Xornada para axentes intermedios: Mergúllate na economía social

A Rede Eusumo organiza o próximo 13 de decembro, no salón de actos do Museo Pedagóxico de Galicia (MUPEGA), Rúa de San Lázaro 107, Santiago de Compostela, a “Xornada para axentes intermedios: Mergúllate na economía social”.

Esta xornada está dirixida aos axentes de emprego e desenvolvemento local, técnicos de emprendemento e emprego de entidades sen ánimo de lucro e outros axentes intermedios que teñan un contacto directo con emprendedores, e ten como obxectivo promover a economía social e os seus valores, así como divulgar os recursos e ferramentas de apoio existentes.

A xornada ten carácter gratuíto e a inscrición está aberta ata o 12 de decembro, a través do número de teléfono 981 55 80 08 ou o enderezo electrónico eusumo.emprego@xunta.es