Os vindeiros 21 e 22 de marzo celebraranse en Compostela os Encontros do Plan de mellora de bibliotecas escolares correspondente ao curso 2018/2019, con intevención de persoas expertas en diversos ámbitos relacionados coas biblioteca, a literatura, a comunicación, o patrimonio, a mediación lectora, as competencias informacionais e mediáticas, a tecnoloxía educativa e a produción audiovisual. Ademais, presentaranse un total de 26 experiencias de centro de moi diverso contido (funcionamento da biblioteca escolar, "hora de ler", voluntariado, biblioteca inclusiva, espazo creativo, proxecto lector, Radio na biblio, clubs de lectura, traballo por proxectos e outros). Neste ano de "poéticas diversas", a poesía estará presente da man de Mar Benegas, Montse Pena e Carlos Negro. 

PROGRAMA

As bibliotecas escolares de Galicia traballan durante todo o curso en prol dunha igualdade efectiva na nosa  sociedade, formando cidadás e cidadáns criticos. Arredor  do Día Internacional da Muller tecen actividades coa lectura, o cine, a radio, a publicidade, a busca e tratamento da información ...

• CEE MIño (Ourense)
• CEIP Canosa-Rus (Coristanco-A Coruña)
  
• CEIP P. Carballedo (Cerdedo-Cotobade)
• CEIP de Cespón (Boiro-A Coruña)
  
• CEIP Couceiro Freijomil (Pontedeume-A Coruña)
• CEIP P. A Cristina (Carballo-A Coruña)
  
• CEP Lois Tobio (Viveiro-Lugo)
  

• CEIP A Paz-Tintureira (Vigo-Pontevedra)  ,  Recuncho de contos , Tendal
• CEIP da Pobra de Brollón (A Pobra de Brollón- Lugo) , Radio na biblio: Rosalía e a muller
• CEIP Sofía Casanova (culleredo-A Coruña)
  
• CEIP da Torre-Cela (bueu-Pontevedra)
• CEIP P. Víctor López Seoane (A Coruña)
  
• CEIP Virxe do Carme (Sober-Lugo)
• CPI Castro Baxoi (Miño-A Coruña)
  
• EEI Barrionovo (Arteixo-A Coruña) , Guía de Lectura
  
• IES Agra do Orzán (A Coruña)
• IES Castro Alobre (Vilagarcía de Arousa-Pontevedra)
  
• IES Lucus Augusti (Lugo)
  
• IES Marqués de Sargadelos (Cervo-Lugo)
• IES Monte das Moas (A Coruña)
  
• IES Pazo da Mercé (As Neves-Pontevedra)
• IES San Paio (Tui-Pontevedra)   Biblioxornal 56, Mulleres de cine, Trinta portadas para o 8M     
• IES de Quiroga (Quiroga-lugo) 
• IES Salvador de Madariaga (A Coruña)
  
• IES Universidade Laboral (Culleredo-A Coruña) Mulleres a contracorrente ,Biblioteca de xénero e igualdade       
• IES Xograr Afonso Gómez (Sarria-Lugo)                                                      

O 24 de febreiro está recollido no Calendario do Libro e a Lectura, publicado pola Consellería de Cultura e Turismo,  como o aniversario do nacemento de Rosalía de Castro. Cada ano son máis as institucións que se suman á celebración do DÍA DE ROSALÍA , entre elas as nosas bibliotecas escolares promovendo actividades que acheguen ao alumnado ao significado da súa vida e obra. Traballos de investigación, lecturas compartidas, roteiros,  actividades plásticas e creativas, proxectos multimedia ... son algunhas das actividades que nestes días salietan a modernidade do seu pensamento.

 A Asociación de Escritoras e Escritores en Lingua Galega convida neste 2019, baixo o lema  #LibreOMeuPensamento_rdc_19 ,a celebrar este día co agasallo dun libro  galego e unha flor a amigos e familiares. Publica un manifesto na voz de Ana Romaní e propón múltiples actividades ás que se poden sumar os centros educativos.

Recomendacións para traballar esta data en Rede Lectura.

Actividades das bibliotecas escolares:

• CEIP P. do Camiño Inglés (Sigüeiro-Oroso / A Coruña) 
• CEIP Canicouva (Vigo-Pontevedra)
• CEIP Canosa-Rus (Coristanco-A Coruña)
• CEIP de Celeiro (Celeiro-Viveiro / Lugo)
• CEIP de Cespón (Boiro-A Coruña)
  
• CEIP Chano Piñeiro (Gondomar-Pontevedra)
• CEIP P. de Covas (Viveiro-Lugo)
  
• CEIP P. A Cristina (Carballo-A Coruña)
  
• CEIP Emilia Pardo Bazán (A Coruña)
• CEIP de Foz nº1 (Foz-Lugo)
• CEIP P. Graxal (Cambre-A Coruña)
• CEIP da Igrexa-Candeán (Vigo-A Coruña)
  
• CEIP Milladoiro (Malpica-A Coruña)
• CEIP Nicolás del Río (Cedeira-A Coruña)
• CEIP P. O Grupo (RIbeira-A Coruña), Programa de radio
  
• CEIP A Paz-Tintureira (Vigo-Pontevedra)
• CEIP P. A Pedra (Bueu-Pontevedra)
• CEIP da Pobra de Brollón (A Pobra do Brollón-Lugo)
  
• CEIP Ponte dos Brozos (Arteixo-A Coruña)
• CEIP da Pontenova (A Pontenova-Lugo)
• CEIP de Quiroga (Quiroga-Lugo)
• CEIP da Ramallosa (Teo-A Coruña)
• CEIP Rogelio García Yáñez (Ramirás-Ourense)
  
• CEIP Rosalía de Castro (Padrón-A Coruña)
  
• CEIP de Seixo (Marín-Pontevedra), saída por Seixo
• CEIP Sofía Casanova (Culleredo-A Coruña)
  
• CEIP P. da Torre-Cela (Bueu-Pontevedra)
• CEIP P. Virxe do Carme (Sober-Lugo), Radio na biblio, convivencia co CEIP A Gándara
• CPI As Revoltas (Cabana de Bergantiños-A Coruña)
• CPI P. de Castroverde (Castroverde-Lugo)
• CPI P. de Fonte-Díaz (Touro-A Coruña)
• CPI de Panxón (Nigrán-Pontevedra)
• CPI de San Saduriniño (San Sadurniño-A Coruña)
• EEI Barrionovo (Arteixo-A Coruña)
  
• IES Agra do Orzán (A Coruña)
• IES Concepción Arenal (Ferrol-A Coruña)
• IES Johan Carballeira (Bueu-Pontevedra)
• IES Lucus Augusti (Lugo)
  
• IES Marqués de Sargadelos (San Cibrao-Cervo / Lugo)
• IES Pazo da Mercé (As Neves-Pontevedra)
  
• IES Pino Manso (O Porriño-Pontevedra)
• IES San Paio (Tui-Pontevedra), Rosalía musicada, CDR
  
• IES Urbano Lugrís (A Coruña)
  
• IES Xograr Afonso Gómez (Sarria-Lugo)

En directo, a celebración deste data nas bibliotecas escolares galegas que integran o programa  Radio na Biblio e moitas outras que contan con emisora de radio, un espazo de traballo colaborativo que da voz ao noso alumnado:

• CEIP P. do Camiño Inglés (Oroso-A Coruña)
• CEIP Canosa-Rus (Coristanco-A Coruña)
• CEIP P. de Carballedo (Cerdedo-Cotobade/Pontevedra)
• CEIP de Celeiro (Viveiro-Lugo)
  
• CEIP P. de Covas (Viveiro-Lugo)
• CEIP da Pobra de Brollón (A Pobra de Brollón-Lugo)
• CEIP de Seixo (Marín-Pontevedra)
• CEIP P. de Vilar de Barrio (Vilar de Barrio-Ourense)
• CPI Manuel Suárez Marquier (O Rosal-Pontevedra)
• CPI de San Sadurniño (San Sadurniño-A Coruña)
  
• IES Gregorio Fernández (Sarria-Lugo) 
• IES Xograr Afonso Gómez de Sarria (Sarria-Lugo)

En Rede Lectura recursos  neste día.

Na imaxe, os nenos e nenas do CEIP P. Vilar de Barrio no programa de radio Zampalibros.

O 11 de febreiro foi declarado pola ONU como o Día Internacional da Muller e a Nena na Ciencia "coa finalidade de lograr o acceso e a participación plena e equitativa na ciencia para as mulleres e as nenas, e ademais para lograr a igualdade de xénero e o empoderamento das mulleres e nenas."

Unha data que se traballa en moitas das nosas bibliotecas escolares cara a paliar a brecha de xénero nos sectores STEAM. Visitas de científicas, seleccións de lecturas, traballos de investigación, materiais manipulativos ... son algunhas das actividades que ocupan os espazos creativos, manipulativos e colaborativos das mesmas.

Máis información:

ONU Mulleres

11 de febreiro.org

Maletas viaxeiras Ciencias Primaria e Ciencias Secundaria

Pinterest Ciencia en galego nas Bibliotecas Escolares

Biblioteca Creativa

No ano 2013 a ONU aprobou a proclamación da UNESCO do Día Mundial da Radio. Proponse a data do 13 de febreiro por ser a da creación de Radio Nacións Unidas no ano 1946. "Os obxectivos da xornada son concienciar ao público e aos medios de comunicación acerca da importancia da radio; alentar aos encargados de tomar decisións a crear e ofrecer acceso á información a través da radio; así como mellorar as redes e a coperación internacional entre os organismos de radiodifusión."

Este ano celébrase co lema: "Diálogo, tolerancia e paz" e o poder da radio para promover o entendemento e as cominidades poderosas. Convocan un concurso  para participar cunha producción sonora de dous minutos arredor do tema deste ano.

Animamos a que participen os 50 centros que forman parte do programa de Radio na biblio e  todos aqueles que contan cunha emisora de radio. É un bo momento para difundir as experiencias que promoven o traballo colaborativo en ambientes de tolerancia, respecto e integración.

Na imaxe, os nenos e nenas do CEIP Plurilingüe de Carballedo (Cerdedo-Cotobade) entrevistando ao alcalde.

A Asociación Lit World promove desde o ano 2010 a conmemoración anual do Día da Lectura en Voz Alta, o 1 de febreiro, como unha chamada de atención sobre a importancia desta práctica de lectura no desenvolvemento da linguaxe, o amor pola lectura e o fortalecemento de hábitos persoais, para o que realizan varias propostas que poden valorarse.

Pola súa parte, a Asociación Entrelibros, xunto con outras institucións,  publicaron en 2016 un manifesto a prol da lectura en voz alta baixo o lema: "DA VOZ ÁS LETRAS " que se pode ler tamén en galego. 

O Plano Nacional de Leitura, de Portugal, realiza varias propostas por mor deste 1 de febreiro co título DESAFÍOS DE LEITURA EM VOZ ALTA, que tamén se poden ter en conta.

As bibliotecas escolares galegas teñen incorporada esta actividade en moitas das súas dinámicas pero non está de máis sumarse, se se pode, a esta celebración cunha lectura dun poema, por exemplo, neste ano de "Poéticas diversas na biblioteca escolar". 

Na imaxe, tempo para a lectura no CPI Cruz do Sar, de Bergondo (A Coruña). 

Publicáronse no Portal Educativo as relacións dos centros que se adhiren a dúas das iniciativas incluídas no programa BIBLIOTECAS ESCOLARES SOLIDARIAS, segundo a convocatoria deste programa do pasado 30 de novembro de 2018. Segue aumentando o número de centros inscritos en cada un dos grupos:

PUBLICACIÓN NO PORTAL EDUCATIVO

O Portal Educativo publicou xa a resolución definitiva da convocatoria de Clubs de Lectura para o curso 2018/2019, segundo Resolución do Dirección Xeral de Centros e Recursos Humanos, de 31 de decembro de 2018. Distribúense contías, por un importe global de 215.000€ para o funcionamento de grupos de lectura en 243 centros públicos que matriculan alumnado de ESO, Bacharelato, Formación Profesional ou Ensinanzas de Réxime Especial. Estas asignacións estarán destinadas nun mínimo do 75% á adquisición de libros para o desenvolvemento da actividade propia do club, a lectura (os libros que se adquiran pasarán a integrarse na colección da biblioteca escolar); un máximo do 25% poderá destinarse a costear actividades complementarias do club tales como encontros con creadores/as, visitas culturais relacionadas con librarías, bibliotecas, encontros con outros clubs, visionado de películas ou asistencia ao teatro, sempre en actividades relacionadas coa actividade dos grupos de lectura.  

Na imaxe, Club de lectura no IES Agra de Raíces (Cee, A Coruña)

• TEXTO DA RESOLUCIÓN
• PUBLICACIÓN NO PORTAL EDUCATIVO

O programa BIBLIOTECA CREATIVA está xa en marcha en 55 centros galegos, integrados no Plan de mellora de bibliotecas escolares neste curso 2018/2019. Trala xornada formativa, de carácter presencial, levada a cabo o 19 de outubro pasado, o profesorado e o alumnado destes centros puxéronse á faena: escornabots e impresoras 3D forman xa parte dos recursos e as actividades da biblioteca escolar e os espazos creativos ofrecen múltiples oportunidades de aprendizaxe manipulativa, ocasións para a exploración, a investigación, o traballo colaborativo e a creación. Velaquí algúns exemplos:

ESCORNABOTS

• Como montar un escornabot. CEIP Santiago Apóstolo de Franza (Mugardos-A Coruña)
• Programando ao teu colega. CEIP Pena de Francia (Mos-Pontevedra)
  
• Titorial para modificar o avance e o xiro. CEIP de Quintela (Moaña-Pontevedra)
• Okupación escornabótica, mochilas viaxeiras. EEI de Barrionovo (Arteixo-A Coruña)
• Actividade escorna-musical. CEIP de Seixo (Marín-Pontevedra)
• Formación de usuarios. CEIP de Leirado (Salvaterra de Miño-Pontevedra)

IMPRESIÓN 3D

•  Presentación impresora 3D. CEIP A Lama (A Lama-Pontevedra)
• Monicreques teatro de sombras. EEI de Barrionovo (Arteixo-A Coruña)
• Deseñando con Tinkercad . CEIP Canosa-Rus (Coristanco-A Coruña)
• Deseñando coa app Doodle 3D. EEI de Barrionovo (Arteixo-A Coruña)
  

ESPAZO CREATIVO

•  Presentación Roboteca Argalleira. CEIP de Leirado (Salvaterra de Miño-Pontevedra)
• Presentación recuncho creativo. CEIP de Seixo (Marín-Pontevedra)
• Traballando no espazo creativo. CEIP Canosa-Rus (Coristanco-A Coruña)
• Atelier Creativo. EEI de Barrionovo (Arteixo-A Coruña)
• Creando vídeoxogos no Cast@maker: Bloxels. CEIP P. de Carballedo (Cerdedop-Cotobade)
• Circuitos de papel. CEIP P. Virxe do Carme (Sober-Lugo)

No bloque Biblioteca creativa 2018/2019, desta mesma páxina, e nas súas tres seccións: Escornabots, Impresión 3D ou Espazo creativo, iranse engadindo outras actividades dos centros a medida que nos vaian chegando.

Está xa publicada no Portal Educativo a resolución do V CONCURSO DE TRABALLOS POR PROXECTOS, realizados durante o curso 2017/2018, coordinados desde a biblioteca escolar ou realizados co seu apoio. Seleccionáronse 19 traballos de entre os 102 presentados desde diferentes centros. Algunhas categorías ficaron desertas pero distribuíronse os premios  dispoñibles seleccionando máis centros de modalidades con moita participación e alto nivel de calidade. 

O impulso de moitas bibliotecas galegas, coordinando proxectos de carácter interdisciplinario para o tratamento de contidos curriculares específicos de materiais (ou transversais), están propiciando profundos cambios nas dinámicas de traballo dos centros e nos usos dos espazos educativos, na distribución dos horarios e dos grupos, no aproveitamento dos recursos físicos e tecnolóxicos; tamén nos recursos inmateriais (a cultura do medio), o que fai agromar unha cultura participativa, colaborativa, emancipadora do alumnado, complexa na súa concepción pero que proporciona unha formación integradora, con tarefas esixentes para o alumnado, o que enriquece a súa experiencia e carga a súa mochila de aprendizaxes moi diversos, máis aló do que podería facer unha formación pegada a prácticas vinculadas ao exclusivo uso do libro de texto. Parabenizamos ás comunidades educativas que botan a andar estas experiencias, e a o profesorado que as impulsa, deseña, guía, enriquece coa súa profesionalidade e a súa experiencia, e ademais as dá a coñecer para beneficio de todos. Existen tamén excelentes exemplos de prácticas de investigación nas modalildades de grupo/nivel ou ciclo/departament, así como traballos realizados na materia de libre configuración de secundaria  "Investigación e Tratamento da Información" ("Aprender a investigar", en Primaria), que poden servir de orientación para outros proxectos. Da mesma forma, os proxectos de investigación intercentros son unha práctica que cómpre estender e que pode dar lugar a experiencias educativas moi enriquecedoras. 

Co gallo do Día da Biblioteca, o pasado 24 de outubro, convocouse o certame "XOGANDO COA CDU" destinado aos equipos de bibliotecas dos centros educativos galegos, coa finalidade de estimular a creación de materiais para as actividades de formación de persoas usuarias da biblioteca escolar, tomando como base o cartel CDU ILUSTRADA, remitido ás bibliotecas galegas a comezos de setembro de 2018.

Unha vez revisados os traballos recibidos, escolléronse para o premio tres propostas especialmente interesantes tanto pola calidade do seu deseño como pola súa funcionalidade. Son as seguintes:

• Unha aplicación dixital interactiva. CEIP Condesa de Fenosa. O Barco de Valdeorras. Ourense.
• Un xogo analóxico de preguntas e respostas. CEIP O Graxal. Cambre. A Coruña.
• Unha actividade mixta analóxico-dixital para a formación de usuarios. CEP Brea-Segade. Taragoña-Rianxo. A Coruña.

Ademais das premiadas, salientamos polo seu interese, dúas propostas de formación de usuarios que utilizan os escornabots:

• Xogo “Atopa o libro”. CEIP Valle-Inclán. O Grove. Pontevedra
• “A cidade dos libros”. CPI San Sadurniño. A Coruña.

Os tres centros seleccionados recibirán un lote de libros, como o que se mostra na imaxe.

O Portal Educativo publica hoxe a Resolución de 30 de novembro da Dirección Xeral de Centros e Recursos Humanos, pola que se convoca, para o curso 2018/2019, o programa BIBLIOTECAS ESCOLARES SOLIDARIAS, en colaboración coa D.X. de Xuventude, Participación e Voluntariado (Consellería de Política Social). 

No curso pasado participaron realizaron voluntariado na biblioteca escolar un total de 1.128 alumnos e alumnas de secundaria, así como 2.032 alumnos e alumnas de primaria (5º e 6º). Recibiron o Selo "Biblioteca Escolar Solidaria" dous novos centros e renovaron este selo tres centros que xa o recibiran na convocatoria de 2015. O seguinte cadro resume o contido do programa e as datas clave para cada unha das modalidades.

O pasado mes de setembro de 2018, todas as bibliotecas galegas recibiron o novo cartel CDU ILUSTRADA, creado para a ocasión polo ilustrador Óscar Villán.
Este documento ten como finalidade principal servir de apoio ao profesorado no seu labor de formación de usuarios, así como continuar coa adaptación da Clasificación Decimal Universal (CDU) para as bibliotecas escolares galegas iniciada en 2004.
Continuando con esta liña de traballo, dende a Asesoría de Bibliotecas Escolares poñemos a disposición dos centros as miniaturas correspondentes ao citado cartel, para que cada equipo as poida empregar do xeito que considere máis oportuno.
Os cadriños atópanse en diferentes tamaños, a toda cor e en formato imprimible A4. No caso de que algún dos centros precise outro formato ou definición poderase poñer en contacto coa Asesoría de Bibliotecas por correo electrónico explicando as súas necesidades.

Enlaces de descarga:

• Cadriños 2x2
• Cadriños 2x10
• Cadriños 4x4
• Cadriños 4x12

A realidade é teimuda e seguimos necesitando datas para denunciar a violencia sistémica contra as mulleres e as violencias cotías, físicas ou simbólicas, exercidas contra nenas, mozas e mulleres de toda idade e condición na casa, na rúa, no traballo, nos patios, na publicidade, nos medios de comunicación, nas relacións sociais, nos discursos mediáticos... Os centros educativos e as bibliotecas escolares súmanse á conmemoración do 25 de Novembro, Día Internacional para a eliminación da violencia contra a muller, con múltiples actividades destinadas a educar na igualdade e contribuír a unha maior consciencia do problema por parte dos distintos sectores da comunidade educativa. O #25N non é unha festa, é unha data a borrar do noso imaxinario, pero até entón, aínda queda moito por facer, moitos muros que derrubar (na imaxe, intervención realizada no IES Universidade Laboral, de Culleredo).

Recollemos aquí algunhas das accións levadas a cabo arredor destas datas nas bibliotecas escolares galegas:

• CEIP Afonso D. Rodríguez Castelao (Vigo, Pontevedra): Diferentes actividades
• CEIP Canosa_ Rus (Coristanco, A Coruña): Programa de radio, Escornabots e contacontos
• CEIP P. de Carballedo ( Cerdedo-Cotobade, Pontevedra): Xincana
• CEIP de Celeiro (Viveiro, Lugo):Diversas actividades
• CEIP de Cespón (Boiro, A Coruña): Actividades diversas
• CEIP P. de Covas (Viveiro, Lugo):Vídeo
• CEIP P. A Cristina (Carballo, A Coruña):Vídeo
• CEIP P. de Nantes (Sanxenxo, Pontevedra):Diferentes actividades
• CEIP Pena de Francia (Mos, Pontevedra). Diferentes actividades
• CEIP P. Profesor Albino Núñez (Ourense): Diferentes actividades
• CEIP Ramón de Valenzuela (Silleda, Pontevedra):Vídeo
• CEIP da Ribeira (O Porriño, Pontevedra): Vídeo
• CEIP Saco e Arce (Toén, Ourense): Vídeo
• CEIP Santiago Apóstolo (Mugardos, A Coruña): Video
• CEIP Torre-Cela (Bueu, Pontevedra): Diferentes actividades
• CEIP Vicente Otero Valcárcel (Carral, A Coruña): A porta violeta en LSE
• CEIP Virxe do Carme (Burela, Lugo): Actividades
• CEIP Vistahermosa (Ourense):Actividades
• CPI Manuel Suárez Marquier( O Rosal, Pontevedra): Programa de radio; Performance
• EEI Barrionovo (Arteixo, A Coruña): Guía de lectura;Encontro BN;Agasallo 3D; Audiovisual
• EEI de Vilarrodís (Arteixo, A Coruña): Contacontos
• IES Agra de Orzán (A Coruña): Vídeo resumo das actividades
• IES Concepción Arenal (Ferrol, A Coruña):Vídeo Romeo e Xulieta na actualidade
• IES Gregorio Fernández (Sarria, Lugo): Diferentes actividades
• IES Johan Carballeira (Bueu, Pontevedra):Bueu en negro
• IES Lama das Quendas (Chantada, Lugo): Recomendacións lectoras e outras actividades
• IES Lucus Augusti (Lugo):Presentación
• IES Punta Candieira (Cedeira, A Coruña): Intervención do alumnado
• IES San Paio (Tui, Pontevedra): Escolma poética
• IES Universidade Laboral (Culleredo, A Coruña): Abrindo portas violetas
• IES Xograr Afonso Gómez de Sarria (Sarria, Lugo): Diversas actividades
• IES A Xunqueira I (Pontevedra): Diferentes actividades

Os días 9 e 10 de novembro celebraranse en Compostela (Palacio de Congresos) as IX Xornadas de Bibliotecas escolares de Galicia, a gran cita anual do profesorado interesado en temas relacionados coa lectura, os alfabetismos múltiples, as bibliotecas escolares e a educación, en definitiva. Estas xornadas están abertas a todo o profesorado e contan cun programa extenso no que se contemplan conferencias, presentación de boas prácticas nos distintos ámbitos do amplo mundo das bibliotecas escolares, mesas de debate e, como en anteriores ocasións, unha sesión denominada "A fume de carozo", para a comunicación de dez actividades moi concretas levadas a cabo en bibliotecas de centros educativos galegos, seleccionadas entre as candidaturas presentadas a tal efecto. 

Haberá espazo para a ciencia, a poesía, as culturas urbanas, a lectura crítica da imaxe, as bibliotecas e as súas transformacións; as belas artes, a tradición oral e a música; a investigación sobre lectura, tecnoloxía aplicada a materiais textiles, alfabetización transmedia ou hábitos de lectura. Pero sobre todo, daranse a coñecer experiencias de calidade contrastada no desenvolvemento de bibliotecas escolares galegas como "centros creativos de aprendizaxe" e tamén experiencias concretas sobre formación lectora, voluntariado, "radio na biblio", biblioteca inclusiva e exemplos prácticos de desenvolvemento curricular a través de metodoloxías activas e de proxectos, vinculados á biblioteca escolar.  Será, tamén, ocasión para o encontro entre o profesorado deste amplo colectivo de docentes que poñen en pé as bibliotecas escolares galegas, o reforzo de vínculos persoais e profesionais e, con toda seguridade, o comezo de novas colaboracións para o presente curso. 

Até o día 2 de novembro segue aberto o prazo para a inscrición nestas xornadas, a través da plataforma FPROFE, do Servizo de Formación do Profesorado, co código G1802025

• PROGRAMA
• ACCESO AOS MATERIAIS DAS XORNADAS EN REDEBE (pendente de completar)

Co gallo do Día da Biblioteca, o pasado 24 de outubro, convocouse o certame "XOGANDO COA CDU" destinado aos equipos de bibliotecas dos centros educativos galegos, coa finalidade de estimular a creación de materiais para as actividades de formación de persoas usuarias da biblioteca escolar, tomando como base o cartel CDU ILUSTRADA, remitido ás bibliotecas galegas a comezos de setembro de 2018. 

Desde  a Asesoría de bibliotecas escolares elaborouse un documento de apoio, para lembrar o que é a Clasificación Decimal Universal e a súa adaptación ás bibliotecas escolares, proposta xa en 2004, nos inicios desta Asesoría.  Este documento revisado pretende apoiar ao profesorado no seu labor de formación de usuarios e usuarias e, tamén, aos equipos de voluntarios e voluntarias da biblioteca escolar. Pode descargarse e empregarse do xeito que os docentes consideren máis oportuno.

Lémbrase que  o prazo  para presentar as propostas ao concurso XOGANDO COA CDU remata o 23 de novembro.

• BASES DO CONCURSO "XOGANDO COA CDU"
  
• CDU PARA AS BIBLIOTECAS ESCOLARES 2018
  

A instancias da UNESCO celébrase entre os días 24 e 31 de outubro a Global Media anda Information Literacy week 2018, unha semana internacional da alfabetización mediática e informacional, co fin de chamar a atención sobre a urxencia de formar ao alumnado nos recursos para o consumo e a produción de información a través dos medios de comunicación, con valores éticos e sentido crítico. 

As bibliotecas escolares teñen un papel fundamental á hora de apoiar a profesorado e alumnado neste cometido, ofrecendo materiais de apoio, recursos, tempos e espazos; pero tamén retos que guíen e estimulen a incorporación destes contidos nas diversas materias. Unha das estratexías de maior alcance é a creación do laboratorio de radio vinculado á biblioteca escolar, tal e como están facendo, entre outros, os centros integrados no programa RADIO NA BIBLIO, pero hai moitas outras posibilidades. A apertura do modelo de biblioteca cara un "centro creativo das aprendizaxes", con novos espazos e equipamentos, como por exemplo o recuncho de produción audiovisual, contribúe a mellorar as oportunidades para este achegamento e empoderamento do alumnado como produtor de pezas audiovisuais, como xerador de contidos audiovisuais. Son só dous exemplos aos que poden unirse outras iniciativas, analóxicas ou virtuais, como o traballo coa publicidade ou cos textos xornalísticos. 

Desde a Asesoría de bibliotecas escolares elaborouse un pequeno documento que pode descargarse neste espazo e que inclúe ligazóns a informacións diversas e recursos de apoio.  Recolle algunhas das recomendacións da UNESCO para a celebración desta "semana AMI" pero ben poden levarse a cabo ao longo do curso escolar. 

• DOCUMENTO DESCARGABLE: SEMANA DA ALFABETIZACIÓN MEDIÁTICA E INFORMACIONAL 2018
• PROPOSTA DA UNESCO- 2018
  
• OUTRAS INFORMACIÓNS DE INTERESE
• COMO IDENTIFICAR NOTICIAS FALSAS (IFLA-versión en galego)

"A poesía, din, é a memoria do mundo". Juan Marqués

A poesía está por todas partes, o que importa é explorar para descubrila. A biblioteca escolar é un lugar privilexiado para estimular esa mirada que xogue a descubrir a poesía que se agocha nas paisaxes, na música, no cine, nunha noite estrelada, no baile do vento na herba, nos seres minúsculos que só podemos ver a través do microscopio, nesa música que engaiola, na palabra dos poetas, na tradición oral, nun texto que nos traspasa e nos obriga a mirarnos, nesa persoa que nos axuda a abrir os ollos para ver o que nos rodea, no último descubrimento científico (eses escutoides descoñecidos até agora), nesa voz que nos fala, nese abrazo que nos agarima... 

POÉTICAS DIVERSAS NA BIBLIOTECA ESCOLAR é o lema que a Consellería de Educación, Universidade e Formación Profesional  propón ás bibliotecas escolares para o curso 2018/2019, como chiscadela para descubrir a poesía que nos rodea, apoiádonos nos recursos e nas posibilidades da biblioteca escolar. Nuria Díaz foi a ilustradora convidada a interpretar este lema e a compoñer este fermoso cartel que, en breve, estará xa en todos os centros educativos galegos. 

Longa vida á poesía, "memoria do mundo", en palabras do poeta Juan Marqués, quen tamén afirma que a poesía, aínda que ninguén a lea, penetra nas conciencias e nas nacións e dá enérxicos empurróns á Historia, inventa e derruba deuses, funda e destrúe reximes políticos, declara guerras, move montañas... 

Poéticas diversas convida a asolagar as aulas de poesía, a tratar con poetas, a perderlle o medo á metáfora, a xogar coa palabra e coa imaxe até obter todo o seu zume, a coñecer a excelente e variada creación poética galega destinada a todas as idades, a permitir que o alumnado galego poña voz e dea vida á tradición lírica galega, á poesía de Rosalía e de todas e todos os poetas que foron e son.