Prototipo escolar dunha máquina de vapor.

Esta peza de principios do século XX e de fabricación alemá, empregábase no ensino da Física para comprender o funcionamento dunha máquina de vapor.

Dende o Plan Pidal (1845), os institutos de secundaria empezaron a adquirir máquinas e instrumentos didácticos para os gabinetes de Física, Química e Historia Natural. Recomendábase acompañar as explicacións con prácticas, experimentos ou observacións. A compra deste tipo de material intensificouse coa Ley Moyano (1857).

Este fermoso motor de vapor pódese contemplar agora na entrada do museo.

Imaxe: 
Modelo escolar dunha máquina de vapor.

CALCULADORA BRUNSVIGA.

 

Na entrada do museo, quixemos destacar nesta ocasión, unha calculadora mecánica de fabricación alemá.

A empresa Grimme, Natalis & Co adquire a patente dos aritmómetros de W. T. Odhner en 1892 e comeza a fabricación das calculadoras, que se comercializan con nome Brunsviga, nome que procede da localidade Braunschweig onde se atopaba a fábrica.

Ao longo dos aproximadamente 70 anos en que se mantén a produción das calculadoras Brunsviga, fóronse introducindo variacións ou melloras. A calculadora exposta é un Modelo B fabricado entre os anos 1812 e 1927. Ten capacidade para introducir datos de ata nove díxitos e os resultados poden ter ata trece díxitos.

A necesidade de ter que realizar laboriosos cálculos sen erros, motivou a creación de aparellos que facilitasen esas tarefas. A primeira calculadora mecánica inventouse no século XVII, a finais do XIX fixéronse importantes avances neste tipo de calculadoras e na primeira metade do século XX dominaban o mercado da computación de escritorio. As calculadoras mecánicas quedaron desprazadas polas electrónicas a principios dos anos 1970.

Imaxe: 
Calculadora Brunsviga.

Maruja Mallo

Coincidindo coa celebración do Día Internacional da Muller (8 de marzo do 2017) e o Día das Artes Galegas (1 de abril 2017), o Mupega desenvolve unha actividade conmemorativa consistente nun roteiro deseñado para as persoas que visiten o Mupega, no que se destacan espazos expositivos relacionados con mulleres galegas que xogaron un papel activo na educación, con especial atención á figura de Maruxa Mallo.


Durante os meses de marzo e abril o espazo expositivo de carácter temporal “Peza destacada”, no vestíbulo do Mupega, está dedicado a Maruxa Mallo, destacando a súa labor como mestra, o seu compromiso coas Misións Pedagóxicas, e o seu traballo na educación non formal.

 

Podes ver unha pequena presentación, premendo no seguinte enlace.

Imaxe: 
Artigo de Maruja Mallo na vitrina da "Peza destacada"

Tes más conto que Calleja!

SATURNINO CALLEJA foi editor, pedagogo e escritor español, fundador da Editorial Calleja e autor de libros de Educación Primaria e de lectura infantís.

O seu pai, Fernando Calleja Santos, fundou en 1876 unha librería con encadernación.

En 1879, Saturnino compra o negocio de seu pai e o converte na Editorial Calleja, que chegou a ser a máis popular de España, Hispanoamérica e Filipinas.

Realizou importantes novidades no mundo da editorial:

  • -Fundou e dirixiu a revista “La Ilustracion” en España.
  • -Creou a Asociación Nacional do Maxisterio Español e a Asamblea Nacional de Maestros, converténdose nun dos maiores defensores da figura do mestre.
  • -Publicou grandes tiradas de libros e contos.

 

Tes máis conto que Calleja!!! Esta coñecida expresión, ten a súa orixe na enorme tirada de contos publicada polo mesmo, de tamaño reducido e prezo asequible para todos os petos.

Imaxe: 
Tes más conto que Calleja!

PEZA DO MES OUTUBRO: MEDALLA DE ALFONSO X EL SABIO

Con ocasión das celebracións propios deste mes relacionadas co mundo do ensino- Día Mundial do Docente, Día do Ensino-, o MUPEGA quere sumarse colocando como peza do mes unha das condecoracións máis relacionadas co maxisterio: A medalla de Alfonso X O Sabio, que premia ó labor meritorio dos docentes.

A medalla exposta pertence á familia de D. Francisco Mayán Fernández, egrexio profesor de Historia do instituto de Mondoñedo que nos deixou no 2012 e que xa tiña doado a este museo parte do seu rico legado.

Nesta ocasión, a súa viúva tivo a ben doar xenerosamente todos os seus títulos e condecoracións para que se garden e expoñan nesta casa común do ensino galego.

A medalla de Alfonso X O Sabio foi implantada polo primeiro goberno de Franco, sendo ministro de Educación. D. Pedro Sáinz Rodríguez, aínda que a idea xa fora posta en marcha polo Rei Alfonso XII pero con outra denominación.


Imaxe: 
Medalla de Alfonso X El Sabio outorgada ó profesor D.Francisco Mayán Fernández

Exposicións permanentes

A exposición permanente do Mupega distribúese ao longo das tres plantas do edificio ocupando arredor  duns 1200 metros cadrados, dos 3500 de superficie útil que presenta o edificio.

 
Na planta baixa atópasen os seguintes servizos do museo:

    

  • Biblioteca auxiliar con servizos de consulta bibliográfica, hemerógrafica e de publicacións periódicas, fototeca, fonoteca e videoteca.
  • Sala de investigadores
  •  Salón de Actos con capacidade para 112 persoas
  • Botiquín e roupeiro 
  • Tenda e escaparate de producións propias

 
Ademais nesta planta de entrada ofrécenselle ao visitante os referentes básicos para situalo no tempo, no espazo e na temática específica do museo, para o que se presentan os seguintes módulos museográficos: 

  • Solaina de educadores galegos
  •  Os materiais didácticos
  •  Os xogos e xoguetes
  •  Peza do mes  

 

Na planta primeira ubícanse cinco seccións expositivas que responden a esta nomenclatura :

 

  • O mundo infantil: ciclo da infancia e xogos e xoguetes
  • A administración educativa
  • As escolas chegadas de alén mar
  • O sistema educativo
  • Zona de exposicións temporais


O segundo andar presenta unha disposición análoga á primeira, agás unha pequena zona que se destina ás labores administrativas. Así, podemos observar os diferentes espazos museísticos:

  • As aulas no tempo: escolas de ferrado, restauración borbónica, da segunda república e franquista.
  • Educación Especial
  • A Rede Mupega. Bases e mostra dos fondos dos antigos institutos provinciais fundadores da devandita Rede.
  • O ensino secundario e profesional. Orixes