BENVIDA
No CEIP Mosteiro-Bembrive ofertamos un modelo de ensinanza afectiva e acolledora, aberta á comunidade, inclusiva, motivadora e participativa, coa finalidade de que, día a día, o noso alumnado experimente multitude de vivencias que lles permitan medrar como persoas con valores.
BENVIDOS/AS Á NOSA ESCOLA!
INICIO DE CURSO 2020-21
Queridas familias. O curso escolar en Galicia comezará o día 10 de setembro coa INCORPORACIÓN GRADUAL DO ALUMNADO do seguinte xeito, como podedes atopar na web da Consellería de Educación (enlace Web Consellería).
- Os primeiros en incorporarse ás aulas o xoves 10 de setembro serán o alumnado de 5º de Educación Infantil (4 anos); 1º, 2º e 3º de Educación Primaria.
- Ao día seguinte, o venres 11 de setembro, iniciarán o curso escolar o alumnado de 6º de Educación Infantil (5 anos) e os de 4º, 5º e 6º de Educación Primaria. Deste xeito, o venres día 11 estarían xa incorporados ás aulas a totalidade do alumnado das etapas de Infantil e Primaria (excepto 3 anos).
- O alumando do 4º curso de Educación Infantil (3 anos), comezará o Período de adaptación o venres 11 de setembro.
O luns publicaremos o horario detallado de entradas e saídas por cursos. Adiantamos que serán de forma escalonada para evitar aglomeracións. Antes do inicio das clases darémosvos a coñecer o noso Plan de Adaptación á Situación Covid a través da nosa web.
Dende o Centro estamos tomando as medidas necesarias, segundo os medios dos que dispoñemos, para crear un entorno o máis seguro posible para o noso alumnado.
ÁNIMO PARA TODOS/AS, DESEXAMOS QUE TODO SAIA BEN!!!
- blogue de admin2
- APIs de Blogue