3ºESO do CPI A Cañiza
(08/05/2013 | 16:58)
Un grupo numeroso de alumnos e alumnas de 3º de ESO do centro pontevedrés visitaron o noso museo percorrendo con interese as distintas salas que reproducen os diferentes fitos da educación ao longo do tempo.
Traballo Social da USC no MUPEGA
(08/05/2013 | 16:56)
Un reducido grupo de alumnas de Traballo Social da USC visitaron as dependencias do noso museo para descubrir de preto as pegadas da educación en Galicia. Visitaron de vagar e demoradamente a exposición temporal " Luces de Alén Mar. As escolas de americanos en Galicia".
Veciñanza das parroquias de Insua, Cabreiros e Santaballa.
(02/05/2013 | 13:09)
Representando á veciñanza da comarca chairega pasou a mañá deste xoves 2 de maio visitando emocionados ás aulas antigas do noso centro. Puideron recoñecer na exposición temporal "Luces de Alén Mar..." as numerosas escolas habaneras espalladas pola comarca vilalbesa e nas que algúns dos presentes estivo de neno ou nena.
CPI San Sadurniño de visita no MUPEGA
(26/04/2013 | 18:13)
Case medio cento de nenos e nenas do colexio público integrado da localidade interior de Ferrolterra visitaron o museo compostelán dedicado á escola antiga. 3º e 4º de Primaria veu pasar un día diferente a Compostela e vanse moi contentos de ter descuberto estes tesouros da arqueoloxía escolar. Aquí aparecen posando diante do cartel anunciador da exposición temporal que tamén visitaron de vagar.
Alumnos, alumnas e profesores do colexio de Bergondo no salón de actos do MUPEGA
(26/04/2013 | 18:03)
Nenos e nenas de 4º de Primaria do centro noiés visitaron esta mañá o noso museo descubrindo cos seus ollos infantís as aulas dos seus avós. Xogaron coa zoadeira e percorreron a exposición temporal dedicada ás escolas dos americanos en Galicia.
Alumnado de 3º e 4º ESO CPR S.Francisco Javier (Vilagarcía)
(26/04/2013 | 09:22)
Arredor de medio cento de alumnas e alumnos dos cursos 3º e 4º de ESO do centro privado vilagarcián pasou polas nosas instalacións para coñecer de primeira man as pegadas que deixou a historia da educación en Galicia. Durante a visita guiada manifestáronse moi interesados na exposición temporal "Luces de Alén Mar" presente no primeiro andar do museo, onde coñeceron polo miúdo o labor dos emigrados no eido educativo, e nomeadamente no seu ámbito comarcal.
Alumnos  e alumnas do IES Escolas Proval de Nigrán
(25/04/2013 | 18:04)
Un grupo de rapaces e rapazas de 3º de ESO do IES Escolas Proval visitou nesta abafante tarde de primavera ó noso centro desfrutando co descubrimento das moitas pegadas que os seus veciños e veciñas deixaron ao longo das diferentes salas deste museo. A visita resultou agradable e proveitosa por canto este alumnado coñecía polo miúdo a grande empresa educativa levantada e sostida polos seus antepasados emigrados á Arxentina. Aquí aparecen sorrindo contemplando a maqueta do seu centro educativo.
IES Alfredo Brañas de Carballo (3º ESO)
(25/04/2013 | 08:29)
Un simpático grupo de alumnos e alumnas de 3º de ESO do centro carballés paseou polas aulas antigas e polos diferentes espazos museográficos do MUPEGA baixo a atenta mirada e didáctica guía do profesor Antonio Cepeda. Aquí posan no vestíbulo do centro co cartel da exposición temporal como fondo.