O 7 de xaneiro, festividade de San Xiao, celebrouse un programa de actos no que se entregou a este centro o distintivo de Ferrolán do Ano. Ese programa de actos comenzou ás 11:00 da mañá cunha misa na concatedral de san Xiao en honra do patrón de Ferrol. Paralelamente, o noso antigo director, Juan Silvar, falaba en Radio Voz, en representación do instituto. Ás 12:00, no Teatro Jofre (Ver fotos), a Corporación Municipal de Ferrol recibiu á Corporación Municipal de Lugo, ós directores e directoras da Compañía de María, IES Sofía Casanova, CEIP Recimil, CEIP Masdías, CEIP San Xoán, así como ós representantes do Club de Prensa, Escola de Hostelería da Armada e Colexio de Arquitectos-Delegación de Ferrol. A continuación tivo lugar o acto de sinaturas no Libro de Ouro do Concello (a dedicatoria do noso instituto corresponde ao segundo parágrafo do discurso que se pode ler máis abaixo). Acto seguido: - Conmemorouse a irmandade co Concello de Lugo. - Tivo lugar a lectura do acordo plenario do 23 de decembro de 2014 sobre distincións. - Entregáronse as distincións de Ferrolán do Ano 2014 e as directoras e directores dirixiron unhas palabras ós asistentes. O discurso de agradecemento do noso centro pódese ler na seguinte ligazón: palabras ós asistentes. - Impuxéronse as Insignas de Ouro ás entidades correspondentes. Como colofón tivo lugar unha actuación da Banda Ferrolá de Música e unha degustación de arroz con leite.
|