Complementarias

Despois do parón obrigado pola pandemia da COVID-19, o Concello de Pontedeume, organiza de novo as Eumeolimpiadas, xornadas de convivencia a través do deporte, entre todos os colexios do Concello.

Xornadas onde se pretende a colaboración, sen competencia, entre os centros.

Podedes ver algunhas imaxes na galería de fotos del colexio.

A semana pasada celebramos no noso centro a Semana da Saúde. Para iso contamos con distintos profesionais deste ámbito que nos deron a coñecer contidos moi importantes para mellorar nosa saúde.

Tivemos a sorte de coñecer de primeira man o piragüismo grazas a Miguel Soro. Con el tamén aprendimos o uso correcto das mochilas escolares e a importancia da actividade física dende pequenos/as.

Para finalizar, o alumnado de 1º, 2º e 3º de Educación Primaria, asistiu a unha formación inicial de Primeros Auxilios e RCP, imprescindible para posuír nocións básicas.

Grazas a todos e todas pola colaboración e pola gran acollida destas actividades!

Esta semana, nos nosos “Venres Olímpicos” temos a sorte de contar co Equipo de Triatlón de Ferrol.

O pasado 22 de marzo realizamos no centro unha Masterclass de Zumba dentro dos nosos “Venres Olímpicos!.

Transmitir hábitos saudables e promocionar a actividade física foi o obxectivo principal desta sesión, así como despedir o trimestre acompañados/as de todas as familias, apostando cada vez máis pola presenza das mesmas na vida do centro.

De novo, queremos agradecer a gran acollida desta actividade e a gran participación de todos e todas. Esperamos vervos moi pronto!!

PARA VER O VÍDEO PREMEDE NA IMAXE.

O vindeiro luns, 15 de abril, continuamos coas nosas Escolas de Nais e Pais. Esta vez, contamos con Miguel Soro, fisioterapeuta, que nos falará dos novos estudos de hixiene postural.

Non dubidedes en asistir a esta xuntanza!

O pasado 13 de abril tivemos a sorte de poder contar na nosa Escola de Nais e Pais con @cuentaconmigodp , formadora en Disciplina Positiva. Tal e como aprendimos nesta sesión o primeiro que queremos é dar as GRAZAS a todas as persoas que asistiron e quixeron compartir con nós este momento de aprendizaxe, buscando a mellora nas ensinanzas do noso alumnado e fomentando a importancia do benestar emocional de toda a comunidade educativa.

Continuaremos organizando actividades e obradoiros que posibiliten compartir recursos para traballar en equipo e mellorar a relación familia-escola.

Día da Árbore e Bosques 

Nun día como hoxe, Día da Árbore e dos Bosques, non podemos deixar de recordarvos o noso gran proxecto, a creación dun BOSQUE COMESTIBLE nas zonas exteriores do centro, convertindo esta iniciativa na gran seña de identidade do CEIP Plurilingüe de Andrade. Aquí seguimos formándonos e traballando arreo para conseguir un espazo sostible e natural para que o noso alumnado desfrute nos seus tempos de lecer de zonas verdes, e de todas as posibilidades que ofrece a nosa natureza para o seu enriquecemento e cremento persoal.

Debido a un problema de saúde da persoa relatora, vémonos na obriga de pospoñer a xornada de formación do 8 de abril destinada ás familias sobre "Mediación e resolución de conflitos”.

Aínda así, contamos con vós na sesión do día 3 de abril de 16:30h a 18:30h, na que falaremos sobre Disciplina Positiva.

Que mellor maneira de despedir estre trimestre que cunha clase de Zumba con toda a comunidade educativa da man de Inés, nai dun neno de Educación Infantil.

Despois diso compartiremos unha merendola saudable entre todos/as. Así que non o pensedes máis, e non dubidedes en acudir ás 11:00h e desfrutar desta convivencia.

Agardámosvos!