As visitas a museos ocupan gran parte das actividades programadas polos centros de ensino cando teñen que saír do aula. Ao comezo do curso escolar a información que chega a devanditos centros de museos e outros espazos patrimoniais, tanto culturais como naturais, ofrecendo os seus servizos é enorme.


Os museos, e o mupega, van evolucionando ante os novos retos da sociedade, ante a nova educación, por iso ofrecemos esta nova vía de comunicación de traballo de innovación.

Desde o MUPEGA queremos cambiar esa dirección única de comunicación e que sexa bidireccional, nos dous sentidos.


Non só queremos propoñer nós as actividades, visitas, propostas didácticas relacionadas coas exposicións do museo. Queremos que sexades vós, os docentes, os que nos propoñades as vosas ideas. Ofrecemos unha forma de colaboración entre a túa aula, entre o centro e o museo. Unha forma de traballar para crear novas experiencias para chegar a coñecer a nosa historia e o noso patrimonio. Nós xa ofrecemos unha vía, un camiño... Pero, por que non ir por outra estrada?

Queres vir cos teus alumnos, para recrear/ interpretar nunha aula antiga, como era a educación de antes?

Fixestes un proxecto de investigación sobre calquera tema relacionado co noso museo e queréis  vir recobrar información?, traballades os xogos tradicionais na aula e queredes vir a xogar con eles? ..

 Plantéxanos a túa idea, e colaboraremos para levala a cabo.

Imaxe: 
MUPEDUCA