in10 - A nosa flor: novos usos gastronómicos e turísticos

Familias profesionais:
Agraria
Artes gráficas
Hostalaría e turismo
Industrias alimentarias
Centro educativo coordinador: CIFP Carlos Oroza
Pontevedra
Obxectivos:
  • Investigar novos usos da camelia para a creación dunha liña de produtos gastronómicos e turísticos innovadores relacionados con esta flor tan representativa das Rías Baixas
  • Abrir unha nova vía de emprendemento sustentable para o alumnado dos centros participantes no proxecto
  • Promover e difundir a formación en centros públicos da FP de Galicia e a colaboración con empresas privadas e outras entidades
Síntese do proxecto:

Investigación dos usos culinarios e turísticos das partes, dos atractivos e dos valores da camelia, adaptándoa aos novos tipos de elaboracións na cociña, en bebidas frías e quentes, e na panadaría, na pastelaría e na confeitaría, sen esquecer a creación de innovadores produtos turísticos que permitan achegar este recurso turístico galego tan fascinante aos turistas de todo o mundo, dun xeito orixinal e didáctico.

Actividade na zona expositiva:
Degustación, exposición e información aos visitantes de produtos gastronómicos e obradoiros adaptados.
Horario da actividade: Dúas sesións de mañá e unha de tarde (mércores e xoves). Unha sesión a mañá do venres

Acceda ao plano coa localización dos proxectos de innovación no andar -1 do Museo Centro Gaiás da Cidade da Cultura de Galicia.