O Coro Altabille da Coruña no MUPEGA
(27/07/2012 | 17:18)
Un animado grupo de voces do coro coruñés xunto cos seus profesores realizaron unha viaxe fin de curso á capital compostelá e aproveitaron a súa estadía para coñecer de preto os tesouros que esconde o MUPEGA nas súas instalacións de San Lázaro.
Veciñanza de Tomiño no MUPEGA
(12/07/2012 | 17:26)
Un numeroso grupo de usuarios do centro de día e da área de benestar social do concello tomiñés visitaron esta mañá as instalacións do MUPEGA. Disfrutaron coa recreación das aulas históricas e dos xogos tradicionais que tantas lembranzas lle trouxeron. Ollos emocionados escrutaron o mobiliario de época e aportaron impresións e vivenzas da súa nenez pasada.
O campamento urbán de Figueiras no MUPEGA
(11/07/2012 | 12:02)
Dentro do seu amplo programa de actividades para os participantes neste campamento urbán compostelán, hoxe recibimos a este simpático grupo de rapaces e rapazas que recrearon a vida escolar dos seus avós e logo xogaron animadamente no noso patio de recreo aos xogos máis populares e tradicionais daqueles tempos.
O C.A.D. de Pobra no MUPEGA.
(27/06/2012 | 16:41)
Un simpático grupo de usuarios do Centro de Atención ao Discapacitado de Pobra do Caramiñal, acompañados pola súa técnica Rosana e un voluntario, fixeron unha longa e entretida visita ás instalacións do noso museo, nesta mañá de calor sofocante na cidade compostelá coma no resto do país.
O IES Salvador de Madariaga no MUPEGA
(22/06/2012 | 09:06)
Unha ampla representación do alumnado matriculado en todos os cursos da etapa de ensinanza secundaria obrigatoria do instituto coruñés pasou polo MUPEGA para coñecer de preto as diferentes salas do mesmo. Como centro integrante da REDE MUPEGA que é, poideron apreciar a destacada presenza que ten o seu patrimonio escolar no noso museo.
Maiores do concello de Cesuras visitan o Mupega
(21/06/2012 | 08:45)
Unha trintena de persoas maiores do concello de Cesuras pasaron unha tarde diferente e entretida lembrando os seus anos de infancia ao longo dunha amena visita ás instalacións do MUPEGA, guiados en todo momento pola asesora do mesmo, Beatriz Seco. Formaban parte dun programa da concellería de Benestar daquel concello denominado "Envellecemento Activo"
Alumnas do CIFP Politécnico de Lugo
(20/06/2012 | 11:05)
Futuras profesionais do mundo infantil visitaron na tarde do martes 19 de xuño disfrutaron coas explicacións ofrecidas polo asesor Antonio Cepeda en torno ao pasado escolar da nosa terra. Aquí aparecen posando antes de comezar a visita á exposición temporal que sobre láminas educativas ten o noso museo na súa primeira planta.
Alumnado de 1º de ESO do IES Xulián Magariños (Negreira)
(20/06/2012 | 10:53)
Un nutrido grupo de alumnos e alumnas de 1º de ESO do instituto nicrariense visitounos na mañá do martes 19 de xuño acompañados dos seus profesores e aproveitando unha xornada de lecer que completarian no acuario de Cerceda. Aquí vemos ao grupo satisfeitos despois de ter coñecido os tesouros do noso museo.