Usuarios de AFAMO recreando unha clase antiga.
(14/06/2019 | 14:52)
Onte viñeron a visitarnos AFAMO (Asociación de familiares de enfermos de alzheimer del Morrazo)
O pequeno grupo de maiores percorreou todo museo acompañado descubrindo como foron cambiando as aulas ao longo do tempo, e fíxolles tamén transladarse aos tempos da infancia lembrando como era a súa escola.
Agardamos que resultase unha visita agradable e queiran repetir a experiencia.
Usuarios de Sarela
(13/06/2019 | 17:24)
Onte recibimos a visita dun pequeno grupo de persoas usuarias da Asociación SARELA de Santiago que viñeron a visitar a exposición temporal Homo sapiens, transmisor de coñecemento.
O grupo moi participativo e interesado percorreou o espazo da exposición, descubrindo pezas de uso didáctico comúns nos institutos de Galicia nos albores das seis institucións más antigas da nosa comunidade.
Agardamos que a visita resultase do seu agrado e que volten para coñecer a exposición permanente.
Alumnado de 3º, 4º e 5º de primaria
(13/06/2019 | 14:48)
Onte recibimos a visita do alumnado de 3º, 4º e 5º de Primaria do CEIP Praia de Quenxe.
Repartidos en dous grupos percorreron o museo acompañados das guias e puideron descubrir como eran as escolas nas que estudiaban os seus avós e visavós, que obxetos empregaban nelas, a que xogaban no lecer.
Agardamos que resultara unha visita agradable e que volten en máis ocasións.
Nunha aula antiga
(12/06/2019 | 09:45)
Onte recibimos a visita dun grupo de alumnos e alumnas de 4º do Colexio Cristo Rey de Ferrol
O alumnado puido coñecer a evolución da educación en Galicia a través do tempo e descubrir como era o mobiliario e materiais que se empregaban nas escolas dos diferentes periodos históricos.
Agardamos que a visita fose do seu agrado e que volvan en máis ocasións.
Mostra Mail Art 2019 no Mupega
Mostra Mail Art 2019 no Mupega
(11/06/2019 | 09:24)
Dende esta semana o Mupega acollerá unha mostra de Mail Art que xirará en torno a figura de Antonio Fraguas e a cultura tradicional galega.
Esta pequena exposición recolle as creacións recibidas no IES Antonio Fraguas de Santiago de Compostela dende diferentes lugares de Galicia, España e do Mundo.
O seu carácter aberto e participativo permitiu conxugar unha clara vocación cosmopolita e internacional coa posta en valor da cultura tradicional propia.
Recreando unha aula do pasado
(10/06/2019 | 12:37)
O pasado venres viñeron de visita ao museo un pequeno e encantador grupo de rapaces e rapazas de 4º de primaria do Colexio Público de Guillarei.
O alumnado acompañado e o seu profesor, percorreu o museo acompañado das guías, descubrindo como eran as escolas de antes, que materiais empregaban para aprender e mesmo puido recrear un clase antiga.
Agardamos que a visita resultase do seu agrado e que volvan noutra ocasión.
Entrega de premios no Mupega
Entrega de premios no Mupega
Entrega de premios no Mupega
(05/06/2019 | 18:43)
Hoxe, mércores 5 de xuño, conmemorouse o Día Nacional do Doante e con tal motivo a Axencia de Doazón de Órganos e Sangue (ADOS) celebrou no MUPEGA a entrega de premios do “IV certame de curtametraxes e debuxo para escolares relacionado coa doazón e os transplantes”.
Os premiados xunto cos seus compañeiros de aula e algúns familiares realizaron unha visita ao museo, para asistir despois á entrega de premios no salón do Mupega, acto que estivo presidido polo conselleiro de Sanidade Jesús Vázquez Almuiña, xunto co director xeral de Educación, Formación Profesional e Innovación, Manuel Corredoira López.
Os traballos premiados no apartado de lemas e ilustración foron 'Ti podes facer maxia' de Paula Piñeiro (IES Carlos Casares) e 'Está nas túas mans salvar vidas', de Lucía Alonso (IES Alexandre Bóveda) ambas de centros de Vigo.
Campamento de Verán no Mupega 2019
(04/06/2019 | 14:36)
Como xa está preto o verán queremos aproveitar para contarvos que o Museo Pedagóxico de Galicia levará a cabo, un ano máis, os Obradoiros de Verán: tres días nos que se farán traballos manuais e xogos no patio.
Unha actividade de verán continuada para nenas e nenos de 6 a 11 anos que se desenvolverá este mes de xuño polas mañás os días 25, 26 e 27 de 10:30 h. a 13h.
Para poder asistir á actividade será preciso cubrir e firmar o formulario de inscrición que tedes no enlace máis abaixo, e despois envialo ao noso correo ou levalo presencialmente ao museo. Para quen o prefira, hai formularios de inscrición no vestíbulo do museo.