O
servicio de mensaxería SEM Correo
supón estender o uso do correo
electrónico en todo o eido educacional,
facilitando o achegamento entre os membros
da comunidade educativa, de xeito que
permita a superación da dispersión
territorial, ademais de promover as relacións
entre ámbitos e colectivos distintos
(rural/urbano, pais/profesores, colectivos
de alumnos).
Actualmente tódolos centros públicos
galegos de ensino non universitario contan
cunha conta de correo SEM para uso exclusivo
do propio centro educativo.
.....................................................................................................................................................
Vostede pode buscar información
sobre un determinado centro educativo
dirixíndose á seguinte páxina
web e introducindo os criterios de busca:
http://www.edu.xunta.es/webcentros
.....................................................................................................................................................
Con respecto ó
profesorado, na actualidade están
activadas as contas de correo de 28.000
usuarios.
Calquera profesor/a (funcionarios, interinos,
contratados, ...) do ensino público
non universitario de Galicia pode solicitar
a súa conta de correo SEM.
....................................................................................................................................................
Para solicitar a súa
conta de correo SEM, o seu centro educativo
deberá enviar un correo electrónico
a "uac@edu.xunta.es" indicando
qué profesores desexan unha conta
de correo web, e xuntando os seguintes
datos de cada un deles: Nome completo
e DNI con letra.
Tamén poder face-la solicitude
vostede mesmo enviando un FAX dirixido
á Unidade de Atención a
Centros (número de FAX 981 54 54
43) indicando o Centro Educativo no que
vostede está actualmente destinado
e os seguintes datos persoais: nome completo
e número do DNI (con letra).
....................................................................................................................................................
As contas de correo
SEM non teñen ningunha limitación
de espacio ou volume. Sen embargo os recursos
físicos dispoñibles non son infinitos,
polo que se prega a tódolos usuarios
que manteñan almacenados no servidor
o menor número de mensaxes posible.