Proxecto Ríos [1]
Enviado por planproxecta a Mér, 16/07/2014 - 11:00[2]
Ficha técnica
Institución:
- Vicepresidencia Segunda e Consellería de Medio Ambiente, Territorio e Vivenda
- Augas de Galicia
- Asociación para a Defensa Ecolóxica de Galiza (ADEGA)
Ámbito: medio ambiente
Definición: fomento da conservación dos ecosistemas fluviais
Temporización: curso completo
Alumnado ao que vai dirixido: infantil, primaria, ESO, bacharelato, FP e adultos
Límite de centros participantes: 45
Criterios de selección:
- Anos de antigüidade no programa.
- Centros das provincias de Ourense e Lugo, así como zonas desfavorecidas.
Responsable do programa:
Nome: Virginia Rodríguez Álvarez
Departamento: docente de secundaria
Teléfono: 650 261 283
Correo electrónico: viqui@edu.xunta.gal [3]
Obxectivo xeral
Proxecto Ríos é un programa de educación e voluntariado ambiental promovida por Augas de Galicia e a Consellería de Medio Ambiente e Ordenación do Territorio, impulsado e coordinado por ADEGA, que pretende involucrar á cidadanía na conservación dos ecosistemas fluviais. Mediante a proposta de desenvolvemento por equipos interdisciplinarios nos centros educativos galegos do proxecto “Adopta un río” preténdese desenvolver os valores relacionados coa conciencia de respecto e protección do medio ambiente. A través de charlas e saídas formativas proporcionaranse as ferramentas básicas que garantan a participación activa e colaborativa do alumnado. Os centros de ensino poden traballar esta iniciativa dentro dos distintos departamentos (elaboración de roteiros, deseño de blogs, limpezas de ríos, elaboración de material multimedia etc.) e incluílo no seu proxecto educativo e na súa programación xeral anual.
Palabras clave
Medio ambiente
Actividades e recursos
O Proxecto Ríos organiza actividades de formación destinadas a capacitar os coordinadores/as de grupo e participantes no desenvolvemento do proxecto.
- Charlas divulgativas: palestra informativa e explicativa do Proxecto Ríos, destinada a aqueles grupos que inician a súa andaina no proxecto.
- Saídas formativas: inspección guiada no treito de río escollido polo grupo coa finalidade de explicar a metodoloxía da inspección polo miúdo.
- Cursos de formación: teñen como finalidade fornecer aos participantes dos coñecementos básicos na identificación de macroinvertebrados, especies indispensábeis nas inspeccións de río. Nestes cursos tamén se tratan outras temáticas relacionados cos ecosistemas fluviais.
- Encontros de voluntariado: espazo onde o voluntariado que está a participar no proxecto pode compartir as experiencias que se están a desenvolver dentro do proxecto.
- Cursos monográficos, sobre unha temática concreta, para facilitar o traballo dos coordinadores á hora de aplicar a metodoloxía do proxecto.
Criterios de avaliación da memoria final
Criterios xerais do Plan Proxecta
1 .Creación dunha rede de traballo cooperativa na comunidade educativa entre alumnado, profesorado, familias e/ou institucións da contorna. Valorarase especialmente a participación activa do alumnado no desenvolvemento do proxecto (toma de decisións, realización do produto final etc).
2. Interdisciplinariedade (achegas desde distintos departamentos didácticos, disciplinas ou materias) e transferibilidade do proxecto.
3. Impacto e difusión do proxecto. É imprescindible incorporar na memoria, a través de ligazóns (páxinas web, blogs etc), evidencias gráficas e/ou documentais do traballo realizado que permitan constatar o desenvolvemento do proxecto.
Criterios específicos
4. Participación dos centros de ensino nas actividades formativas programadas dende a coordinación do proxecto (cursos de formación , encontro de voluntariado, roteirríos, cursos monográficos etc.).
5. Realización das actividades obrigatorias (dúas inspeccións anuais), rigorosidade na toma dos datos e o seu envío á coordinación do proxecto.
6. Grao de cumprimento do proxecto cos compromisos presentados na memoria inicial.
Website:
Tema:
Colectivo:
Sección: