Venres de Entroido

Estimadas Familias:

O Venres 5 de febreiro estades convidados ao Entroido no pavillón do colexio a partir das 11.30 horas. A continuación, as familias que queiran poderán achegar doces típicos do Entroido, que serán degustados por toda a Comunidade Educativa no patio cuberto. Lembrar tamén que o luns 8, martes 9 e mércores 10 non haberá clase.

Un saúdo e bo Entroido.  

Matrícula 2015-2016

Prazos:

- Reserva de praza nos centros de orixe: Do 1 ao 15 de febreiro (ámbolos dous incluídos).

- Data sorteo público a efectos de desempate: Antes do 1 de marzo.

- Publicación de postos escolares vacantes: Antes do 1 de marzo.

- Presentación da solicitude de admisión: Do 1 ao 20 de marzo (ámbolos dous incluídos).

- Presentación da documentación acreditativa dos criterios de baremo: 10 días hábiles a partires dos 2 días seguintes ao remate do prazo para presentar as solicitudes de admisión.

- Publicación das listaxes provisionais do alumnado admitido e non admitido: Antes do 15 de maio.

- Formalización da matrícula de Educación Infantil e Primaria: Do 20 ao 30 de xuño (ámbolos dous incluídos). 

 

Toda a documentación está no enlace de Secretaría, no apartado de matrícula (ou facede clik aquí). 

ESCOLA DE NAIS E PAIS: A COMUNICACIÓN NA FAMILIA

Estimadas familias:

Este curso escolar 2015-2016 dáselle continuidade á Escola de Nais e Pais iniciada no curso anterior. Este ano leva por título: A Comunicación na Familia. A información foi facilitada a todo o alumnado e tamén a tedes no documento adxunto.

Un saúdo.

ÚLTIMA SEMANA DO TRIMESTRE

Estimadas familias:

 

A continuación achéganse as actividades programadas para esta semana:

  • Mañá mércores, día 16 de decembro, ás 11.30 h, aproximadamente, realizarase un simulacro de emerxencias e evacuación.
  • O xoves 17 e o venres 18 desenvolverase unha actividade para todo o colexio de carácter lúdico: “Xogos Populares do Mundo” organizado pola ANPA.
  • As cualificacións serán entregadas o venres día 18.

      As clases iniciaranse de novo o xoves 7 de xaneiro de 2016.

 

BO NADAL

CARTAS DE NADAL

Estimadas famlias:

Estes días entregáronselles ás/aos alumnas/os (desde 4 anos a 4º de Educación Primaria) uns recortables para a actividade promovida polas áreas de Normalización Lingüística dos Concellos de Santiago, Ames e Teo. Para que o alumnado exprese os seus desexos de Nadal, a través dunha carta, hai no Centro Educativo unha CAIXA DE CORREO para facilitar os envíos, iso si solicitáronnos que se fixera en galego. 
 
Para máis información: 
 
Un cordial saúdo,
Equipo Directivo

AVISO DE DÍA FESTIVO

Estimadas familias:

O vindeiro luns 7 de decembro haberá clase de forma ordinaria. O martes 8 de decembro non é lectivo xa que é festivo nacional. 

Un saúdo. 

CUESTIONARIO DE CONVIVENCIA 2015

Estimadas Familias:

Prégase que se cubra o cuestionario de convivencia como data límite o 8 de decembro ás 23.59 horas. Achéganse os dous enlaces de interese:

- Información: http://www.edu.xunta.es/portal/Educonvives.gal

 

- O enlace para participar as familias: https://edu.xunta.es/convfamil

 (A clave de acceso vai impresa nunha circular que leva o alumnado para a casa)

 

Grazas pola vosa participación

 

 

Programa municipal de conciliación familiar Nadal 2015

EDUCACIÓN

Programa municipal de conciliación familiar Nadal 2015

O Departamento de Educación e Cidadanía do concello de Santiago ten previsto a realización dun programa de conciliación laboral e familiar no período das vacacións de Nadal 2015 (21, 22, 23, 24, 28, 29, 30 e 31 de decembro 2015, 4 e 5 de xaneiro de 2016). Este programa comprende un conxunto de actividades, a desenvolver nas instalacións do CEIP As Fontiñas e do CEIP Raiña Fabiola destinadas á poboación escolarizada en educación Infantil e Primaria do municipio de Santiago.

Os solicitantes deberán estar empadroados no concello de Santiago ou estar matriculados nun centro educativo do municipio de Santiago.

Abrirase un prazo de inscrición e matrícula entre o 28 de novembro e o 10 de decembro de 2015 (ambos os dous incluídos).

AXUDAS MATERIAL ESCOLAR

No día de hoxe(10 de novembro de 2015) publicouse no DOG unha nova convocatoria para axudas de material escolar (50 euros por alumno/a). Está destinada soamente a aquel alumnado que non puido acollerse ás axudas convocadas no mes de setembro por causas emendables. É dicir, non poderán solicitala aqueles alumnos que xa obtiveron esta axuda (de 50 euros) no mes de setembro.

Data límite para a entrega de solicitudes: 20 de novembro.

 

Renda: igual ou inferior a 5400 euros. 

Impreso para a solicitude

Convocatoria

Theme by Danetsoft and Danang Probo Sayekti inspired by Maksimer