Que se aprende a facer?
Realizar o mantemento e a reparación de maquinaria e equipo industrial, en condicións de calidade e seguridade e con prazos requiridos. Obter a produción en liñas automatizadas coa calidade, cantidade e nos prazos requiridos, coordinando os recursos humanos e mantendo os equipos e sistemas de produción en condicións de fiabilidade e dispoñibilidade. Realizar a montaxe e instalación en planta de maquinaria e equipo industrial, realizando o servizo técnico posvenda en condicións de calidade, seguridade e prazos requiridos.
Onde se realiza o traballo?
Execución do mantemento e da reparación de maquinaria e equipo industrial; produción en procesos automatizados como responsable de liña, integrando as funcións de produción e mantemento; produción de fabricación de maquinaria, realizando montaxe, instalación en planta e asistencia técnica.
En que postos de traballo?
Mecánico de mantemento. Electricista de mantemento. Electromecánico de mantemento. Montador industrial. Condutor/mantedor de liña automatizada.
Cales son os módulos deste ciclo?
Módulos | Horas |
Administración, xestión e comercialización na pequena empresa | 80 |
Automatismos eléctricos, pneumáticos e hidráulicos | 215 |
Calidade na montaxe e proceso | 55 |
Condución e mantemento de liñas automatizadas | 145 |
Electrotecnia | 185 |
Formación e orientación laboral | 55 |
Formación en centros de traballo | 380 |
Horas á disposición do centro | 80 |
Montaxe e mantemento eléctrico | 185 |
Montaxe e mantemento mecánico | 220 |
Relacións no equipo de traballo | 55 |
Seguridade na montaxe e no mantemento de equipos e instalacións | 55 |
Técnicas de mecanizado para o mantemento e a montaxe | 290 |
Que título se obtén?
Técnico en instalación e mantemento electromecánico de maquinaria e condución de liñas.
A que outros estudos se pode acceder?
Acceso directo ao bacharelato e a calquera outro ciclo formativo de grao medio e, mediante proba, aos ciclos de grao superior.