Información de interese na sección PAIS/NAIS --- NOVAS.

A vindeira semana, do 29 de abril ao 6 de maio, poderemos gozar no colexio da exposición "Arte na aula" que promove a Concellería de Educación en colaboración co recoñecido artista vigués Mingos Teixeira.

Os/as alumnos/as do centro poderán visitala dentro do horario escolar de mañá, e participarán nunha unidade didáctica desenvolvida por Mingos.

Os/as pais/nais estades así mesmo invitados a visitar a citada exposición dentro do seguinte horario:

- De luns a venres, de 16 a 17.30 horas.

A exposición estará situada na aula de música.

BRAVO, BRAVO, BRAVO!!!

Así rematou a representación que os nenos e nenas de 1º fixeron para todos os seus compañeiros do colexio, da súa obra de teatro.

Que grandes actores e actrices! Que ninguén se sorprenda se dentro duns anos soan os seus nomes na gala dos Premios Goya, ou un pouco máis alá, nos Premios Oscar....Quen sabe!

Parabéns a todos os alumnos e alumnas de 1º e as súas mestras Pilar e Vanesa, por todo o tempo invertido na montaxe desta obra que nolo fixo pasar tan ben.

Máis fotos na galería.

Lembramos que, tal como está establecido no calendario escolar do curso 2010-2011, o período vacacional de Semana Santa comprenderá dende o 18 ata o 25 de abril,ámbolos dous inclusive.

No blog da biblioteca podedes coñecer as actividades que se levarán a cabo no colexio co gallo da conmemoración do Día do Libro.

E na sección BIBLIOTECA--Recomendámosche desta web atoparedes información moi interesante sobre libros infantís e xuvenís.

OQO editora anuncia a próxima emisión na tvG2 de dúas series infantís de animación en galego.

Máis información na sección BIBLIOTECA--Sabías que...?