Curso 2015/16

Viaxe fin de curso do alumnado de 4 ESO a Roma

No día de hoxe, Martes 21 de xuño, iniciaron a viaxe o alumnado de 4 ESO con destino a Roma. A continuación podedes ver unha fotografía do grupo na estacion de autobuses antes da partida:

Informamos que chegaron a capital de Italia sen incidencias e xa están instalados no seu Hotel:

Iremos informando nos días vindeiros sobre a viaxe nesta mesma entrada da páxina web. Hoxe chegaron ao mediodía a Roma e tras un breve descanso deron un paseo polo Coliseo, Foro Romano e a Fontana de Trevi. Despois cenaron no restaurante il Condor e agora estarán vendo o partido de fútbol de España e descansando.

Mércores 22 de xuño: O día o iniciaron cunha visita panorámica a cidade de Roma en autobús. A continuación a guía os levou a pé pola Roma monumental, Panteón, Fontana de Trevi e Piazza Navona. Despois dun pequeno descanso  e a degustación dunha magnífica pizza e baixo un calor abrasador foron a Praza de España, Praza do Popolo e aos Xardíns da Villa Borghese onde un grupo de alumnos, acompañados polo profesor Manuel Sánchez, alquilaron bicicletas e percorreron o parque de extremo a extremo. Pola noite teñen previsto dar un paseo nocturno pola cidade, se o corpo o permite e aguantan.

Xoves 23 de xuño: No día de hoxe visitaron o Vaticano. Entraron en diferentes museos: Capilla Sixtina, Frescos de Rafael, Basílica de San Pedro... e pola tarde estiveron de relax no barrio de Trastévere. Un calor horrible e o alumnado agotado pola falta acumulada de sono.

Venres 24 de xuño: Hoxe tocou visitar a Roma antigua. Comenzaron polo Foro e a continuación o Coliseo, ambas as dúas foron visitas guiadas. Despois do xantar subiron á terraza do monumento de Vittorio Emanuele e por último estiveron de tendas pola zona comercial da cidade. Agotados pola calor regresaron ao hotel para a cena e a durmir. Mañá toca viaxe de volta a Monforte.

Sábado 25 de xuño: Nestes intres xa iniciaron a viaxe de regreso a España. O avión leva unha hora de retraso, polo que calculamos que chegaran a Monforte de Lemos sobre as 18:00 horas senón hai máis imprevistos. A continuación podedes ver algunha fotografía do grupo no aeroporto esperando a embarcar:

Levan 2 horas de retraso. Xa aterraron en Santiago pero chegarán a Monforte de Lemos sobre as 20 horas.

O alumnado de 2º de Bacharelato despega con destino a Dublín

O Sábado 11 de xuño o alumnado de 2º de Bacharelato iniciou a súa excursión de fin de etapa no IES Río Cabe, xusto o día seguinte despois de rematar os exames da Selectividade. Desde aquí desexámoslles moita sorte coas cualificacións que se publicarán o próximo venres e que o pasen estupendamente en Dublín durante estes días de descanso, que os teñen moi merecidos.

Despegaron en avión desde a terminal T1 do aeroporto "Adolfo Suárez" de Madrid con destino a Dublín, onde poderán practicar o que saben de inglés, e o seu regreso a Monforte de Lemos está previsto para a madrugada do Xoves 16 de xuño.

A continuación podedes ver unha fotografía do grupo no aeroporto, enviada polas dúas profesoras acompañantes do grupo e organizadoras da viaxe: Mª Artemia Madarnás Vázquez e Anunciación López Méndez:

E facendo click na seguinte imaxe accédese a unha pequena galería de fotos da excursión de fin de curso:

VISITA A BETANZOS-PAZO DE MARIÑÁN-FERROL.

O Luns 6 de xuño, o alumnado do Ciclo Superior de Guía, Información e Asistencia Turística, viaxamos ás terras das Mariñas, para coñecermos Betanzos.

Acompañados pola guía oficial do Concello de Betanzos, Helena, desfrutamos da beleza e patrimonio da Cidade dos Cabaleiros, e do cariño das suas xentes. E non esquecemos probar a famosa tortilla.

Logo, visitamos o Pazo de Mariñán, en Bergondo, antiga casa fidalga que acolle nos seus muros, eventos, conferencias e actos oficiais da Deputación da Coruña, no que destacan as súas maravillosas obras de arte nun entorno natural privilexiado.

Para rematarmos fixemos unha ruta pola costa da ría de Ares e Betanzos co fin de achegarmonos á cidade de Ferrol, e percorrer o barrio da Magdalena coas súas rúas comerciais de edificios modernistas.

Unha excursión moi agradábel como despedida da Materia de Marketing turístico.

Conferencia de Eva Rajo

O alumnado de 4º ESO e 1º Bac do centro tivo a sorte de poder escoitar a conferencia impartida por Eva Rajo Iglesias no salón de actos do centro o venres 2 de xuño, conferencia esta que se enmarca dentro dos actos para conmemorar o 50 aniversario do Instituto.

Eva Rajo Iglesias foi alumna do IES Río Cabe entre os anos 1986-1990 e na actualidade profesora na Universidade Carlos III de Madrid do Departamento de Teoría das Sinais e das Comunicacións da Escola de Enxeñeiros de Telecomunicacións.

A charla estivo centrada na súa traxectoria académica e profesional, así como en contarlle ao alumnado que é o que fai un enxeñeiro en telecomunicacións e as saídas desta profesión. Contounos como tomou a decisión de adicarse a investigación na Universidade, centrando o seu traballo no mundo das antenas, recibindo varios premios internacionais, e na actualidade unha das súas liñas de investigación e construir e mellorar o "MIMOmat", antenas nunha chaqueta que multiplican por 10 a velocidade de subida dos dispositivos móviles.

Fonte: http://www.tendencias21.net/Antenas-en-una-chaqueta-multiplican-por-10-la-velocidad-de-subida-de-dispositivos-moviles_a40086.html

Tivo unha lembranza especial para o seu profesor de matemáticas no IES Río Cabe, Agapito Cortiñas, que foi unha inspiración para Eva e unha das causas que a levara a estudiar na Universidade de Vigo a carreira de Enxeñeira de Telecomunicacións, formando parte dese escaso 26% de mulleres que estudan enxeñería e tratando de que cada vez teñamos máis mulleres neste campo.

Facendo click na seguinte imaxe accédese a unha pequena galería de fotos da conferencia:

Rota de Sendeirismo Uxio Novoneira

Os alumn@s de 1º ESO do Ies Río Cabe de Monforte de Lemos fixeron a rota de Sendeirismo do Poeta Galego Uxío Novoneira o luns 23 de maio do 2016.
 
A rota parte da aula da Natureza de Moreda no Concello de Folgoso de Caurel e logo de pasar pola aldea de Moreda pasa por diante da casa do Poeta e remata no punto de partida. Son 8 km de ruta por sendeiros e algún tramo de asfalto ó longo do cal @s alumn@s foron lendo os poemas que están situados na rota e observando as distintas plantas presentes no percorrido.


De volta ó instituto coñeceron o pregue xeolóxico de Campodola e remataron na praia fluvial de Ribas do Sil ás 16.45h.
 
A Actividade foi realizada en colaboración cos Departamentos de Educación física, Normalización Linguística, Lingua Galega e Bioloxía. Os profesores acompañantes foron Eva López, Carme García Conde, Manolo Martínez e Carlos Parada.

Facendo click nalgunha das imaxes accédese a unha pequena galería de fotos da actividade.

Día das Letras Galegas 2016

Hoxe, luns 16 de maio, tivo lugar no salón de actos do noso centro a celebración do Día das Letras Galegas adicado este ano a figura de Manuel  María, escritor e poeta moi vinculado a cidade de Monforte. Os actos consistiron, en primeiro lugar, nunha  lectura por parte de alumnas e alumnos de 3º de ESO de varios poemas de Manuel  María. A continuación os asistentes ao acto puideron escoitar un traballo levado a cabo polos alumnos de informática consistente nun audio coas voces dos alumnos recitando partes de poemas do autor e combinados con fragmentos musicais.

Seguidamente  tivemos a oportunidade de escoitar a Manuel Rajo, amigo persoal de Manuel María, que  falou da figura do poeta e do home destacando a profunda humanidade e sensibilidade  que sempre caracterizou tanto a obra como o transcorrer da vida do artista. Manuel Rajo mantivo tamén ao final do acto un animado coloquio co alumnado do noso centro respondendo as moitas preguntas que lle fixeron.

Por último, os asistentes puideron disfrutar da actuación musical da agrupación “O Trícole”, que interpretaron varios poemas de Manuel María.

Unha festa do noso idioma, que seguro fixo as ledicias dos asistentes e que nos acercou a figura do grande poeta e escritor que foi Manuel María.

Visita á Fundación TIC 2016

O alumnado de 4º de ESO do IES Rio Cabe visitou o venres 13 de maio as instalacións da Fundación TIC en Lugo, onde puideron achegarse ao mundo da produción e realización audiovisual, visitar platós reais e ver os centros de control da imaxe e do son. Eles puideron facer unha pequena práctica, xa que exerceron de presentadores, entrevistadores e enviados especiais dun pequeno informativo.

A continuación podedes ver algunhas fotos da actividade e o vídeo co "ticodiario" realizado polo alumnado:


Conferencia do pintor RGF

RGF

 

O Xoves día 12 de maio estivo no noso centro Roberto González Fernández, pintor e artista multidisciplinar nado en Monforte de Lemos e que na actualidade vive entre Madrid e Edimburgo.

O artista monfortino de proxección internacional impartiu unha lección maxistral ao alumnado e profesorado do IES Río Cabe, facendo un repaso ao longo da súa traxectoria profesional como pintor desde os seus comenzos en Monforte, pasando pola Escola de Belas Artes de San Fernando en Madrid ata chegar aos últimos proxectos  nos que traballa na actualidade.

Roberto González, cunha meticulosa presentación visual da súa obra, deixou claro o seu interese pola pintura como medio de expresión de ideas cun estilo que podería definirse como unha mistura entre plantexamentos conceptuais e realistas.

A preocupación de RGF polo espazo e polo tempo faise evidente no seu estilo narrativo e na organización seriada do seu traballo, cada nova invención enxendra  universos temporais e espaciais propios. Nos últimos anos e paralelamente á pintura traballa series feitas coas novas tecnoloxías incluída a súa paxina web  http://www.r-gonzalezfernandez.com/ na que presenta proxectos especialmente pensados para ela.

Desde aquí queremos agradecer o seu paso polo noso centro e o interese e xenerosidade mostrada desde o primeiro momento que contáctamos con él. Non só aceptou con moita ilusión a invitación a vir, senón que nos enviou unha serie de pezas pertencentes ao Proxecto titulado “Dobremente Vixiados” e que estiveron expostas na entrada do instituto durante dúas semanas. A nosa sorpresa foi cando momentos antes de comezar a charla díxonos que lle gustaría ceder ditas obras ao IES Río Cabe para colocalas na nosa biblioteca. Desde a semana que ven este espazo emblemático do noso centro contará con oito pezas do artista, así como unha veintena de catálogos que tamén cedeu ao centro. A nosa gratitude mais sincera para o grandísimo artista e persoa, Roberto González Fernández.

Facendo click na seguinte imaxe accédese a unha pequena galería de fotos da conferencia:

Viaxe á Coruña do alumnado de 3º ESO

Co fin de acercar as novas tecnoloxías aplicadas á ciencia, o día 10 de maio, o alumnado de 3º da ESO realizou unha excursión á Coruña. Durante a mañá participaron nun programa de laboratorio aberto levado a cabo no interior das instalacións da Casa do home (Domus). O taller práctico, que levaba por nome “A revolución biotecnolóxica” consistiu en buscar unha diana para o tratamento da aterosclerose. Durante o mesmo, o alumnado transformouse por unhas horas en pequenos investigadores, que seguindo as instrucións da monitora os ía introducindo no traballo científico que se está a realizar en investigación biomédica co fin de localizar posibles dianas terapéuticas para logo poder crear fármacos activos contra a aterosclerose.

Pola tarde, o alumnado realizou unha visita guiada polas instalacións do Museo Nacional de Ciencia e Tecnoloxía (MUNCYT) co fin de asistir á exposición “Big Neurone” que durante estes meses se encontra na cidade, no interior das instalacións tamén percorreron as distintas salas nas que puideron observar entre outras moitas cousas: o interior dun avión, o funcionamento dun faro, un acelerador de partículas e os diferentes inventos que apareceron ao longo do século XX.

Facendo click na seguinte imaxe accédese a unha pequena galería de fotos da excursión:

Viaxe a Santiago do alumnado de 4º ESO

O martes día 10 de maio o alumnado de 4º da ESO, acompañados por dous profesores, fixeron unha viaxe didáctica a Santiago. En primeiro lugar visitaron o Parlamento de Galicia, onde un guía deulles explicacións tanto no que se refire ó edificio (arquitectura, usos que tivo anteriormente, disposicións das diferentes dependencias, reformas, etc.) como ó labor que se realiza nese lugar. Presenciaron  varias ponencias durante a sesión parlamentaria que tiña lugar neses momentos. A visita e as explicacións foron moi instrutivas, pero o que máis ilusión lles fixo foi que dous dos parlamentarios monfortinos, Dª. Julia Rodríguez e D. Vicente Docasar, abandonasen temporalmente o hemiciclo (onde se estaban discutindo os orzamentos da Lei da Vivenda) para manter unha conversa distendida con todo o alumnado, prestándose a responder a canta pregunta quixemos facer e explicando cales eran as súas funcións dentro do Parlamento, como chegaran aí, e incluso facendo unha representación do que poderían ser as discusións que se plantexan durante as sesións parlamentarias, esta vez comentando a LOMCE. Foi un detalle que lles agradecemos encarecidamente.



A continuación visitaron a Cidade da Cultura. Recibiron explicacións acerca da novedosa arquitectura, das funcións dos diferentes edificios, achegáronse á enorme biblioteca, incluso ó soto que comunica todos os edificios, e utilizaron o ascensor con máis capacidade de toda a comunidade, situado no edificio do museo e que se utiliza para mover esculturas e pinturas de gran  tamaño. Finalmente visitaron a exposición “Con-fío” que expón traxes históricos galegos e tamén o instrumental para tecer tanto o liño como a la, así como as dependencias e as ferramentas que utilizaban os xastres antigamente.



Logo de facer unha parada nun centro comercial para recuperar forzas, visitaron o Pazo de Oca. Lamentablemente o tempo non acompañou, pois chovía a regos. Ainda así a visita foi moi instrutiva, pois recibiron explicacións acerca da arquitectura, da historia, da sociedade que edificou eses magníficos edificios, e que encheu os xardíns de especies vexetais exóticas, que tamén tiveron ocasión de ver: sequoias, magnolios, camelios (máis de 170 variedades), cítricos, criptomerias, buxos, teixos, tileiros… os xardíns son unha marabilla, tanto a parte  de estilo francés (perfectamente estruturada) como o de estilo inglés (máis ‘natural’ e aparentemente silvestre), o estanque, os diferentes labirintos, as esculturas vexetais, a horta…



En resumo, unha viaxe instrutiva e un pracer para os sentidos. Lamentar só que o tempo non acompañase. Volveron a Monforte sobre as 20.30, algo mollados pero moi satisfeitos.

Distribuir contido