espazoAbalar - XUNTA DE GALICIA

Abalar: O traballo realizado pola EEI Milladoiro é recoñecido como Boa Práctica 2.0 polo INTEF do Ministerio de Educación, Cultura e Deporte.

A Escola de Educación Infantil de Milladoiro estivo a traballar nos últimos anos na introdución das TIC nas aulas de 3, 4 e 5 anos, sendo un dos seus traballos publicado dentro do apartado "Experiencias" do portal espazoAbalar, xunto con outros proxectos que se están a levar a cabo en centros educativos galegos.

Xunta de Galicia: A Consellería de Cultura e Educación fomenta a intercomunicación entre o profesorado galego a través da nova rede social educativa Redeiras

A  nova rede social será un espazo de encontro, de comunicación e colaboración entre os docentes.

A Consellería de Cultura, Educación e Ordenación Universitaria vén de crear Redeiras (http://www.edu.xunta.es/redeiras), unha rede social para favorecer a intercomunicación entre o profesorado galego, co fin de fomentar o traballo colaborativo e o intercambio de experiencias como complemento á súa práctica educativa.