O programa pretende  achegar á sociedade, a través da comunidade educativa, aspectos da xestión do territorio que se perfilan como imprescindibles para a prevención dos incendios forestais. Na iniciativa da Consellería de Educación e Ordenación Universitaria, a desenvolver de xaneiro a xuño do 2007, colaboran a Consellería de Presidencia, Administracións Públicas e Xustiza, a Consellería do Medio Rural, e a Consellería de Medio Ambiente e Desenvolvemento Sostible.

As motivacións do programa:

• A  carencia dunha cultura forestal e do territorio que oriente a  xestión sostible do monte. A presenza que ten o monte en Galicia – 2/3 do territorio son terreos forestais - non se reflicte nunha vocación forestal da poboación, nin no valor do monte, nin nunha presenza dos temas forestais na sociedade e no sistema educativo.
• A necesidade de formación dos cidadáns  de cara a fomentar a participación e o consenso social sobre as políticas forestais e de xestión do territorio.
• A importancia de articular e integrar no eido da educación ambiental  as  propostas dos expertos en materia forestal  e da xestión  social dos riscos.

Introducción ao programa: motivacións, marco e obxetivos (PDF - 95 Kb)

Axenda