ÓXIDOS DE METAIS
 |
¿Que son? |
|
¿Como se nomean? |
|
Se nos dan a fórmula |
|
Se nos dan o nome |
|
Exemplos |
|
Exercicios |
¿Que son?
Son combinacións dun metal con osíxeno, nas que o osíxeno ten número de oxidación -2.
Volver ó principio
¿Como se nomean?
Para a súa nomenclatura emprégase preferentemente a:
Nomenclatura de Stock: Noméanse cas palabras “óxido de” e o nome do metal seguido inmediatamente do número de oxidación co que actúa entre paréntese e con números romanos. Se o número de oxidación do metal é fixo non cómpre especificalo.
Óxido de METAL(N)
A IUPAC tamén acepta a nomenclatura estequiométrica para estes óxidos, anque é preferible empregar a nomenclatura de Stock sempre que haxa átomos metálicos e a estequiométrica cando os átomos sexan todos non metais.
Volver ó principio
Se nos dan a fórmula
Na fórmula: o osíxeno ten número de oxidación -2, e o número de oxidación do metal o podemos deducir sabendo que o composto é neutro. Se é sempre o mesmo o debemos coñecer e non fai falla deducilo.
Volver ó principio
Se nos dan o nome
No nome: fixarémonos no número de oxidación do metal, que está entre paréntese, se non se indica é que o temos que saber, lembra a táboa de números de oxidación. Como o número de oxidación do osíxeno é -2 só temos que calcular cantos átomos de cada precisamos para que o composto sexa neutro.
Volver ó principio
Exemplos
| Na2O | Óxido de sodio |
| FeO | Óxido de ferro(II) |
| Fe2O3 | Óxido de ferro(III) |
| CrO3 | Óxido de cromo(VI) |
| CaO | Óxido de calcio |
Volver ó principio
Exercicios
En Fórmulas tes un exercicio para escribir os nomes destas substancias e comprobar os resultados. Tamén tes a solución do exercicio.
En Nomes tes un exercicio para escribir as fórmulas destas substancias e comprobar os resultados. As fórmulas as tes que introducir sen subíndices, por exemplo auga = H2O. Tamén tes a solución do exercicio..
