Obxectivos do proxecto
1. Obxectivos a longo prazo
a) Conseguir a integración das TIC como un recurso de uso habitual para todo o profesorado, e en especial para aqueles módulos que polo seu dinamismo no eido profesional así o requiran, substituíndo paulatinamente o sistema tradicional de ensino-aprendizaxe onde as TICs formen parte importante do sistema de traballo e aprendizaxe.
b) Confeccionar actividades que nos permitan complementar a nosa labor docente.
c) Acadar unha cualificación o máis axeitada posible para que o noso alumnado no uso dos recursos que rodean as novas tecnoloxías da información.
d) Facilitar que a información se atope no momento e lugar adecuado ás necesidades puntuais de cada membro da comunidade educativa.
e) Optimizar os recursos dispoñibles no centro.
2. Obxectivos a curto prazo
- Utilizar a Web para a realización de tarefas cotiás.
- Conseguir unha mellora da comunicación entre o alumno e o profesor mediante a utilización de formatos dixitais (correo electrónico, entrega de traballos en pdf, documentos de word e outros, ... )
- Desenvolver unha experiencia de traballo cooperativo, entre o profesorado e o alumnado de diferentes ciclos formativos, a partir dun proxecto común.
- Promover a elaboración e colocación por parte do profesorado de alomenos unha actividade en formato dixital relacionada coa fundación virtual.
- Formarse nas técnicas de presentación e exposición da información apoiándose nas TIC.