O IES Xohán Carballeira de Bueu no MUPEGA
(24/05/2012 | 08:52)
Arredor de 55 rapaces e rapazas de 1º de ESO do instituto Xohán Carballeira de Bueu pasaron a mañá do martes 23 de maio no noso centro descubrindo a historia da escola galega. Tamién tiveron oportunidade de disfrutar da nova exposición temporal dedicada ás láminas educativas.
Alumnado de 2º de ESO do IES Eduardo Pondal de Compostela.
(16/05/2012 | 17:45)
Alumnos e alumnas do 2º curso de ESO do instituto compostelán acompañados das súas profesoras visitaron esta mañá o noso museo, percorrendo demoradamente as distintas salas expositivas para rematar facendose esta fermosa instantánea na porta do museo.
Grupo de peregrinos palentinos visita el MUPEGA
(16/05/2012 | 08:56)
Despois do seu peregrinar polo Camiño Francés un animado grupo de peregrinos palentinos achegouse ao MUPEGA para coñecer de primeira man a presentación museográfica da escola antiga. Estiveron acompañados e guiados en todo momento pola asesora Beatriz Seco con quen os vemos en simpática pose fotográfica.
Alumnado do CPR Divino Maestro. Compostela
Alumnado do CPR Divino Maestro. Compostela
(15/05/2012 | 21:29)
Aquí podemos ver outro animado grupo de estudantes dos cursos 3º e 4º do CPR Divino Maestro de Santiago percorrendo e descubrindo a nova exposición temporal e atendendo as explicacións do asesor Antonio Cepeda.
Alumnado do CPR Divino Maestro. Compostela
Alumnado do CPR Divino Maestro. Compostela
(15/05/2012 | 21:24)
Arredor dun cento de nenos e nenas dos cursos 1º e 2º de Educación Primaria do centro compostelán visitaron esta mañá as instalacións do MUPEGA. Estrearon a nova exposición temporal dedicada ás láminas educativas.
Un nutrido grupo interxeneracional de Marín visita o MUPEGA
(28/04/2012 | 16:13)
Organizada pola ANPA do CEIP de Ardán (Marín) achegouse ata o noso museo unha ampla representación familiar daquel centro. Alumnado, pais e avós compartiron coñecementos, experiencias e ledicias nesta mañá primaveral do último sábado de abril.
O CPR Lestonac de Caranza (Ferrol) de visita no MUPEGA
(28/04/2012 | 16:08)
Alegres e xoves ferroláns e ferrolás visitaron este xoves á mañanciña as instalacións do noso museo, descubrindo as características das escolas dos seus avoíños e coñecendo os xogos e xoguetes daqueles tempos. Prometeron voltar cando os seus estudos avancen e teñan outro día de lecer por terras compostelás.
O CPI Virxe dos Remedios  de Castro Caldelas no MUPEGA
(26/04/2012 | 12:34)
Un simpático grupo de estudantes de 2º de ESO do CPI Virxe dos Remedios de Castro Caldelas visitou por primeira vez o MUPEGA. Os caldelaos e caldelás disfrutaron coas recreacións das aulas antigas e participaron das explicacións que se lle ofreceron dun xeito correcto, ordenado e interesante. O resto da súa xornada de lecer íano completar percorrendo as rúas compostelás e visitando a Cidade da Cultura.