Para celebrar o día do libro cadaquen escolleu, da biblioteca de aula, cal era o sue libro favorito.
Por turnos fómoslle contando ós demais cal era a historia do noso libro, os seus persoaxes, quen era o protagonista e por que nos gustaba tanto ese libro.
Cando rematamos de dialogar, imprimimos a portada do noso libro empregando o programa que usamos para facer o préstamo de libros (podes acceder a ela desde aquí) [2]
Pegando as nosas cabezas no corpo das persoaxes prinicipais dos nosos libros favoritos, quedamos convertidos neles.
Cando o tivemos listo, buscamos (tentando ler ou intuir) o título do noso libro entre todos os que había enriba da mesa... algúns custaban más que outros para atopalos.
Pegámolos todos na porta, para que todos poidesen saber cal era o noso libro favorito.
Tamén fixemos un pequeno libriño onde contabamos cousas dos nosos libros preferidos.
Así quedaron rematados, coa portada que obtivemos do ordenador na portada de cada un.
Podes ler un exemplo de como quedou un dos nosos "libriños" facendo click AQUÍ [3]
O MEU LIBRO FAVORITO... DA CASA
Dora a Lectora, a mascota da biblioteca do colexio, enviounos unha carta pedíndonos que trouxeramos das nosas casas os nosos libros favoritos para facer unha exposición.
Para podelos expoñer na aula, antes de subilos á biblioteca do colexio, busamos un lugar na nosa biblioteca de aula.
Para non confundilos cos que xa tiñamos, ordeando moitas letras, demos feito un cartel que poñía :
LIBROS FAVORITOS DA CASA
Agora á medida que os iamos traendo, comentabamos cos compañeiros e compañeiras de que trataba o libro, quen nolo regalara, quen era o protagonista....
E claro tamén podiamos compartilos cos demáis xa qu estaban no apartado que fixeramos na biblioteca de aula.
Tan só nos falta levalos á biblioteca do centro para poñelo na exposición xunto ó resto dos libros dos compañeiros e compañeiras do colexio.
Así quedaron os nosos libros na exposición
CONTACONTOS LEO, LEIÑA:
Para rematar a celebración do Día do libro, asistimos a un contacontos, xunto ós compañeiros e compañeiras de todo o colexio.
Leo Leiña, fixo trucos de maxia e contounos unha chea de contos.
Ata cantamos con ela unha canción en italiano.
Cando rematou puidemos probar tódolas cousas que tiña preparadas para nos.
