Actividades

Club de lectura de adultos

Xov, 29/01/2015 - 13:38

Despois do descanso de Nadal, este martes 27 tivemos unha nova xuntanza do club de lectura de adultos. A sesión estivo adicada á nova novela de Javier Marías Así empieza lo malo. Plantexáronse interesantes observacións acerca da dúbida, do perdón e da memoria histórica.

Na próxima sesión, que terá lugar na biblioteca do noso centro o derradeiro martes de febreiro, comentaremos o libro Conacho ,do noso compañeiro Guillermo Ferrández.

Lembrade que se formades ou formastes parte da nosa comunidade educativa, estás invitado a participar no noso club. Achegádevos o noso centro e preguntádelle a algún dos membros da biblioteca escolar.

Esperámosvos. Visita o blog do club

Club de lectura para adultos. Arrinca a nova temporada.

Sáb, 27/09/2014 - 16:27

Bota a andar de novo o club de lectura para adultos do IES "Sofía Casanova".

Quedades convidados todos a esta segunda temporada, moi especialmente os que participaron o ano pasado e os pais dos novos alumnos.

O arranque da nova edición terá lugar o vindeiro martes 30 de setembro ás 18:15 na biblioteca do centro.

Rastro solidario - Recollida de alimentos para a cociña económica.

Ven, 29/11/2013 - 07:15

Ó longo do mes de decembro realizaranse varias actividades de carácter solidario no noso instituto para as que se precisa colaboración:

RASTRO SOLIDARIO O alumnado pode traer cousas que non utilice (CD, DVD, LIBRO, CÓMIC, VIDEOXOGO, BISUTERÍA) pero que aínda estean en bo estado para seren vendidos por un prezo simbólico. A recadación das vendas será entregada á Cociña Económica. Pode entregarse material ao longo da próxima semana (2-5 dec) en calquera recreo ás persoas voluntarias que estarán na entrada do instituto. A venda farase na semana do 9 ao 13.

RECOLLIDA DE ALIMENTOS PARA A COCIÑA ECONÓMICA Como xa é habitual recolleremos alimentos non perecedoiros (arroz, pasta, conservas, legumes, aceite, leite, doces de Nadal, etc) nun carro que estará situado tamén na entrada do instituto.A data de recollida será do 2 ao 13 deste mes de decembro. Agradecemos de antemán a vosa colaboración.

Acto de despedida á promoción 2013 de 2º de Bacharelato

Dom, 26/05/2013 - 18:34

bac2 Nun salón de actos abarrotado polo alumnado, as súas familias e o seu profesorado tivo lugar o acto de despedida dos 91 alumnos e alumnas da promoción 2012-13 de 2º de Bacharelato.
O acto, organizado polo própio alumnado enriqueceuse con danza, a entrevista a un ex-alumno, recoñecido autor de cómic, a entrega de orlas, un "vídeo sorpresa" e as palabras do director e de Inés Amarelo García en representación do alumnado.
Rematouse cun fermoso tango interpretado en cuarteto de corda, uns pinchos ofrecidos polo alumnado ás familias e profesorado e, como colofón, unha cea con máis de noventa asistentes. Unha xornada inesquecible.

Máis información gráfica

Vídeo

23 de abril. 7 Día do Libro

Mar, 23/04/2013 - 12:18

dickens Este día celebramos na biblioteca o centenario do nacemento de Charles Dickens, aclamado como un dos mellores escritores en lingua inglesa e cuxas novelas, adaptadas profusamente ao cine e teatro, convertéronse en grandes clásicos da literatura universal. Fragmentos delas foron leídos na biblioteca polo alumnado de ESO.

Foi un escritor xenial e, despois de Shakespeare, o mellor inventor de personaxes. Algúns son, dende hai moito tempo, arquetipos, como Ebenezer Scrooge, Pip e a Señorita Havisham ou Fagin e Oliver Twist. Nas súas obras amosounos que a xente do común é tan interesante como a xente rica, famosa e fabulosa.

Ler máis

Mesa redonda sobre a nova lei de educación LOMCE

Xov, 11/04/2013 - 07:05

lomce A evolución do trámite da LOMCE preocupa á comunidade educativa. O Consello Escolar do centro decidíu organizar para o martes 16 ás 18:15 horas no salón de actos unha mesa redonda sobre esta lei na que participarán Helena Gómez, Presidenta da CONFAPA, Marcos Abad, do Sindicato de Estudantes, Tomás Miranda, de CC.OO. Ensino, Tona Martínez de CIG-Ensino e Mariló Candedo Cunturiz presidenta de Nova Escola Galega e profesora na Facultade Ciencias da Educación da Coruña, á que se convida a asistir á comunidade escolar do Sofía e público xeral ata completar aforo.

ALCER: Os trasplantes de órganos no Sofía

Mér, 30/05/2012 - 07:43

O alumnado de 3ºESO asisitíu onte a unha sesión organizada pola asociación de trasplantados ALCER, en colaboración coa ANPA. A actividade foi moi interesante para subliñar a importancia da xenerosidade que alimenta ao exemplar sistema español de trasplantes, que axuda a salvar miles de vidas cada ano..

Axuda en Acción no Sofía Casanova

Lun, 19/03/2012 - 14:56

axudaaccion Diana Fonseca, unha representante nicaraguense da ONG Axuda en Acción, acudiu ao centro para falarlle ao alumnado de 3º e 4ºESO sobre os programas da organización no seu país.

O acto encádrase nas actividades do Día da Muller e realizouse grazas á colaboración da ANPA. O papel das mulleres no liderato de actividades económicas foi comprobado nun vídeo coa testemuña de protagonistas locais.

axudaaccion