Colexio Plurilingüe Vila do Arenteiro.
(20/06/2018 | 13:18)
Hoxe visitou o Museo Pedagóxico o Colexio Plur. Vila do Arenteiro, do Carballiño.
Os estudantes, de distindos niveis da ESO, percorreron os tres andares do museo, polo que viron as aulas antigas, as escolas de americanos e o obradoiro, entre outras cousas.
Agardamos velos noutra ocasión.
Alumnado de 3º de Primaria do CEIP Pedrouzos.
Alumnado de 3º de Primaria do CEIP Pedrouzos.
(20/06/2018 | 09:04)
Onte recibimos a visita dun numeroso grupo de 3º de Primaria do Colexio Público Pedrouzos de Brión.
Os rapaces e rapazas percorreron o museo en dúas tandas, prestándo especial atención ao baúl de Doloriñas, a curva dos xoguetes, ademais pasárono en grande recreando unha clase das de antes no Obradoiro.
Foi unha mañá moi aproveitada, e mesmo querían cambiar a súas modernas aula polas antigas. Foi un pracer telos con nós e agardamos que volten en máis ocasións.
Entrega de premios do Programa Atrévete.
Entrega de premios do Programa Atrévete.
Entrega de premios do Programa Atrévete.
Entrega de premios do Programa Atrévete.
(18/06/2018 | 14:28)
O pasado venres, 15 de xullo, celebrouse no Museo Pedagóxico de Galicia a clausura do Programa Atrévete.
Este programa, que se desenvolve no marco do Plan Eduemprende, vai dirixido a fomentar, motivar, e sensibilizar ao alumnado de Educación Primaria e Secundaria Obrigatoria no espírito emprendedor.
Esta acción establécese dentro dun ámbito de colaboración entre a Consellería de Cultura, Educación e Ordenación Universitaria e as diferentes asociacións empresariais, en favor do impulso da cultura emprendedora entre o alumnado e do coñecemento do tecido empresarial da súa contorna.
Alumnado de 3º e 4º do CEIP As Revoltas.
(15/06/2018 | 14:37)
Hoxe veu coñecer o Mupega o alumnado do CEIP As Revoltas, de Cabana de Bergantiños.
Os estudantes coñeceron como era a escola dos seus avós, os materiais didácticos que empregaban, os xoguetes cos que se divertían,...
Esperamos que a visita fora do seu agrado e que volten noutra ocasión.
Alumnado de 3ºB de EP do CEIP A Solaina.
Alumnado de 3ºA de EP do CEIP A Solaina.
(15/06/2018 | 09:52)
Onte visitounos o alumnado de 3º de Primaria do CEIP A Solaina, de Narón.
Os estudantes percorreron a exposición permanente das dúas primeiras plantas do museo, mostrándose en todo momento moi interesados e participativos.
Agardamos que a visita fora do seu agrado e que volten novamente.
Alumnado de 5º de Primaria CEIP Fermín Bouza Brey
Alumnado de 5º de Primaria CEIP Fermín Bouza Brey
(13/06/2018 | 14:50)
Onte viñeron visitarnos ao museo, un numeroso grupo de nenos e nenas de 5º de Primaria procedentes co Colexio Público Bouza Brey de Ponteareas.
O agradable grupiño, viña do máis preparado á visita pois, xa coñecía de antemán parte do patrimonio co que conta o Mupega.
Foi unha experiencia estupenda, agradecemos moito contar con visitas de rapaces e rapazas tan interesados. Agardamos contar con vós en máis ocasións
Alumnado de 6º procedente de Vilalba
Alumnado de 6º procedente de Vilalba
(08/06/2018 | 14:53)
Hoxe visitáronnos os alumnos e alumnas de 6º de Primaria do Colexio Manuel Mato Vizoso.
Este grupo veu ao noso museo moi preparado, xa que con motivo do 50 aniversario do seu centro, levan traballado moito sobre as aulas antigas e a educación de antes, polo que son case unhs expertos.
Foi un gran pracer, contar cun grupo tan interesante e interesado. Agardamos que volvan visitarnos en máis ocasións.
Entrega de premios.
(08/06/2018 | 09:37)
O pasado mércores, 6 de xuño, conmemorouse o Día Nacional do Doante e, con tal motivo a Axencia de Doazón de Órganos e Sangue (ADOS) celebrou no MUPEGA a entrega de premios do “I Concurso de carteis para escolares relacionado coa doazón e os transplantes”.
Os premiados xunto cos seus compañeiros de aula e algúns familiares gozaron dunha visita ao museo, para asistir despois á entrega de premios no salón do Mupega, acto que estivo presidido polo conselleiro de Sanidade Jesús Vázquez Almuiña, xunto co director xeral de Educación, Formación Profesional e Innovación, Manuel Corredoira López.
Na celebración houbo tamén un fermoso momento para o recordo, pois as dúas rapazas premiadas do IES Carlos Casares quixeron adicar o premio a un compañeiro, xa falecido, transplantado de médula.