CEDEIRA

OS VAGALUMES DESPRÁZANSE ATA A BIBLIOTECA DO IES PUNTA CANDIEIRA PARA COÑECER AOS SEUS NOVOS COMPAÑEIROS E COMPAÑEIRAS DE CAMIÑO. ESTE ANO

VIAXAN 1º DE BACHERELATO DE ANTROPOLOXÍA, DE CULTURA CIENTÍFICA E OS VAGALUMES EN 4º DE PRIMARIA.

ESPÉRANNOS MOITAS AVENTURAS E DESCOBREMENTOS. 

OS VAGALUMES DE 4º A ESTÁN MOI SENSIBILIZADOS COS PROBLEMAS DO MEDIO AMBIENTE.

SABEN QUE O TEMPO NON CORRE AO NOSO FAVOR E POR ISO ADICAN UN TEMPO DIARIO

DA XORNADA ESCOLAR A PROPOÑER IDEAS QUE AXUDEN Á NOSA TERRA.

XA CONTACTARON CON ASOCIACIÓNS, CONCELLO... QUEREN MOVER A MOITA XENTE.

 EN BREVES OS VAGALUMES EN RADIO EXPERIMENTAL!

Os Vagalumes de 4º A xa están inmersos no Proxecto Intercentros que iniciaron o curso pasado sobre o Patrimonio Inmaterial co alumnado do Ies Punta Candieira.

Comezan este ano cunha tarefa sobre xeoloxía. En grupos ou de xeito individual escolleron dous experimentos sobre a tectónica de placas. Aquí as súas exposicións.

PROXECTO MEDIO AMBIENTE

O día 27 de setembro escolares, mestres e familias participaron nunha charla-coloquio no auditorio municipal. Os nosos obxectivos: ver cales eran as ideas do alumnado respecto ao cambio climático, a perda de biodiversidade, as posibles actuacións dende a escola,...

A charla foi guiada por un traballador do Concello, habitual colaborador nas actividades escolares: Quique Vázquez. O fío conductor do debate foi o vídeo titulado: "Miña terriña, meu lar", que convidaba a reflexión. Foi este día o que xurdiron as bases sobre as que se asentará o proxecto anual de biblioteca.

Os escolares teñen bastante claro o que debemos Reducir - Reutilizar e Reciclar.

Xa iremos vendo como o facemos...

NA HONRA DE TODAS AS QUE DEIXARON UN BRANCO ESPECIAL.

AGRADECER ÁS FAMILIAS E AO POBO A TRANSMISIÓN ORAL E O ACOMPAÑAMENTO PARA CONSEGUIR QUE O PATRIMONIO PERMANEZA VIVO.

DRAMATIZACIÓN E DOCUMENTAL ELABORADO POLO ALUMNADO: VAGALUMES DE 3ºA E ANTROPOLOXÍA DE 1º DE BACHERELATO XUNTO COAS AVOAS LAVANDEIRAS E AS ATURUXEIRAS DE CEDEIRA. COLABORAN NA MÚSICA: BEATRIZ LEONARDO, ELSA LÓPEZ, FERNANDO VILLAR, MARCOS CASAL, LARA LABRAÑA, ANXO MOREDA E ANDREA LOUREIRO (alumnado de ambos centros) e SILVIA PICOS.

O 19 DE XUÑO O ALUMNADO DE ANTROPOLOXÍA DE 1º DE BACHERELATO E OS VAGALUMES DE 3º A DIFUNDIRON UN ANO DE TRABALLO.

O FIXERON A TRAVÉS DUNHA EXPOSICIÓN (que aínda permanece aberta a todo o público), O VISIONADO DUN DOCUMENTAL

E UNHA PEQUENA MOSTRA DE CANTOS E BAILES TRADICIONAIS.

"PEGADAS NA IAUGA". PATRIMONIO INMATERIAL: A SEMENTE. A AUGA COMO FÍO CONDUCTOR.

FOTOS DA XORNADA

A DIFUSIÓN DO PROXECTO INTERCENTROS CHEGOU A TRAVÉS DA CREACIÓN DUN DÍPTICO CON QRs

QUE LEVAN A ALGUNHAS DAS TAREFAS REALIZADAS POLO ALUMNADO DE ANTROPOLOXÍA DE 1º DE BACHERELATO

DO IES PUNTA CANDIEIRA E OS VAGALUMES DE 3º A DO CEIP NICOLÁS DEL RÍO.

AGRADECER A COLABORACIÓN DE FERNANDO, MARCOS, LARA, ANXO, ANDREA E O PROFE ALEJANDRO

PARA LEVAR A CABO UNHA DAS CANCIÓN QUE APARECERÁ NO DOCUMENTAL DO LAVADOIRO DAS SAIÑAS,

ENMARCADO NO PROXECTO INTERCENTROS: "PEGADAS NA IAUGA" PATRIMONIO INMATERIAL: A SEMENTE.

COINCIDINDO COAS XORNADAS QUE MARES DE CEDEIRA MUSEO ORGANIZOU PARA OS CENTROS ESCOLARES DA VILA, OS VAGALUMES DE 3º A DECIDEN DEIXAR CONSTANCIA DO SUCESO E PREPARAN UN TELEXORNAL.

A RAPETA É UN ARTE DE PESCA (PROHIBIDA AGORA NA VILA), PERO QUE PERMITÍU CREAR MEMORIA COLECTIVA NO POBO.  ESTE ALUMNADO, INMERSO NUN PROXECTO INTERCENTROS SOBRE O PATRIMONIO INMATERIAL, DECIDÍU SACARLLE O MÁXIMO PROVEITO.

CON ANTERIORIDADE Á RAPETA REALIZARON RUTINAS DE PENSAMENTO EN GRUPOS INTERACTIVOS COAS FAMILIAS.

O PATRIMONIO INMATERIAL PERMANECE VIVO A TRAVÉS DA ACTIVIDADE ORGANIZADA POLO MUSEO MARES DE CEDEIRA.

A XORNADA DE RAPETA É UNHA DAS DRAMATIZACIÓNS MÁIS FERMOSAS VIVIDAS ESTE CURSO ESCOLAR.

ALUMNADO DO IES E DO CEIP, FAMILIAS E VECIÑOS TIRAN DAS CORDAS PARA ACHEGAR O PEIXE QUE TRAE

A RAPETA ATA AS AREAS DA MAGDALENA, LOGO ESE PEIXE É VOLTO AO MAR SEN MORTE.

AGRADECER Á ASOCIACIÓN MARES DE CEDEIRA.

Que vaia a nosa gratitude ás familias e veciños por acompañarnos esta mañá.

EMOCIONANTE.

Documental que recolle investigacións feitas na escola. Un traballo de etnografía adicado a tres sucesos que no seu tempo tinguiron de negro a vila de Cedeira.

A nosa memoria.

HOXE O ALUMNADO DE 3º A ACHEGOUSE ATA A BIBLIOTECA DO IES PUNTA CANDIEIRA PARA COMPARTIR A DOCUMENTACIÓN ACADADA E O PROCESO DE REALIZACIÓN DO PROXECTO "AS MURALLAS DE CEDEIRA".(mirar anexo)

FORON QUEN DE TRANSMITIR AS SÚAS VIVENCIAS E CONTESTAR A TODAS AS PREGUNTAS FORMULADAS.

AGORA ESTE ALUMNADO DO IES, (de niveis comprendidos entre 1º de E.S.O. e  2º de Bacherel) EMPRENDERÁN UNHA ANDAINA DE TRADUCIÓN A DIFERENTES IDIOMAS DO NOSO TRÍPTICO E IGUAL CA NÓS GRAVARAN OS VÍDEOS NA SITUACIÓN DAS PORTAS.

SERÁN OS ENCARGADOS DE ABRIR A HISTORIA DO NOSO POBO A OUTROS DE POBOS DIFERENTES.

Cores, fitas e flores fixeron relucir a ledicia infantil nun festival organizado pola compañía de ópera do I.E.S. Punta Candieira. Os fondos recadados fan que estén un pouquiño máis preto de Berlín. Ledos.

Neste "Tempo de maias" o proxecto "De festas na vila" (que se enmarca no currículo cedeirés da biblioteca escolar) xermolou o pasado venres no auditorio nunha mostra na que se deu a coñecer o traballo que os integrantes do proxecto LÓVA levan realizado ao longo do curso.

Inmersos nun exemplo de colaboración entre bibliotecas escolares, os nenos e as nenas da escola sentíronse grandes por poñer en pé  unha representación da festa do maio da man das alumnas de Antropoloxía de primeiro de Bacherelato.

A música, o baile tradicional, o xogo e o entusiasmo acordaron  á primavera do seu sono do inverno.

Vaía se son grandes... Inmensos!!

 (Referencias como esforzo compartido, actitudes de respecto, desenvolvemento emocional e social... non son necesarias. Estaban diante dos ollos de calquera afortunado que formara parte do público ese día. Para reflexionar.)

A CANDELORIA, UNHA NOVA DATA PARA CELEBRAR, COMO BEN NOS ILUSTRA RAFAEL LÓPEZ LOUREIRO, TEMPO DE APEGOTAS (bromas permitidas que debemos aturar estoicamente) E DE LUZ, CON ENREDOS COMO AS LUMINARIAS.

NESTA OCASIÓN ADEMÁIS DO ALUMNADO DE 2º A, TEMOS A PARTICIPACIÓN DAS ALUMNAS DE ANTROPOLOXÍA DE 1º DE BACHERELATO DO I.E.S. PUNTA CANDIEIRA.

AGRADECER A COLABORACIÓN DA SÚA PROFESORA ROSANA FREIRE CALVIÑO, DE RAFA POR DOCUMENTARNOS, DE MONTOUTO SOUNDMACHINE POLA MÚSICA E CREATIVIDADE, DE QUIQUE VÁZQUEZ E ANDY BRAÑAS, POLO REXISTRO E DAS BIBLIOTECAS POR ESTAR SEMPRE ALÍ!

En Cedeira, "Unha vila na que a cultura ten a música como compoñente indispensable de toda celebración" (Rafael Usero), temos a fortuna de manter vivo este fermoso costume de cantar aos Reis.

Dentro do proxecto "De festas pola vila" e coa intención de estimular a nosa fala, manter vivas as nosas tradicións e xa que a mellor maneira de facer isto último é que vaían pasando dunha xeración a outra; o alumnado de 2º A sérvese unha vez máis da vontade e boa disposición das familias e aprenden o canto aquel que di:

ESTAMOS DE NORABOA!

O PROXECTO DOCUMENTAL INTEGRADO "MARES DE CEDEIRA"

ACABA DE SER GALARDOADO POLA CONSELLERÍA DE CULTURA,

EDUCACIÓN E ORDENACIÓN UNIVERSITARIA NO

IV CONCURSO DE TRABALLOS POR PROXECTOS.

COORDINADO POLA BIBLIOTECA ESCOLAR,

CONTOU COA COLABORACIÓN DA COMUNIDADE EDUCATIVA

(ALUMNADO, FAMILIAS, PROFESORADO),

O MUSEO MARES DE CEDEIRA

E XENTES DA VILA QUE TAMÉN NOS QUIXERON ACOMPAÑAR.

PODEMOS DICIR, ENTÓN, QUE É UN PREMIO COMPARTIDO.

MOITAS GRAZAS POR FACELO POSIBLE

E

PARABÉNS!

O ALUMNADO DE 6ºC DESFRUTOU DA VISITA DE RAFA.

COÑECIMOS A HISTORIA DE ANTÓN DE GARAY, PIRATA QUE ACTUOU POLA ZONA ALÁ POLO 1509, E QUE CONTOU COA AXUDA DALGÚNS CEDEIRESES.

A NOSA BIBLIOTECA APOIA A APRENDIZAXE BASEADA EN PROXECTOS, E MÁIS SE TEÑEN QUE VER COA VILA DE CEDEIRA.

A COLABORACIÓN ENTRE O ALUMNADO DE 2ºA DO NOSO COLE E AS ALUMNAS DA MATERIA DE ANTROPOLOXÍA DO IES PUNTA CANDIEIRA PERMITIU ACHEGARNOS UN POUCO MÁIS AO SAMAÍN.

ESTE TRABALLO É O FROITO DAS XUNTANZAS ENTRE OS EQUIPOS DAS NOSAS BIBLIOTECAS PLAMBE.

ANTES DE REMATAR O CURSO, O ALUMNADO DA CLASE DE 5 ANOS B FINALIZOU O SEU PROXECTO "MARES DE CEDEIRA" ENVIANDO MENSAXES EN BOTELLAS.

POIS UNHA DAS BOTELLAS XA CHEGOU AO "SEU DESTINO": A PRAIA DE AUGAS SANTAS (COÑECIDA COMO PRAIA DAS CATEDRAIS), NA COSTA DE LUGO.

FOI ATOPADA POR LAURA, ENCARGADA DA XESTIÓN DE ACCESO AO AREAL, QUEN SE PUXO EN CONTACTO A TRAVÉS DUNHA MENSAXE DE FACEBOOK.

MOITAS GRAZAS!

AGARDAMOS QUE AS OUTRAS MENSAXES ARRIBEN A BO PORTO!