Comezo das actividades de fomento do emprendemento en 6º de primaria. FINSA
As actividades de fomento do emprendemento para o alumnado de 6º curso de Educación Primaria recollidas dentro do programa Atrévete-Santiago iniciáronse o pasado 7 de febreiro no CIFP Politécnico de Santiago.
O alumnado do CEIP Raiña Fabiola, CEIP de Roxos e CEIP Plurilingüe Monte dos Postes de Santiago de Compostela acudiron ao CIFP Politécnico onde foron recibidos polo equipo directivo do centro.
O programa de actuacións consistiu nunha charla sobre os valores e habilidades dun emprendedor, unha pequena presentación sobre as diferentes familias profesionais e a visita das responsables do departamentos de Marketing e Recursos Humanos da Empresa FINSA que lles explicaron aos rapaces e rapazas as características da empresa. Despois dun descanso recorreron os diferentes talleres do CIFP Politécnico onde recibiron a atención dos diferentes profesores e profesoras responsables.