Teléfono: 986648455
Fax 986648191
http://centros.edu.xunta.es/iespazodamerce/
Acceda á versión íntegra do proxecto
Obxectivos do proxecto
A curto prazo
Inclusión das novas tecnoloxías dentro da docencia de distintas áreas e niveis educativos facendo uso dunha serie de software didáctico xa instalado nos equipos informáticos do centro. Este conxunto de software, na súa meirande parte software libre e gratuito, está detallado neste mesmo documento na relación de recursos existentes no centro. O desenvolvemento detallado das actividades que se planexan realizar con este software está detallado a continuación no seguinte apartado deste mesmo documento.
Ampliación das aulas de informática existentes no centro. Sendo conscientes de que a aula de informática coa que o centro conta para a ESO e bacharelato é insuficiente para acoller todas as actividades propostas neste proxecto, temos xa planificadas unha serie de ampliacións de aulas de informática no centro, que comprenden unha serie de actuacións que se detallan no apartado de organización dos espazos do centro.
Implantación unha plataforma de intranet educativa que permita a elaboración e publicación de contidos didácticos que os alumnos poderán utilizar en calquera momento e dende calquera posto do centro. Na actualidade estamos no proceso de selección da ferramenta a utilizar, que estará baseada en software libre, As plataformas que estamos avaliando son moodle (http://www.moodle.org) e dokeos (http://www.dokeos.com)
Potenciar o uso das TIC na biblioteca. Actualmente a biblioteca do centro non conta con ningún equipo informático. O afastamento do noso centro do núcleo urbano e a falta de seguridade das súas instalacións impide que se poidan instalar na biblioteca equipos informáticos fixos.
Potenciamento do uso do galego nas TIC. Como xa se destacou anteriormente, a elección do software libre facilita enormemente a implantación do galego dentro do software utilizado. Concretamente, na actualidade xa está implantado no centro o paquete ofimático OpenOffice e o navegador Mozilla Firefox totalmente traducidos ao galego. O obxectivo deste proxecto é potenciar ao máximo posible o uso de software traducido ao galego.
Formación do profesorado nas TIC no propio centro de ensino en ferramentas directamente aplicables na aula. Como se destacou tamén no apartado anterior, un dos obxectivos deste proxecto é a formación da meirande parte do profesorado no propio centro en agrupamentos de traballo.
A longo prazo
Normalización no uso do galego nas TIC.
Migración progresiva ao software libre.
Implantación de sistemas de acceso remoto que permitan acceder á rede do centro dende casa e faciliten o tele-ensino, tanto para o nivel da ESO e bacharelato como para o ciclo formativo.