A Casa do Neno ( Compostela)
(05/12/2013 | 15:11)
Un simpático e activo grupo de nenos e nenas do colexio de infantil A Casa do Neno visitou e xogou no MUPEGA a revivir a escola de antes. O cadro da Doloriñas, a aula dos avós e a ludoteca foron os lugares onde pasaron momentos inexquecibles.
Biblioteca de Rois
(05/12/2013 | 15:08)
Contra a noitiña, cansos da viaxe e das experiencias vividas en Compostela, pero alegres e contentos coma sempre, un grupiño de usuarios da Biblioteca municipal de Rois coas súas monitoras Ana e Antía ó fronte xogaron e riron na escola dos avoíños.
CPI As Revoltas (Malpica de Bergantiños)
(05/12/2013 | 15:05)
Un grupo de estudantes do CPI As Revoltas de Malpica de Bergantiños visitou o noso museo e disfrutou da experiencia da viaxe ó pasado da escola dos seus avós. Agardamos que lles gustara e que volten axiña por este lugar.
Nenos e nenas do CEIP A Figueroa de A Estrada
(30/11/2013 | 09:26)
Un simpático grupo de alumnos e alumnas de 2º de Primaria pasaron a mañá do venres 29 de novembro no noso museo, desfrutando da maxia que se esconde en cada un dos seus recantos dedicados a recrear a escola antiga de Galicia. Aquí vemos algúns deles traballando no Obradoiro da escola dos avós.
Organizadores da xornada de traballo de persoas xordas no MUPEGA
(30/11/2013 | 09:23)
A Federación de persoas xordas de Galicia (FAXPG) xunto coa ANPAXOGA ( Asociación de nais e pais de nenos xordos de Galicia) celebraron no museo unha xornada de convivencia. Contaron coa presenza da conselleira de Traballo e Benestar Social, Dª Beatriz Mato que inaugurou as sesións de traballo que se desenvolveron ó longo de todo o sábado 23 de novembro. Paralelamente funcionou un obradoiro de xogos para nenos e nenas dos pais/nais asistentes, e ademais fíxose unha visita ó museo.
Maxisterio Oviedo
(27/11/2013 | 20:39)
Un ano máis un amplo grupo de estudantes de Maxisterio da Universidade ovetense visitaron o noso centro e deixaron a súa alegría e xuventude por cada recanto que foron descubrindo. Que os estudos lles vaian ben, que a visita fose proveitosa e que o ano que vén volten a estar connosco. Ata sempre!
CEIP Manuel Padin (Arcade). 5º curso
(27/11/2013 | 20:37)
Un divertido e participativo grupo de alumnos e alumnas do colexio de primaria de Arcade, concretamente do nivel 5º, estivo connosco esta mañanciña percorrendo os diferentes recantos do noso museo para ir descubrindo a través de diferentes actividades didáctias os segredos da escola antiga. Noraboa polo seu comportamento e agardamos volver a velos de novo entre nós.
2º EP de CEIP Ventín
(27/11/2013 | 20:33)
Un simpático grupo de nenos e nenas do colexio de primaria da veciño Milladoiro pasou parte da mañá nas instalacións do MUPEGA coñecendo de preto a escola e os xogos dos seus avós e avoas. Ata sempre!