OXISALES NEUTROS
 |
¿Que son? |
|
¿Como se nomean? |
|
Se nos dan a fórmula |
|
Se nos dan o nome |
|
Exemplos |
|
Nomenclatura sistemática da IUPAC |
|
Exercicios |
¿Que son?
Son os derivados de substituír tódolos hidróxenos dos oxiácidos por catións metálicos como o Na+, ou non metálicos como o NH4+ (amonio). Cando se substitúen tódolos hidróxenos fórmanse os sales neutros e cando só se substitúe algún dos hidróxenos os sales ácidos.
Volver ó principio
¿Como se nomean?
Nomenclatura tradicional.
Para a súa formulación séguense as mesmas regras que para os ácidos dos que proveñen pero cambiando as terminacións e mantendo os prefixos. Para os números de oxidación baixos a terminación -OSO cambia pola de -ITO, e para os números de oxidación altos a terminación -ICO cambia pola de -ATO.
| Número de oxidación | Ácido | Anión |
Máis alto Alto Baixo Máis baixo |
per- -ico -ico -oso hipo- -oso |
per- -ato -ato -ito hipo- -ito |
Volver ó principio
Se nos dan a fórmula
Na fórmula: Na2SO4
a) Disociamos o sal nos seus ións
A partir da carga do catión (ión positivo) deducimos a carga do anión (ión negativo).
b) Deducimos o número de oxidación do átomo central, sabendo que o osíxeno ten número de oxidación -2.
c) Lembrar os números de oxidación con que poden actuar os elementos centrais, e asignar prefixos e sufixos.
Séguese a nomenclatura de Stock, polo tanto se o metal pode ter outros números de oxidación indícase entre paréntese o que ten no composto.
Volver ó principio
Se nos dan o nome
No nome: Nitrato de calcio
a) Indicar cal é o catión. De ter varios posibles números de oxidación nolo teñen que indicar pola nomenclatura de Stock. E deducir polos prefixos e sufixos o número de oxidación do elemento central que participa no anión:
b) Formular o oxiácido de N+5
c) Deducir o anión a partir do ácido, quítanse os hidróxenos e póñense tantas cargas negativas como hidróxenos ten o ácido. Escribir o composto de xeito que sexa electricamente neutro, colocando uns coeficientes estequiométricos que nos indiquen cantos catións e anións participan na fórmula.
Volver ó principio
Exemplos
| Catión | Anión | Fórmula | |
| Bromato de calcio | Ca2+ | BrO3- | Ca(BrO3)2 |
| Hipoclorito de sodio | Na+ | ClO- | NaClO |
| Sulfato de aluminio | Al3+ | SO42- | Al2(SO4)3 |
| Fosfato de magnesio | Mg2+ | PO43- | Mg3(PO4)2 |
| Nitrato de ferro(III) | Fe3+ | NO3- | Fe(NO3)3 |
Volver ó principio
Nomenclatura sistemática da IUPAC
O anión, ou ión negativo, noméase como nos ácidos. Os prefixos bis, tris, tetrakis, pentakis, hexakis, etc. nos indican a repetición do anión poliatómico.
A carga do anión é o dobre dos osíxenos menos o número de oxidación do elemento central.
| Catión | Anión | Fórmula | |
| Bis[trioxobromato(V)] de calcio | Ca2+ | BrO3- | Ca(BrO3)2 |
| Oxoclorato(I) de sodio | Na+ | ClO- | NaClO |
| Tris[tetraoxosulfato(VI)] de aluminio | Al3+ | SO42- | Al2(SO4)3 |
| Bis[tetraoxofosfato(V)] de magnesio | Mg2+ | PO43- | Mg3(PO4)2 |
| Tris[trioxonitrato(V)] de ferro(III) | Fe3+ | NO3- | Fe(NO3)3 |
Volver ó principio
Exercicios
En Fórmulas tes un exercicio para escribir os nomes destas substancias e comprobar os resultados. Tamén tes a solución do exercicio.
En Nomes tes un exercicio para escribir as fórmulas destas substancias e comprobar os resultados. As fórmulas as tes que introducir sen subíndices, por exemplo auga = H2O. Tamén tes a solución do exercicio.
