imprimir

Atopáronse 12 rexistros.

IMAXE	NOME DO RECURSO	ORIXE
	Proxecto xogamos? Conxunto de recursos informáticos para a elaboración de amenos xogos de tipo pregunta-resposta multiplataforma. Premio a recursos educativos para a sociedade da información 2007.
	Tests interactivos Xerador de tests aleatorios de preguntas relacionados cos temarios de bioloxía e xeoloxía. O profesorado pode contribuír coas súas propias cuestións e ampliar a base de datos de preguntas a outras materias.
	Programa Matemáticas 1º e 2º ESO. Programa para Matemáticas, dirixido ao alumnado de 1º e 2º da ESO, dentro do Programa de Éxito Escolar
	Hot Potatoes Hot Potatoes é un conxunto de 6 aplicacións que permiten crear de forma sinxela exercicios interactivos para colgar en páxinas de internet, do tipo de tests de resposta múltiple, encrucillados, asociación múltiple, encher ocos... Non é libre pero pode ser usado de forma gratuíta por entidades educativas sen propósito de lucro.
	Clic e JavaClic Clic está formado por un conxunto de aplicacións de software libre que permite crear diversos tipos de actividades educativas multimedia. A web ZonaClic é un servizo do Departamento de Educación da Generalitat de Cataluña creado co obxectivo de darlle difusión e apoio ao uso destes recursos, así como de ofrecer un espazo de cooperación aberto á participación dos educadores que queiran compartir os materiais didácticos creados co programa.
	Neobook Neobook permite producir publicacións electrónicas multimedia de grande calidade. Integra texto, imaxes, música, animación, botóns de navegación, etc. para crear, de xeito sinxelo e rápido, dende revistas electrónicas para Internet ata materiais educativos, pasando por catálogos ou CD-ROMS. A versión mais recente permite o uso de proba durante 30 días de xeito gratuito.
	QuizFaber Xerador de tests gratuíto. Permite xerar tests para control de coñecementos dos alumnos en HTML de xeito rápido e directo, sen necesidade de saber nada de HTML ou Java. As páxinas xeradas poden engadirse a un recurso educativo xa existente ou poden colgarse da web
	Deep Freeze DeepFreeze é un programa que permite protexer os ordenadores fronte a todo tipo de manipulación por parte de virus, spyware ou usuarios malintencionados. Funciona.
	Ardora Ardora é unha aplicación informática que lles permite a todas e todos os docentes crear as súas propias actividades, en formato html, para os seus alumnos e alumnas dun xeito moi sinxelo. Con Ardora pódense crear máis de dezaseis tipos distintos de actividades: encrucillados, sopas de letras, textos para completar, paneis gráficos, reloxos, etc. O profesor ou profesora só ten que centrar o seu esforzo nos elementos da actividade, non no seu tratamento informático.
	LIM O sistema Lim é un contorno para a creación de materiais educativos composto por un editor de actividades (EdiLim), un visualizador (LIM) e un ficheiro en formato XML (libro) que define as propiedades do libro e as distintas páxinas que o compoñen.
	eLearning XHTML editor Ferramenta que lle facilita ao profesorado a creación de páxinas web de aspecto profesional e conformes aos estándares en eLearning. Exporta SCORM. Páxina orixinal do proxecto.
	Eclipse Crossword Excelente xerador de encrucillados, moi doado de usar e gratuíto. Xera encrucillados interactivos en formato web, ou para imprimir en formatos de Word e PDF. Moi recomendable. Aínda que as instrucións están en inglés, a actividade creada pódese traducir de xeito directo e simple.