A nova exposición temporal continúa recibindo visitas e excelentes críticas.
(19/06/2012 | 09:32)
Execelente acollida está tendo entre todo tipo de público a exposición temporal centrada nas láminas educativas presente ata fin de ano nas dependencias do MUPEGA. Aquí vemos outro grupo de visitantes amosando a súa satisfación nun momento do seu percorrido por un dos rincóns da sala de exposicións temporais.
Asociación nacional para la defensa del patrimonio de los Institutos históricos
(09/06/2012 | 13:51)
Destacados membros da Xunta Directiva da Asociación nacional para la defensa del patrimonio de los Institutos históricos (ANDPIH), tamén chamada Asociación de Institutos Históricos de España, visitaron o MUPEGA nesta mañá chuviosa con que nos recibe o mes de xuño. D. Luis Castellón Serrano e D. Antonio Prado Gómez, presidente e tesoreiro respectivamente da devandita Asociación gabaron en xeral a exposición permanente do museo, deténdose especialmente na temporal dedicada á pedagoxía intuitiva e as láminas pedagóxicas, onde quixeron fotografarse para manifestar así os seus parabéns aos organizadores da mesma. Pertencen, entre outros, a esta Asociación os institutos: • Instituto Padre Suárez, de Granada. • IES Brianda de Mendoza, de Guadalajara. • IES Lucus Augusti, de Lugo. • IES Aguilar y Eslava y Fundación Aguilar y Eslava, de Cabra (Córdoba) • IES Cardenal López de Mendoza, de Burgos; • IES Domínguez Ortiz, de • IES San Isidoro, de Sevilla • IES Arcebispo Xelmirez I, de Santiago de Compostela • IES Zorrilla, de Valladolid.
O CEIP Praia de Quenxa de Corcubión visita o MUPEGA
(08/06/2012 | 09:15)
Arredor de sesenta visitantes entre alumnado e profesorado do colexio corcubionés achegouse ao noso museo este xoves 6 de xuño. Dende 1º curso ata 6º de Primaria o alumnado disfrutou ao máximo da oferta museística e lúdica que ofrece o MUPEGA, acompañados e guiados en todo momento pola asesora Beatriz Seco. Aqui vemos ao grupo posando na porta do museo cos seus agasallos e coa cara de cansanzo despois de tres horas de visita.
A Escola Infantil de Regoelle (Dumbria) ao completo no MUPEGA
(06/06/2012 | 18:31)
Coa súa profe Silvia ao fronte o alumnado miúdo da escola infantil compartiron coas súas avoíñas a escola de onte e de hoxe. Xogaron na ludoteca, escribiron nas pizarras da aula-obradoiro, encantaronlles as láminas e os animais da primeira planta e foronse de volta cargados de ilusión e agasallos. Ata outra!
Alumnado do ciclo de Educación Infantil do colexio Santa Apolonia de Santiago no
(06/06/2012 | 15:55)
Un numeroso e participativo grupo de futuras ensinantes de Educación Infantil acudiu na mañá deste día 6 de xuño a coñecer de primeira man como foi evolucionando a escola galega na que eles e elas axiña poderán traballar. Aquí vémolos sonrintes despois de visitar a exposición temporal sobre láminas educativas.
A Escola Francesa de Porto (Portugal) visita o MUPEGA
(06/06/2012 | 15:51)
Unha ampla representación do centro francés ubicado na cidade de Oporto cursou unha visita cultural a Galicia detendonse no noso museo na mañá do martes 5 de maio, disfrutando dos xogos populares no patio de recreo e percorrendo os distintos espazos museográficos do MUPEGA.
O CEIP Nantes de Sanxenxo por primeira vez no MUPEGA
(01/06/2012 | 19:05)
Cun divertido grupo de nenos e nenas comezamos o mes de xuño. Nunha visita programada o alumnado dos primeiros cursos do colexio de Nantes pasou unha mañá diferente no noso museo. Ludoteca, patio de recreo, obradoiro da escola dos avós, foron algúns dos lugares visitados. Aquí aparecen felices e contentos diante do cadro da Escola de Doloriñas.
O centro pluriligüe Vista Alegre de Burela no MUPEGA
O grupo de 6º de EP diante da aula de indianos
(01/06/2012 | 18:40)
O colexio da Mariña lucense acudiu co seus colegas belgas do centro GBS Bosmier (Balen-Bélxica) a coñecer de preto as nosas actividades e exposicións. Aquí aparecen pouco antes de visitar a nova exposición temporal de láminas educativas.