Alumnado de 5º e 6º de EP do CEIP Roxos (Santiago de Compostela)
(19/01/2014 | 21:24)
Un amplo número de estudantes do colexio de Roxos visitaron este venres o noso museo. Percorreron as distintas aulas históricas recoñecendo aqueles enseres cos que estudaron os seus maiores, dende as aulas de ferrado ata a cercana de EXB. Un exquisito comportamento deste alumnado de 5º e 6º de EP fainos merecedores da nosa felicitación e desexamos que aproveitaran a visita e desfrutaran co que lle ensinamos. Ata sempre!.
Alumnado de 1º EP do CPR Cluny coas súas mestras
(19/01/2014 | 21:18)
Como vén sendo norma estés últimos anos, o colexio compostelán visitounos na mañá do xoves 16 de xaneiro desfrutando coas actividades propostas para coñecer un pouco máis a vida escolar dos seus avoíños e avoíñas, cómo eran os seus libros, as súas actividades e os seus xogos. Agardamos volver a velos próximamente.
1º ESO do IES 12 de Outubro de  Ourense
(15/01/2014 | 19:21)
O xa vetusto instituto do barrio de "A Ponte" da cidade das Burgas visitou na tarde de hoxe mércores 15 de xaneiro o noso museo por primeira vez. O grupo de estudantes de 1ºA e B de ESO do centro amosaron especial interés pola historia da escola en Galicia e desfrutaron coa representación das aulas dos seus avós -a escola franquista-, e dos seus pais -a escola de EXB-. Así alomenos parece pola alegría que manifestan na instantánea tirada na exposición temporal actual centrada nese tempo da EXB. Agardamos volver a velos por aquí axiña.
Alumnado de 1º de ESO do IES María Soliño de Cangas
(13/01/2014 | 12:12)
Os estudantes de 1º de ESO do IES Mª Soliño de Cangas do Morrazo visitaron na mañá deste xoves día 9 o noso museo. Descubriron os restos da arqueoloxía escolar que se atopa espallada polas diferentes salas do museo, e disfrutaron coa recreación máis próxima no tempo, da aula de EXB.
Recreación dunha aula de EXB. Exposición temporal do MUPEGA
(31/12/2013 | 01:10)
Unha coidada e rigurosa recreación dunha aula de EXB preside a nova exposición temporal do Museo Pedagóxico de Galicia no seu primeiro andar. Arredor dela xiran outros aspectos relativos ás moitas novidades que aportou a Lei Xeral de 1970, máis coñecida como a Lei Villar Palasí, en memoria do seu mentor o ministro D. José Luís Villar Palasí, que naqueles díficiles anos setenta puxo ó noso país no mapa educativo da Europa daquel intre. Rodeado dun gran equipo de profesionais, reformou todo o sistema educativo español, non sin antes elaborar un duro, completo e riguroso informe da situación herrada, e que se coñeceu co nome de Libro Blanco da Educación en España.
Alumnado de 1º Grao de Ed.Infantil e Primaria. Zamora
(12/12/2013 | 18:47)
Comandados polo seu profesor D.Bienvenido Martín Fraile, uns setenta estudantes de 1º de Grao de Educación Infantil e Primaria de Zamora visitou o noso museo percorrendo de vagar as distintas estancias recreadas especialmente para interpretar a evolución da ensinanza primaria no noso país. Agardamos seguir contando coa súa confianza e coa súa asistencia periódica e desexamos un bo ano a todos e a todas estes extraordinarios estudantes e entrañables amigos e amigas.
2º Bac. Liceo La Paz ( A Coruña)
(11/12/2013 | 09:43)
Arredor duns 70 rapaces e rapazas do centro herculino visitaron na tarde de onte o noso museo, percorrendo de vagar as distintas salas para ir descubrindo o desenvolvemento histórico da educación en Galicia. Mostraron un grande interese e unha excelente actitude. Agardamos que fose de proveito a súa estadía no MUPEGA e agardamos volver a velos por aquí noutra ocasión.
Alumnado da Casa do Neno (Compostela)
(11/12/2013 | 09:39)
Un segundo grupo de alumnos e alumnas de Educación Infantil do centro compostelán "A casa do Neno" visitou as nosas instalacións, desfrutando das actividades didácticas propostas e pasando unha mañá moi divertida.