Alumnado de 4º de Psicopedagoxía do Campus de Ourense visita o MUPEGA
(16/03/2012 | 18:37)
Un simpático grupo de alumnas e alumnos da Universidade de Vigo- Campus de Ourense- coa súa profesora Silvana Longueira ao fronte visitaron o noso museo e a través da súa colección permanente contrastaron os seus amplos coñecementos de historia da educación.
Grupo de maiores de Paderne
Outro grupo de maiores de Paderne
(16/03/2012 | 10:26)
Máis dun cento de persoas maiores do centro residencial de Paderne (A Coruña), visitaron o noso museo nunha actividade programada para conmemorar o cuarto ano de funcionamento do seu centro. A visita guiada polo asesor Antonio Cepeda, resultou un éxito de animación e participación.
A Universidade Senior da Coruña visita o MUPEGA
(03/03/2012 | 20:34)
Un animado e numeroso grupo de estudantes da Universidade Senior da Universidade da Coruña, co seu profesor D. Gerardo Hernández e, dentro do seu programa de actividades formativas de interese cultural, realizaron no día de hoxe un achegamento ao Camiño Francés e logo, durante a tarde compartiron connosco unha completa e amena visita didáctica ao MUPEGA.
O IES Portobello de Ourense no MUPEGA
(29/02/2012 | 11:30)
Un animado grupo de futuras e futuros educadores infantís, visitou onte as nosas instalacións, repasando os fitos máis sobranceiros da historia da educación en Galicia a través da contemplación das nosas aulas históricas.
Alumnado  do IES Carlos Casares de Viana do Bolo  no Mupega
(24/02/2012 | 18:08)
Despois de superar o seu sonado Entroido un animado grupo de estudantes vianases pasou polo Mupega. O cansanzo pola viaxe e pola acumulación de actividades fixo que a súa estadía no museo resultara curta no tempo pero intensa nos contidos.
Estudantes do Máster de Ciencias da Familia da USC visitan o MUPEGA
Estudantes do Máster de Ciencias da Familia da USC visitan o MUPEGA
(11/02/2012 | 15:32)
Unha cincuentena de estudantes de diversa idade e procedentes de varios paises do continente sudamericano visitaron o noso museo, dentro do seu programa de formación do seu Máster que dirixe o profesor Agustín Dosil da USC.
Alumnado de ESO e Bacharelato de Pontedeume no MUPEGA
(11/02/2012 | 15:24)
Un amplo número de alumnos e alumnas do IES Fragas do Eume da vila dos Andrade visitou as instalacións do noso museo e seguiu con atención as explicacións do noso asesor Antonio Cepeda.
O alumnado de Primaria do centro Santa Apolonia visitan por primeira vez o MUPEG
(11/02/2012 | 15:18)
Un animado e divertido grupo de nenos e nenas do centro compostelán disfrutaron da súa primeira estadía no noso museo, sobre todo no apartado relativo aos xogos e xoguetes tradicionais.