Alumnado de 1º e 2º de ESO do IES Carlos Casares (Viana do Bolo).
(04/05/2019 | 11:12)
O xoves tivemos unha visita que veu de lonxe, de Viana do Bolo. O alumnado de 1º e 2º de ESO do IES Carlos Casares visitou a exposición permanente do Mupega.
No percorrido, unha das cousas que máis chamou a atención dos rapaces foi o feito de atopar os topónimos das vilas e aldeas de Galicia escritos en castelán nangúns dos mapas expostos no museo. Ademais, na Carta Geométrica de Galicia de Domingo Fontán editado en 1845, a súa vila aparece como Viana.
Esperamos que gozaran da visita.
Contacontos día do libro
(30/04/2019 | 18:40)
Deixámosvos un pequeno vídeo recordatorio do que foi a actividade coa que este venres celebramos o Día do Libro no MUPEGA. Gracias a todas e todos por participar.
Clica no enlace para visualizalo.
5º EP do CEIP Rosalía de Castro.
(30/04/2019 | 18:34)
Hoxe recibimos a visita dun grupo de rapaces e rapazas de 5º de primaria do Colexio Rosalía de Castro de O Grove.
O grupo amosouse moi participativo durante todo o percorrido e desfrutou moito nas nosas instalacións especialmente na aula obradoiro na que poden recrear unha clase antiga.
Agardamos que a visita resultara do seu agrado e que volten en máis ocasións.
Estudantes de 2º de ESO do IES Fernando Blanco de Lema.
(25/04/2019 | 14:17)
Hoxe visitounos un grupo de seis estudantes de 2º de ESO do IES Fernando Blanco de Lema, de Cee; mentres, os seus compañeiros participaban na Olimpiada Matemática. Desexámoslles que teñan moita sorte.
Os estudantes xunto co seu profesor percorreron libremente a exposición permanente e despois fixeron a visita guiada á temporal "Homo sapiens, transmisor de coñecemento".
Estamos seguros de que esta visita lles permitirá valorar moito máis os fondos históricos que o seu propio instituto atesora, centro fundado grazas á importante doazón económica que D. Fernando Blanco de Lema, natural de Cee, fixo trala súa morte.
Alumnado de 6º de primaria do CEIP Ramón Otero Pedrayo.
(24/04/2019 | 13:50)
Hoxe viñeron ao Museo Pedagóxico de Galicia os rapaces e rapazas de 6º de Primaria do CEIP Ramón Otero Pedrayo, de A Laracha.
O alumnado percorreu o museo visitando a plantas baixa e primeira, participando e interesándose polo que observaban.
Agardamos que a visita fora do seu agrado e que volten noutra ocasión.
alumnado de 2º ESO  IES Rego de Trabe
alumnado de 2º ESO  IES Rego de Trabe
(11/04/2019 | 14:34)
Hoxe recibimos a visita dun grupo de rapaces e rapazas de 2º da ESO do Instituto Rego de Trabe de Culleredo
O grupo percorreou as instalacións do museo moi interesados en descubrir como eran a educación e a infancia en épocas pasadas.
Agardamos que a visita resultase interesante e agradable para eles e volten máis veces ao MUPEGA.
Contacontos día do libro
(11/04/2019 | 12:36)
O 23 de abril celébrase o Día do Libro e con tal motivo, o venres 26, no Museo Pedagóxico de Galicia organizamos unha nova actividade infantil que consistirá desta vez nun contacontos acompañado cun xogo.
Animádevos!
Maiores do grupo "Memoria"
(10/04/2019 | 10:15)
Onte pola tarde recibimos a entrañable visita de varias persoas que forman parte do grupo "Memoria" da Casa da Cultura Milladoiro.
O encantador grupo percorreu o museo acompañado dos nosos guías nunha viaxe a súa infancia cheo de lembranzas e anécdotas, especialmente nos espazos dedicados ás aulas históricas ou nos que se amosan materiais escolares ou xoguetes da súa infancia.
Foi un pracer telos con nós. Agardamos que a visita resultase do seu agrado e que volvan visitarnos en máis ocasións.