IES Fontexería de Muros no MUPEGA
(05/03/2013 | 13:42)
Un grupo de estudantes do instituto muradán visitou as dependencias do noso museo percorrendo os diferentes espazos museográficos, deténdose con especial atención na exposición temporal "Luces de Alén Mar.As escolas de americanos en Galicia" presente na primeira planta do centro e que permanecerá visitable ata finais de xuño.
Alumnado do colexio Obradoiro gravando o seu video.
(01/03/2013 | 00:29)
Un grupo de alumnos e alumnas de 1º de Bacharelato do centro privado coruñés visitou o noso museo e ademais aproveitou a nosa aula-obradoiro como escenario para a gravación dun corto audiovisual co que pensan presentarse a un concurso que convoca a Fundación Barrié.
2ºEP Colexio Peleteiro
2ºEP Colexio Peleteiro
(27/02/2013 | 19:53)
Como vén sendo habitual dende o ano 2007, un animado,atento e simpático grupo de nenas e nenos de segundo curso bilingüe de Primaria do colexio Peleteiro visitou as nosas instalacións e disfrutou coas actividades didácticas que lle foron propostas. Os educadores do museo foron explicandolles as últimas novidades tanto da exposición permanente como da temporal dedicada ás escolas dos americanos en Galicia. Aquí posan satisfeitos no vestíbulo do museo cos seus profesores Mabel e José Luís.
Alumnado do Ciclo Superior de EI do CIFP Porta da Auga
(21/02/2013 | 11:43)
Alumnos e alumnas do ciclo superior de Educación Infantil do CIFP Porta da Auga de Ribadeo visitou o noso museo percorrendo e analizando con detalle os distintos aspectos que nel se recollen sobre a educación en Galicia. Significativa foi a visita demorada que fixeron á exposición temporal sobre o labor dos emigrantes galegos de alén mar, por encontrar nela moitas referencias a súa comarca.
A asociación ATP de Compostela no MUPEGA
(21/02/2013 | 11:10)
Un reducido pero animado grupo de usuarios da Asociación de Trastornos da Personalidade de Galicia, entidade non lucrativa de ámbito autonómico adicada á asistencia e investigación dos Trastornos da Personalidade (TP, creado ano 2005 en Santiago de Compostela, visitaron as instalacións do museo desfrutando coa viaxe metafórica ás súas infancias.
1º e 2º de ESO do CPR Niño Jesús de Praga de Vigo
(15/02/2013 | 21:08)
Un grupo de estudantes de 1º e 2º de ESO do CPR. Niño Jesús de Praga de Vigo visitou está mañá o noso museo, descubrindo con interés como foi a escolarización dos seus antepasados. O alumnado detívose na exposición temporal “Luces de Alén Mar. As escolas de americanos en Galicia”, presente no primeiro andar do MUPEGA e puido comprobar o impagable esforzo inversor que os nosos emigrantes fixeron a prol da educación en Galicia, e nomeadamente daqueles orixinarios da súa bisbarra. Remataron a súa viaxe no tempo nas aulas históricas onde observaron con sorpresa o mobiliario antigo e o variado enxoval escolar propio doutros tempos. A antigüidade do seu centro -1903- favoreceu a familiarización co material exposto e coas historias contadas.
A exposición: "Luces de Alén Mar. As escolas de americanos en Galicia " inaugurada no MUPEGA
A exposición: "Luces de Alén Mar. As escolas de americanos en Galicia " inaugurada no MUPEGA
(06/02/2013 | 19:09)
A exposición:‘Luces de alén mar. As escolas de americanos en Galicia’ que consta de 41 paneis temáticos e abondosos materiais orixinais –como traballos de alumnos, estatutos, regulamentos, libros de actas ou planos das escolas–, que permiten reconstruír e interpretar o enorme labor educativo e cultural realizado a prol do desenvolvemento social e do progreso de Galicia desde a outra beira do Atlántico, inaugurouse no día de hoxe na sala de exposicións temporais do MUPEGA con asistencia das máis altas autoridades do mundo educativo, cultural e da emigración. ‘Luces de alén mar’ está comisariada polo que foi primeiro Coordinador Científico do MUPEGA, o profesor universitario D. Vicente Peña Saavedra e situase no primeiro andar do museo onde se musealiza de forma permanente un aula dunha escola tamén fundada por americanos como claro homenaxe que fai un museo que acubilla a memoria escolar de Galicia ao traballo xeneroso e excepcional dos aqueles paisanos bos e xenerosos. A exposición poderá ser visitada desde mañá e até o vindeiro 28 de xuño en horario normal de apertura do museo (martes a sábado en horario de 10.00 a 14.00 h. e de 16.00 a 20.00 h.) A entrada é gratuíta.
Alumnado de 6º de EP do CEIP Monte dos Postes.
(06/02/2013 | 18:57)
Unha ampla representación do alumnado do colexio compostelán visitou cos seus titores as nosas instalacións desfrutando das actividades didácticas programas co gallo de que coñezan dun xeito ameno as vicisitudes da escolarización dos seus maiores. Aquí aparecen no vestíbulo do museo posando satisfeitos coa súa estadía.