CEIP Monte dos Postes

Estimadas familias:

Desde hoxe, día 27 ata o 30 de xuño (ambos incluídos), pódese vir a recoller en horario de 9.30 ata as 13.30 horas os historiais académicos de 6º de Educación Primaria.

Un saúdo.

Estimadas familias:

O martes 28 de xuño convócase ás familias do novo alumnado de Educación Infantil para unha xornada de portas abertas. Celebraranse dúas reunións, unha para cada grupo: 3 anos A e 3 anos B. 

- 11.00 horas: Educación Infantil 3 anos A

- 12.00 horas: Educación Infantil 3 anos B

Comunicarase a través do correo electrónico a hora de reunión correspondente.

Un saúdo. 

MATRÍCULA (DO 20 AO 30 DE XUÑO DE 2022) . PREMA AQUÍ PARA VER TODA A INFORMACIÓN. 

Onte fixemos unha actividade que estábamos desexando recuperar despois destes dous anos de pandemia. Fomos a visitar o órgano da igrexa de San Miguel. 

Como xa viña sendo tradición as nenas e os nenos de 6º cara o fin de curso tiñamos por costume facer esta visita didáctica tan bonita e interesante tendo como guía nada máis e nada menos que ao seu organista; Miguel Sánchez que ademais éo pai de dúas alumnas do colexio. Moitas grazas Miguel! Unha vez máis todo un éxito! Parabéns! 

Completamos a mañá con outra actividade tamén moi interesante; a visita ao museo das Peregrinacións. Queremos darlle as grazas tamén ás voluntarias que nos explicaron con paciencia e entusiasmo as historias e anécdotas diante de obxectos moi valiosos e atractivos que nos axudaron a entender mellor a historia da nosa cidade. Grazas! Aí vos queda unha pequena escolma destas actividades. 

Estimadas familias:

Ábrese o prazo para solicitude dos campamentos de verán 2022 que oferta o Concello de Santiago. O prazo de solicitude de inscrición establécese entre o 1 e 8 de xuño de 2022 (ambos os dous inclusive). Se unha vez rematado o prazo quedan prazas libres nalgunha quenda, poderán presentarse solicitudes que se irán adxudicando por orde de entrada no Rexistro.

Premer aquí para a consulta da información WEB do Concello

Información

Modelo de solicitude

A semana pasada visitounos a Tropa de Trapo e tamén Leandro Lamas que xunto co alumnado de 6º de primaria pintaron un graffiti na parede do pavillón. Ambas actividades están financiadas pola ANPA con fondos da Deputación da Coruña.

O pasado venres 20 de maio celebramos no colexio a festa dos maios e das Letras Galegas. Aínda que non puidemos ter o público doutros anos, aquí vai un pequeno resumo desta festa tan especial e coa que gozamos un montón!! 

Este ano contamos cuns invitados de luxo; Branca Villares e Pablo Pintor. Esta actividade foi financiada pola ANPA con fondos da deputación da Coruña. 

Estimadas familias:

O xoves 26 de maio, celébrase a festa da Ascensión (festa local no Concello de Santiago de Compostela), o venres día 27 de maio é o día non lectivo solicitado polo Consello Escolar do Centro, polo que tampouco haberá clase.

As clases reanudaranse o luns día 30 de maio.

Un cordial saúdo.

ACCESO AO TRÁMITE

Estimadas familias:

 A Consellería publicou a Orde do 10 de maio de 2023 pola que se regula o Fondo Solidario de libros de texto e se convocan axudas para adquirir libros de texto e material escolar:

  - Axudas para adquirir libros de texto para alumnado de 1º e 2º de Educación Primaria.

• Renda igual ou inferior a 6.000 euros (240 euros)
• Renda superior a 6.000 euros e inferior a 10.000 (160 euros)                                                           

  - Fondo Solidario de Libros de Texto para alumnado de 3º e 4º de Primaria, xa que o alumnado de 5º e 6º de Educación Primaria utiliza o Proxecto E-dixgal e non precisa solicitalo.

• Renda igual ou inferior a 6.000 euros (6 libros)
• Renda superior a 6.000 euros e inferior a 10.000 (4 libros)  

  - Axudas para adquirir material escolar de Educación Primaria. Lembrade que o alumnado de 5º e 6º de E-dixgal poden solicitar esta axuda.

• Renda igual ou inferior a 6.000 euros (75 euros)
• Renda superior a 6.000 euros e inferior a 10.000 (60 euros)  

 Para respectar as recomendacións sanitarias do COVID-19 achéganse as seguintes quendas para a presentación de solicitudes: 

A solicitude é única para todos/as os fillos/as que estean matriculados no mesmo centro. A solicitude pode cumprimentarse:

 - De xeito manual, imprimindo ou recollendo o anexo I e II e facendo a entrega de forma presencial no centro nas datas indicadas.

 - Na aplicación Fondo Libros, xerando un número de solicitude e realizando a presentación ben na Sede Electrónica da Xunta de Galicia ou ben de forma presencial no centro.

 ***Lembrade que o prazo para a presentación de solicitudes será do 19 de maio ao 22 de xuño, ambos inclusive.***

Para máis información premer:

Convocatoria

Anexo I e II

Enlace a Fondo Libros