Entrevista ao personal do MUPEGA.
(26/09/2018 | 11:41)
Onte visitáronnos dous xornalistas do programa da Cadena Ser en Galicia "A Vivir Galicia". Este programa, que se emite todos os fins de semana de 12:00 a 13:00, ten unha sección mensual dedicada aos museos de Galicia
Nesta ocasión quixeron achegarse ao MUPEGA para coñecelo un pouco máis e facernos unha entrevista.
Foi un pracer poder atendelos e transmitir a todos os oíntes en que consiste o noso museo e que poden atopar aquí.
Museo Pedagóxico de Galicia.
(20/09/2018 | 09:48)
Dende esta semana ata o 15 de xuño de 2019 o horario de apertura do museo ao público será de 10:00 a 15:00 e de 16:00 a 19:00 de martes a venres, mentres que o sábados abrirase de 10:00 a 14:00 e de 16:00 a 20:00.
O museo permanecerá pechado os luns, domingos e festivos.
Alumnado de 4º ESO e 1º Bach do IES San Rosendo.
(20/09/2018 | 09:35)
Onte viñeron ao Mupega os alumnos e alumnas de 4º de ESO e 1º de Bacharelato do IES San Rosendo, de Mondoñedo.
A visita ao museo tiña como finalidade que os rapaces se documentaran sobre as escolas da primeira metade do século XX. O alumnado participa nun proxecto Erasmus+ e, neste momento están a traballar sobre os dereitos dos nenos, en concreto o dereito á educación.
Desexamos que a visita lles fora de utilidade e esperamos velos novamente.
Grupo da residencia da 3º Idade de San Lázaro.
(20/09/2018 | 08:52)
A semana pasada recibimos a visita dun grupo de maiores dunha residencia da 3ª idade que acudiron ao Mupega para a gravación dunha reportaxe para un programa da TVG.
Os participantes rememoraron os seus tempos de escola no noso Obradoiro recreando unha clase "das de antes".
Resultou unha experiencia moi interesante para todos.
Grupo do AXF Ferrolterra.
(14/09/2018 | 09:46)
Onte recibimos a visita da AXF Ferrolterra.
On encantador grupo percorreu as tres plantas do noso museo acompañado da nosa guía e dunha interprete de lingua de signos, que fixo moi doada a visita.
Foi unha visita moi agradable e enriquecedora para nós. Agardamos que igualmente fose do agrado do grupo e volten en máis ocasións.
Curso de monitor de comedor escolar e actividades infantís.
(11/09/2018 | 09:54)
O martes 4 de setembro contamos coa visita dun grupo de mulleres do Curso de monitor de comedor escolar e actividades infantís.
O grupo percorreu o museo na súa totalidade, mostrando gran interese polo que se contaba. Agardamos que a visita fora do seu agrado e desexamos que volten novamente.
Aproveitamos para animar a todos e todas a vir ao Museo Pedagóxico de Galicia para coñecer a riqueza do patrimonio educativo da nosa terra.
Programa de Rehabilitación Integral de Centros Educativos.
(30/07/2018 | 09:51)
O pasado venres 27 tivo lugar no Mupega un acto de presentación do Programa de Rehabilitación Integral de Centros Educativos, presidido polo Secretario técnico da Consellería de Cultura Educación e Ordenación Universitaria Jesús Oitavén.
Visita do Campamento de Verán do C.C de Fontiñas
(27/07/2018 | 14:27)
Hoxe viñeron de visita ao Mupega un grupo de rapaces e rapazas do C.C de Fontiñas.
O encantador grupo, estivo moi atento as explicacións das guías e divertiuse xogando, facendo un crebacabezas e recreando unha aula antiga.
Foi moi agradable telos con nós. Agardamos que volten en máis ocasións