Skip to Content

Actividades

Visita ao Estadio Anxo Carro

Hoxe mércores 20 de marzo o alumnado da ESO do IES Xoán Montes visitou as instalacións do Estadio Anxo Carro onde tivo a ocasión de ver entrenar aos xogadores do CD Lugo. A rapazada foi recibida pola mascota Nabic e despois recibiron un poster asinado polos xogadores.

Para rematar a xornada houbo un sorteo de premios que fixo moita ilusión aos rapaces e rapazas do centro. Agradecemos moito a ANPA que nos facilitara a oportunidade de realizar esta actividade e poder coñecer máis de cerca aos xogadores do equipo. Forza Lugo!

lugo

Maikel recibindo a súa camiseta. Fotografía do CD. Lugo

Xornada breoganista do IES Xoán Montes

Este martes 20 de decembro todo o alumnado do centro tivo a ocasión de participar nunha emocionante mañá co equipo de baloncesto Breogán, actividade organizada pola ANPA.

A pesar das xélidas temperaturas, a ampla expedición camiñou con moita enerxía os máis de 3km que separan o instituto do Pazo dos Deportes. Á chegada tivemos a primeira sorpresa da xornada pois reibiunos Diego As, o autor do graffiti xigante que decora as paredes do pazo. Xa no interior, estaba agardándonos a mascota do equipo, Maximus! Tivemos a ocasión de coñecer distintas dependencias do edificio como a sala de prensa, a zona de vestiarios e o palco. Os xogadores recibiron con moita cercanía ao alumnado, de feito, varios deles puideron xogar unha minicompeteción. 

Foi unha xornada perfecta no día previo ao partido da liga europea Basketball Champion League contra o equipo alemán Bonn. A ANPA conseguiunos entradas para poder desfrutar deste encontro.

Foi unha fermosa e divertida xornada de convivencia. Moitísimas grazas a ANPA por darnos esta oportunidade!

breogán

Fotografía de Marta Coria. CC BY-SA

Distribuir contido


by Dr. Radut