Acceda á versión íntegra do Proxecto TIC

Obxectivos do proxecto

XERAIS:

·           Contribuír á integración dos novos medios nas aulas.

·           Argumentar e demostrar que o futuro das novas tecnoloxías da información e a comunicación, de cara a servir á sociedade, teñen que asumirse a través de proxectos educativos e  desenvolverse dende eles.

·           Ofrecer os nosos proxectos pedagóxicos, debidamente razoados e xustificados, de forma que sexan estes os que reclamen os medios a utilizar e non ao revés.

·           Fundamentar e desenvolver un novo modo de relación entre as novas tecnoloxías e a educación que podemos cualificar de INTEGRADOR.

ESPECÍFICOS DO PROFESORADO:

·           Actualización e adquisición por parte do profesorado duns coñecementos teóricos e prácticos así como xerar unha dinámica de autoformación, de traballo en grupo e dun sentido crítico ante as novas tecnoloxías

·           Fundamentar e desenvolver un novo modo de relación entre as novas tecnoloxías e a educación que podemos cualificar de INTEGRADOR.

·           Adquisición por parte do profesorado duns coñecementos teóricos e prácticos, así como xerar unha dinámica de autoformación de confianza e dun sentido crítico ante as novas tecnoloxías.

·           Introducir as TIC no ensino de forma xeneralizada e innovadora, analizando os cambios que supoñen para o profesor, como mediador nos procesos de ensino-aprendizaxe

ESPECÍFICOS DA AULA:

·        COMUNICACIÓN: comprender e expresar mensaxes con corrección, interpretando e utilizando axeitadamente os códigos correspondentes, tanto informáticos como da lingua oral e escrita.

·        INFORMACIÓN: buscar e utilizar a información necesaria para poder resolver os traballos programados.

·        INTERPRETACIÓN DO MEDIO: Aplicar os conceptos básicos adquiridos nas outras áreas para interpretar e comprender as aplicacións técnicas máis comúns.

·        ESTRATEXIAS E PROCEDEMENTOS: aplicar estratexias de análise e resolución de problemas propios da informática.

·        AUTOESTIMA: adquirir os coñecementos suficientes de si mesmos, das súas posibilidades e das súas limitacións, para poder optimizar os logros persoais e potenciar a súa autoestima.

·        TRABALLO EN EQUIPO: planificar e realizar traballos en equipo con actitude colaboradora.

·        TRABALLO PERSOAL:  Desenvolver hábitos de traballo persoal axeitados.

·        SAÚDE: alcanzar un coñecemento suficiente do seu propio corpo e das normas de hixiene e saúde que motiven uns costumes saudabes, así como dos defectos e malos hábitos máis comúns durante o traballo con material informático.

·        RESPECTO Ao MEDIO: utilizar os seus coñecementos científicos e tecnolóxicos para saber aproveitar do medio natural e adoptar comportamentos de respecto ao medio.

·        COÑECEMENTO: coñecer os conceptos, códigos e recursos básicos da materia para podelos aplicar en situacións cotiás.