixou a súa última propietaria Maripaz Taboada de Andrés y Zúñiga.

Foi ela quen donou o pazo á Deputación de Lugo para que se conservara como museo, e cumprindo o seu desexo abriu como tal en 2006.

Nesta ocasión, como novidade, mostráronnos a parte inferior da vivenda que albergaba os cuartos do servizo.

Unha boa opción para coñecer a vida nos pazos galegos!

  

 

A mediados de mes acercámonos o Hotel Cardenal para coñecer a súa oferta aloxativa.

O establecemento, de catro estrelas, situado no centro da cidade e con vista ao río Cabe e o Conxunto Monumental de San Vicente do Pino, é unha interesante referencia para os turistas que chegan a Monforte interesados en coñocer este territorio.

As habitacións están moi ben equipadas e as suites teñen unha distribución e unhas vistas magníficas.

Se tivésemos que escoller, reservaríamos as que miran a San Vicente dende unha ampla terraza que invita ao relax.

  

 

Rematamos as actividades do mes visitando o Pazo Molinos de Antero fundado polo cabaleiro Manuel Antero Yáñez Rivadeneira,administrador e depositario da renda de Monforte e outras comarcas galegas, fiscal xeral da Encomenda de Quiroga e  rexedor perpetuo de Monforte.

O feito de ocupar todos estes cargos fixo que se conserven no seu pazo unha grande cantidade de documentos con milleiros de datos de grande interese da historia social e económica de finais do século XVIII  e principios do XIX.

Ademais de vivenda o pazo tiña outros usos: centro de recadación de impostos, notaría e xestión de bens da nobreza. Estas prácticas motivaron a posta en funcionamento de  todo un sistema de seguridade da época baseado en mirillas que se atopan por toda a casa e que permitían ver a todos os que entraban.

Matías,  propietario e magnífico cicerone na nosa visita, explicounos a relación desta propiedade coa historia do Camiño de Inverno. A carón do pazo pasaba o antigo camiño real de Castela que atravesaba Monforte  e que parece coincidir con esta ruta a Santiago.

Na actualidade o  Complexo Molinos de Antero conta tamén cunha oferta aloxativa formada por tres habitacións e tres apartamentos situados nas antigas caballerizas anexas ao pazo.

Unha tarde de grandes descubrimentos!!!

    

    

Proxecto de cooperación - Alumnado de Turismo

No mes de febreiro deste ano 2023 empezamos a falar Mari Yokela, profesora de turismo finlandesa, mais eu da posibilidade de levar a cabo este fermoso e inspirador proxecto co alumnado de ambos centros. E aquí nos tedes hoxe venres 24 de marzo departindo en videoconferencia con Mari. As nosas alumnas, que están moi motivadas e ilusionadas con este traballo, quixeron saber da duración dos estudos deste ciclo formativo en Finlandia, as materias impartidas, as linguas extranxeiras predominantes e o tipo de turismo que ofrecen. Pasou a hora nun suspiro. Un pequeno detalle que nos puxo os dentes ben largos: onte a noitiña Mari puido ver na súa cidade unhas fermosas auroras boreais de varias cores!! Pero tamén compre dicir que están a -26 graos!

Os alumnos finlandeses están facendo prácticas este mes, polo que hai que esperar a abril para realmente ‘meternos en fariña”. As ideas que temos en mente prometen. Fingers crossed!

Proxecto de Inglés: O ciclo de Turismo visita a Reitoral de Gundivós

Cada curso, o alumnado do ciclo de turismo ten que facer unha visita turística guiada en inglés no mes de xuño, que será o seu exame oral final. Este curso o lugar elixido

foi a Reitoral de Gundivós. É unha tarefa difícil e esixente, pero as alumnas están moi ilusionadas. Hoxe sábado día 4 de marzo estivemos disfrutando dunha bonita

experiencia de documentación en Gundivós. Sol, a titora do ciclo, estivo connosco: a súa axuda será fundamental para aportar calidade turística á tarefa. Tamén contamos

coa gran axuda de Diana, a nosa auxiliar de conversa inglesa, que nos acompañou aquí e seguirá colaborando coas alumnas na aula na preparación do itinerario

.
As horas pasaron moi rápido mentras Ana e Rebeca entrevistaron ao alfareiro Elías, alma deste lugar, para coñecer a historia do seu soño. Foi un pracer percorrer con

el todos os recunchos do seu fogar-museo-taller-tenda. Grazas e ata xuño!

                                                                                                                                                       

 

 

Ciclo de Turismo visita Madrid: 1º Día

O CS DE Guías, información e asistencia turísticas comezamos as actividades de 2023 da mellor maneira posible, viaxando a Madrid para asistir a FITUR ‐Feria Internacional de Turismo‐ e ao tempo facer outras actividades como visitar a exposición inmersiva,Tutankamon, ir ao teatro, facer unha visita guiada pola cidade ou visitar unha axencia de viaxes referente a nivel nacional.

 Despois dunha entretida viaxe en tren chegamos a Madrid, desprazamos ao hotel onde nosaloxábamos ‐preto da Praza Maior‐, fixemos o check in e saímos hacia Matadero Madrid para ver a unha chea de tesouros, tumbas, templos e misterios do antigo Exipto. Trátabase dunha exposición inmersiva con experiencias fantásticas de realidade virtual, xogos interactivos de realidade aumentada, unha animación de 360º que cobre as catro paredes e o chan, paneisinformativos,…; todo elo tendo como protagonista ao Faraón Neno, Tuntankamon, no Exipto do 1300 a. C.

 

 

O xoves 19 de decembro tocaba FITUR!!!

A 43ª edición dunha das feiras turísticas máis importantes que este ano mostrábase optimista por poder viaxar sin restricións. O lema, “Viaja al Centro… del Turismo”.

 

A primeira visita foi a Galicia. O noso lema, “Unha viaxe enogastronómica e sostible”. Esa é a aposta da Xunta de Galicia para consolidar a nosa Comunidade como destino de referencia.

 

Visitas do Ciclo de Turismo

As saídas do CS de Guías, información e asistencia turísticas no mes de outubro consistiron  nunha visita guiada por Monforte, outra visita ao Centro de Interpretación do Camiño de Inverno e a derradeira,  un recorrido guiado nos Escolapios.

Na visita guiada fixemos un itinerario a pé pola cidade de Monforte de Lemos co obxectivo de que todo alumnado coñecera os principais recursos turísticos da capital da Ribeira Sacra.

O percorrido comezou no Conxunto Monumental de  San Vicente do Pino e rematou  no exterior do Colexio de Nosa Señora da Antiga pasando pola zona de ámbito xudeu e a  Praza de España.

 

Na saída ao Centro de atención aos peregrinos do Camiño de Inverno familiarizámonos coas nove etapas do Camiño dende Ponferrada ata Santiago de Compostela e visionamos algúns videos promocionais sobre a ruta xacobea.

A persoa responsable da área de recepción proporcionounos información sobre o movemento de peregrinos no Camiño de Inverno ao seu paso por Monforte.

 

 Escaleira monumental, claustro, igrexa e pinacoteca son as zonas que nos mostrou María, exalumna do ciclo, no seu bo facer na visita ao recén declarado ben de interese cultural, o Colexio dos PP. Escolapios.

 

 

 

 En novembro visitounos Lucas Vázquez, presidente da Asociación Cultural Segredos de Pantón, para contarnos as diferentes actividades que levan a cabo cos obxectivos de promocionar e defender o medio rural e a lingua galega, poñer en valor o patrimonio de Pantón e fomentar a conservación e a defensa da natureza.

 

 

 

 

  

Distribuir contido