Perseguimos a formación das persoas nos valores que favorecen a liberdade persoal, a responsabilidade, a cidadanía democrática,a solidariedade, a tolerancia, a igualdade, o respecto e a xustiza que constitúen a base da vida común.
Convocados os premios á innovación educativa nos valores democráticos 2008
Ven de ser publicada no DOG do xoves, 26 de xuño de 2008, a orde conxunta pola que se convocan premios á innovación educativa sobre a educación nos valores democráticos 2008. Nesta edición, convócanse 26 premios, en dúas modalidades. A primeira, de webquest, miniquest e buscas do tesouro inclúe 10 categorías e en cada unha delas, haberá un primeiro premio, de 2000 € e un segundo, de 1500 €.
A segunda modalidade consiste na elaboración dun libro colaborativo, con tres categorías e dous premios en cada unha delas: un, para educación primaria e outro para educación secundaria. A cuantía económica dos premios é de 2000 €.
O prazo de presentación dos proxectos abrangue desde o día seguinte na publicación no DOG ata o 15 de outubro de 2008.
Podedes ver o texto completo da convocatoria no documento adxunto
Memorias dos centros Valora
Esta comunicación é para os centros que integran a rede Valora 2007-2009.
Como ben sabedes, segundo consta no artigo 8º da orde do 18 de outubro de 2007, os/as coordinadores/as tedes que enviarnos unha memoria informativa, -por duplicado-, segundo o anexo IV da orde, que podedes tomar como guión xeral. Así mesmo, podedes atopar nesta mesma páxina, no menú DOCUMENTOS o cadro-resumo que constitúe a acta final do profesorado participante no plan durante este curso académico.
Lembrade que tedes que enviarnos esta memoria á Dirección Xeral de Ordenación e Innovación Educativa, da Consellería de Educación e O.U., antes do 30 de xuño, por duplicado. Recibide un saúdo moi cordial e moitos ánimos neste último mes de clases
