23 DE FEBREIRO, DÍA DE ROSALÍA

O noso centro, o 23 de febreiro,tamén se sumou aos actos celebrados no noso país na honra da nosa escritora Rosalía de Castro. Amais de lembrala en practicamente todas as clases, no tempo do recreo, tivemos unha lectura pública de diferentes poemas da autora. Rapaces, rapazas e profesoras interiorizaron textos da poetisa e puxéronlles voz e sentimento. Pablo, Silvia, Iria, Uxía, Pilar e Catalina leron fermosos poemas que falan de inxustizas, de medos, de desacougos…O acto rematou co poema “Negra sombra” na voz de Alba, unha alumna de 3º de ESO que puxo non só a súa fermosa voz senón tamén o seu corazón ao recitar cantando esta poesía.