CEIP CANOSA-RUS

Estimadas familias: Este venres, 21 de abril, os grupos de 3º e 5º curso de Educación Primaria tiveron a oportunidade de descubrir as posibilidades que ofrece a madeira e os moi diferentes usos que ten este material natural que está presente no noso día a día e que é a materia prima base para a fabricación de moitos materiais. Elsa (que pertence á asociación PEFC) veu a presentarnos a través de actividades lúdicas como a madeira está presente na nosa realidade cotiá e a informarnos da importancia que ten a xestión forestal. PEFC é unha organización sen ánimo de lucro que traballa para promover a xestión forestal sostible dos nosos bosques. En Galicia temos unha porcentaxe moi importante de territorio dedicado á superficie forestal. A conservación, protección e aproveitamento responsable dos recursos naturais, pasa por unha educación e concienciación social sobre os valores ambientais, os sociais, culturais e económicos que os bosques e os seus recursos nos aportan.

Estimadas familias: Este xoves, 13 de abril, o alumnado de 1º e 3º curso de Educación Primaria tivo a oportunidade de asistir a unha sesión de formación sobre compostaxe doméstica dentro da campaña promovida polo Concello de Coristanco, en colaboración con SOGAMA. Grazas á proposta do Concello xa dispoñemos de outro composteiro máis no colexio que nos vai permitir que o alumnado contribúa de forma directa na xestión dos residuos orgánicos que se producen no centro tanto nos que xeran directamente a través das merendas como o resultante do uso do servizo de comedor escolar. O coidado do medioambiente correspóndese ademais con varias das accións para alcanzar os "Obxectivos e Metas de Desenvolvemento Sostible da Axenda 2030", como é o caso do obxectivo 11 "Cidades e Comunidades Sostibles", o obxectivo 12 "Produción e Consumo Responsables" e o obxectivo 13 "Acción polo Clima". Deixamos fotos e vídeos ilustrativos da actividade nos arquivos adxuntos. Un saúdo. O equipo directivo. 

Estimadas familias: Aquí vos deixamos o menú que degustaremos durante o mes de abril. Esperamos que vos guste! Un saúdo. 

Estimadas familias: O pasado venres, 17 de marzo o alumnado do grupo de 4º curso de Educación Primaria tivo a oportunidade de montar e inaugurar o primeiro composteiro do colexio. Esta iniciativa foi posta en marcha polo Concello de Carballo dentro do programa "Carballo limpo, mellor así". Agardamos que ao longo do curso consigamos encher o composteiro coa colaboración do alumnado de Educación Infantil que deposita no composteiro diariamente os residuos orgánicos que xeran as súas merendas. Tamén contamos coa colaboración do persoal de cociña e das colaboradoras de comedor que seleccionan os residuos que se xeran durante o servizo. Moitas grazas a todas e a todos por colaborar e contribuír así a coidar do medioambiente. No adxunto deixamos fotos ilustrativas da actividade. Un saúdo. O equipo directivo. 

Estimadas familias: Este mércores, 8 de marzo, ás 18:00h, o Servizo de Normalización Lingüística do Concello de Carballo achega á Biblioteca Rego da Balsa un obradoiro sobre cando e como estimular a linguaxe nun contexto coma o noso, onde conviven dous idiomas. O obradoiro será impartido pola psicóloga Raquel Bello Varela, do equipo Oikos, e incluirá diferentes materiais con actividades destinadas a estimular a adquisición lingüística nas crianzas, xogos e cancións.

A duración aproximada será de 90 minutos.

Público ao que está destinado o obradoiro: Adultos educadores e familiares que esperen unha crianza ou que teñan unha de ata 6 anos.

Incricións: Capacidade limitada, con inscrición telefónica previa, desde as 10:00h da mañá, no 981.758.580.

Acceso: Deberanse seguir as indicacións do persoal bibliotecario á hora de ocupar o espazo no que se desenvolverá a actividade.

Estimadas familias: Hoxe terá lugar a charla do Plan Director dirixida a familias do alumnado de 1º a 6º curso de Educación Primaria. Como xa vos fixemos saber, era necesario confirmar asistencia a través dos titores e titoras dos/das vosos/as fillos/as para poder organizar a actividade da mellor forma posible. A charla será impartida por un membro da Garda Civil que se desprazará ao centro e que tamén estará dispoñible para resolver todas aquelas dúbidas que desexedes plantexarlle relacionadas coa temática da formación. O horario da actividade é de 16:30hs a 18:00hs. Rógase puntualidade no horario de chegada ao centro. Moitas grazas pola vosa participación. Un saúdo. O equipo directivo. 

Estimadas familias: Este mércores, 1 de marzo, empeza o prazo para xestionar o proceso de admisión de alumnado para o curso 2023-2024. Deixamos a información nos documentos adxuntos. Un saúdo. O equipo directivo. 

O prazo de presentación de solicitudes é desde o día 16 de xaneiro ata o 6 de febreiro e diríxese ao alumnado de 6º Curso de Educación Primaria que continuará os estudos no IES Isidro Parga Pondal.

As familias poderán cumprimentar as solicitudes de reserva de xeito manual ou a través da aplicación http:www.edu.xunta.gal/admisionalumnado/

Para presentar unha solicitude deberá seguir algunha das opcións descritas a continuación:

1.Cubrir a solicitude informaticamente e presentala asinada de xeito manual no centro: