Campamento de verán no Mupega.
(02/07/2019 | 14:19)
Os días 25, 26 e 27 de xullo gozamos de tres días de actividades nos que tivemos tempo de modelar arxila e pintala, xogar no patio ou mesmo coñecer a exposición temporal.
Esperamos que os nenos e nenas desfrutaran, pois para nós foron tres días de diversión.
Pódese ver no seguinte enlace unha pequena mostra do realizado.
Club Triatlón Santiago.
(28/06/2019 | 10:12)
Onte visitounos un grupo de rapaces e rapazas do Club Triatlón de Santiago.
Os nenos e nenas percorreron as dúas primeiras plantas do museo mostrándose en todo momento moi interesados.
Desexamos que a visita fora do seu agrado e esperamos velos novamente.
Primeiro Certame Concurso Pilabot
Primeiro Certame Concurso Pilabot
Primeiro Certame Concurso Pilabot
(19/06/2019 | 09:43)
Onte tivo lugar no Mupega a entrega de premios do Primeiro Certame Escolar "Pilabot".
A Consellería de Medio Ambiente, en colaboración cos xestores de pilas autorizados en Galicia (Ecopilas, ERP y Ecolec), puxo en marcha a campaña Pilabot o pasado 22 de outubro co obxectivo de fomentar a reciclaxe deste tipo de residuos entre os escolares. galegos e as súas familias.
En total, 150 colexios de primaria e secundaria sumáronse á mesma no curso 2018-2019. Durante os case tres meses que durou o certame recolléronse preto de 44 toneladas de pilas, unas cifras espectaculares que “superaron as expectativas” iniciais.
Infantil e primeiro ciclo de primaria do CEIP Bormoio Agualada
(17/06/2019 | 09:16)
O pasado 14 de xuño recibimos a visita dos rapaciños e rapaciñas de infantil e primeiro ciclo de primaria do colexio de Bormoio Agualada en Coristanco.
O encantador grupo percorreou o museo descubrindo como eran as escolas dos seus avós e bisavós, ao tempo que realizaron diferentes xogos e actividades: o quebracabezas de Doloriñas, o barquiño de casca de noz, o xogo das parellas.
Foi moi agradable telos con nós. Agardamos que gozaran da visita e volvan en máis ocasións.
Alumnado de 3º da ESO do CPR Maristas
(17/06/2019 | 09:06)
Este venres visitounos o alumnado de 3º da ESO do Colexio Maristas de Vigo.
A visita ao Mupega enmarcouse dentro da visita a Santiago para a entrega de premios do Concurso de Doazón de Sangue, no que o grupo resultou galardoado.
O alumnado percorreu as instalacións do museo rematando coa recreación dun aula antiga.
Fundación Secretariado Gitano
(14/06/2019 | 15:01)
Onte viñeron coñecer o Mupega un pequeno grupo de rapaces e rapazas de diversas idades.
Percorreron o museo con moito interese para descubrir como eran as escolas do pasado e mesmo puideron entrar nunha delas.
Tamén viron come eran os xoguetes aos que xogaban os rapaces de antes e puideron comprobar como funcionaban.
Usuarios de AFAMO recreando unha clase antiga.
(14/06/2019 | 14:52)
Onte viñeron a visitarnos AFAMO (Asociación de familiares de enfermos de alzheimer del Morrazo)
O pequeno grupo de maiores percorreou todo museo acompañado descubrindo como foron cambiando as aulas ao longo do tempo, e fíxolles tamén transladarse aos tempos da infancia lembrando como era a súa escola.
Agardamos que resultase unha visita agradable e queiran repetir a experiencia.
Usuarios de Sarela
(13/06/2019 | 17:24)
Onte recibimos a visita dun pequeno grupo de persoas usuarias da Asociación SARELA de Santiago que viñeron a visitar a exposición temporal Homo sapiens, transmisor de coñecemento.
O grupo moi participativo e interesado percorreou o espazo da exposición, descubrindo pezas de uso didáctico comúns nos institutos de Galicia nos albores das seis institucións más antigas da nosa comunidade.
Agardamos que a visita resultase do seu agrado e que volten para coñecer a exposición permanente.