Despois de moitos días agardando por fin chegou a primavera, durante a asamblea dese día estivemos falando do que sucedía nesta estación, e entre outras cousas lembramos que era a época na que nacían as flores e na que voltaban os paxaros, que marcharan no inverno.
[2]
Saímos ó patio do centro para explorar e fotografar tódalas flores que había polos xarndíns, e que acababan de nacer.
[3]
[4]
[7]
[8]
[9]
[10]
Tamén estivemos obsrvando as árbores do patio, e nalgunha delas, se as mirábamos moi de preto descubrimos como comezaban a aparecer os brotes das follas que estaban a piques de aparecer.
Algunhas árbores, que durante o outono quedaron sen follas, voltaron a recuperar "as súas follas".
ARRANXAMOS A ÁRBORE DA NOSA AULA:
A árbore da nosa aula estaba xa bastante estropeada e, coa chegada da primavera, pensamos que sería un bo momento para arranxalo.
Con "churros" feitos de papel de xornal, e organizados nos equipos cooperativos comezamos a traballar de forma coordinada.
[13]
Cada equipo tivo que "acordar" onde poñer os seus "churros" de papel, de forma que se fose cubrindo a árbore.
[14]
Do mesmo xeito, tamén por equipos, cordamos como podíamos pintar a árbore arranxada.
[15]
Así quedou a nosa árbore xa "restaurada", que xa estaba preparada para chegada dos paxaros de papel.
A NOSA ÁRBORE ÉNCHESE DE PAXAROS DE PAPEL:
Seguindo as instruccións que atopamos nun libro da biblioteca de aula, no que explicaba como facer moitas figuras con papiroflexia, intentamos facer algunha delas.
[17]
Entre as figuras que había estaban unhas paxariñas de papel. Pareceunos moi boa idea retirar as follas do outono da nosa árbore, e poñer no seu lugar unha chea de paxariñas de papel.
[18]
Cada equipo cooperativo acordou, e decidiu, que tres cores ían empregar para pintar as paxariñas.
[19]
Finalmente cada equipo tamén tivo que organizarse para pintar as catro paxariñas que lles correspondían.
[20]
Así quedaron algunhas das paxariñas xa pintadas.
Unha vez secas pendurámolas da nosa árbore.
[22]
Agora tamén chegou a primaver á nosa árbore, e por iso está cheo de paxariñas de papel.
[23]