(18/12/2018 | 14:02)
O pasado sábado recibimos no museo unha visita moi especial: unha visita de época.
O grupo visitante acudiu ao Mupega ataviados con vestimentas de finais do século XIX e principios do XX, moi axeitadas coas aulas históricas do noso museo.
Resultou unha visita moi amena e interesante que nos permitiu a todos mergullarnos un pocou máis na atmósfera de épocas pasadas.
(11/12/2018 | 09:16)
Este venres, 14 de decembro, realizarase no Museo Pedagóxico de Galicia unha actividade coa temática do Nadal.
No Mupega queremos decorar unha árbore coa axuda dos nenos e nenas.
Aqueles que estean interesados deberán enviar un correo electrónico á dirección museo.pedagoxico.galicia@edu.xunta.es, con nome do neno/a, a súa data de nacemento e un teléfono de contacto.
(04/12/2018 | 11:41)
O venres 23 de novembro organizamos unha actividade de papiroflexia para nenos e nenas un pouco máis maiores do habitual.
Os rapaces e rapazas construíron un calendario do 2019 con forma de dodecaedro de moitas cores.
Esperamos que gozaran da actividade.
(03/12/2018 | 14:29)
O venres pasado visitaron o noso museo un pequeno grupo de rapaces e rapazas de primeiro de primaria da escola A Semente.
O animado grupo percorreu o MUPEGA con moita curiosidade e desfrutaron especialmente do recuncho que temos reservado as pezas especialmente dos departamentos de ciencias dos Institutos Históricos.
Foi unha visita moi animada. Agardamos que a desfrutaran e volten en máis ocasións.
(03/12/2018 | 14:04)
O pasado venres recibimos a visita dun grupo de alumnos e alumnas de galego da EOI de Ferrol
O pequeno grupo amosouse moi interesado nas pezas que amosamos e en coñecer máis a historia educativa da nosa comunidade.
Agardamos que a visita resultase de proveito e que volvan visitarnos en máis ocasións
(30/11/2018 | 16:01)
O pasado mércores recibimos a visita dun numeroso grupo de estudantes do grao en Educación Primaria da Facultade de Ciencias da Educación de Santiago.
O alumnado repartido en dúas quendas, unha de mañá e outra de tarde, tomou boa nota da evolución das aulas ao longo da historia e as particularidades pedagóxicas da nosa comunidade.
Agardamos que a visita fose do seu agrado e que volvan en máis ocasións.
(27/11/2018 | 19:13)
Hoxe visitounos o alumnado de 3º e 4º de ESO do CPR María Inmaculada, de Verín.
Os estudantes percorreron o museo acompañados polas guías, mostráronse moi atentos e interesados polo que se contaba.
Adardamos velos novamente.
(23/11/2018 | 15:43)
Entre onte e hoxe visitounos todo o alumnado de 1º de Primaria do Colexio Jesuitinas da Coruña.
Os nenos/as participaron activamente nas actividades e xogos que se realizaron ao longo da visita e facendo ou respondendo preguntas.
Esperamos velos novamente o próximo curso.
Pode subscribirse ás novidades desta web cun lector de feeds