Contido popular
Título | Resumo |
---|---|
24 DE OUTUBRO. DÍA DAS BIBLIOTECAS ESCOLARES |
Hoxe foi un día de festa, xa que, a nosa nova biblioteca comezou a camiñar. Contamos cun novo espazo máis amplo e adaptado ás necesidades do alumnado. Os nenos e nenas de sexto realizaron un gran traballo, colaborando no reto que supuxo trasladar e dar forma a unha biblioteca dinámica, con diversos servizos e recursos, onde os nenos e nenas do colexio atopen múltiples oportunidades de aprendizaxe, expresión e creación. |
SAMAÍN 2022-DIFERENTEMENTE IGUAIS |
Un curso máis, celebramos o Samaín no colexio. Decoramos as portas, os corredores e a biblioteca, con estraños e horripilantes hóspedes: morcegos, esqueletos, bruxas, arañas ...Asemade desfrutamos dos contos terroríficos que prepararon os alumnos/as de quinto e sexto de Educación Primaria. Os nenos e nenas, o venres 28 de outubro, disfrazáronse de personaxes propios e característicos desta festividade. |
MAGOSTO 2022 |
O pasado xoves, 10 de novembro celebramos o magosto no colexio. Comezamos cunha xornada de xogos: zancos, rá, a pita cega, aros, bolos, carreiras con castañas...O alumnado de sexto colaboraron como monitores e as distintas aulas rotaban nos xogos. Foi un día de diversión para os nenos e as nenas do centro. Para rematar o día, degustamos unhas ricas castañas asadas (actividade en colaboración coa ANPA). Velaquí tedes o acontecido, preme na seguinte imaxe. |
Obradoiro de Regueifas |
O pasado 25 de novembro, a rapazada de 6º tivemos a gran sorte de recibir a visita das regueifeiras Lupe Branco e Cristian de Burela, dentro do programa “Enreguéifate” do que formamos parte. E dende o primeiro momento, non houbo tempo ao aburrimento porque a regueifa invadiu cada recuncho da nosa Biblioteca. Primeiro, coas súas coplas, leváronnos da man a través da historia deste xénero de tradición oral e das súas características para despois, converternos en regueifeiros, elaborando as nosas rimas, botando “bombas” e regueifando sobre o escenario. Agora, xa só nos resta deixar voar a imaxinación. Grazas pola vosa visita! |
Os nosos inicios na RADIOS ESCOLAR | |
PRESENTACIÓN DO LIBRO: "ESTRELAS GALEGAS DA CIENCIA" |
O venres 16, o alumnado de sexto de Ed. Primaria tiveron a visita de Maite Vence e Manuel Vicente para presentarnos o libro "Estrelas Galegas da Ciencia". Unha historia de persoeiros e achados asombrosos. É un libro para nen@s, ilustrado de ton divulgativo e divertido, que pretender explicar a historia da ciencia feita en Galicia e a dos seus persoeiros e achados científicos máis significativos. |
OS VULCANÓLOGOS DE 3º |
Na clase de Ciencias Naturais, os nenos-as de 3º recrearon o funcionamento dunvolcán en erupción. Para o desenvolvemento da actividade construiron nas aulas os volcáns con distintos materiais. Estudaron as partes e o seu funcionamento. Posteriormente amosáronllelo ao alumnado de 1º e 4º de E.P. |
Asistencia a Regueifesta |
En colaboración co departamento de Dinamiación Lingüística do Concello de Teo, o alumnado de sexto, asistiu ao Auditorio de Galicia á festa das regueifas: A Regueifesta. Trátase dunha actividade didáctica impulsada polos proxectos Enreguéifate e Regueifesta que procura a participación da comunidade escolar na difusión da regueifa e da improvisación oral en verso. No encontro, interviron rapazas e rapaces que participaron no concurso, así como alumnado de Euskadi e de Catalunya, que improvisaron ao xeito do bertsolarismo e da glosa. Dinamizaron o acto Sechu Sende, Manolo Maseda, Lupe Blanco e Olalla Liñares. O alumnado desfrutou dunha mañá moi enriquecedora para a nosa lingua.
|
Recomendacións lectoras |
O alumnado de sexto gravou un podcast sobre recomendacións lectoras. Esperamos que vos guste.
|
25 DE NOVEMBRO. DÍA CONTRA A VIOLENCIA DE XÉNERO |
Un ano máis no colexio dos Tilos, atendemos ao chamamento das Nacións Unidas para conmemorar o 25-N como Día Internacional contra a violencia de xénero. O alumnado ao longo do mes de novembro, preparou a canción de Guadi Galego chamada "Matriarcas". O obxectivo da actividade é, que a través da música e da letra desta canción, as nenas e os nenos dende idades temperás, tomen en consideración a importancia de loitar pola igualdade e a liberdade de todas as mulleres do mundo. O martes 22, visitounnos a caravana lila do Concello de Teo. O alumnado do centro, participou en distintas actividades destinadas a concienciar sobre a igualdade. Agasallaron aos nenos e as nenas participantes cunha pulseira lila.
|
EXPERIENCIAS CIENTÍFICAS |
Novembro é o mes adicado á ciencia en galego. Con tal motivo, no colexio dos Tilos desenvolvemos distintas actividades, onde o alumnado tomou contacto con varios procesos na elaboración de diversas experiencias científicas. Estas actividades son moi enriquecedoras para que as nenas e os nenos en idades temperás, esperten a curiosidade polo mundo da ciencia. O alumnado de 3º E.P. investigou sobre a elaboración do iogur e do queixo. O alumnado de cuarto de E.P. levou adiante experimentos moi simpáticos.
As rapazas de sexto prepararon unha explosión dun volcán que botaba lava de cores.
Os nenos e as nenas de segundo de Ed. Primaria, dobraron ósos e modificaron cores.
|
DÍA DA MULLER E A NENA NA CIENCIA |
O alumnado de quinto e sexto de primaria, recibiu a visita de Paula López, directora adxunta do CITIUS. A misión do CITIUS é a mellora da sociedade a través das tecnoloxías intelixentes. A charla ten como obxectivo dar visibilidade ás mulleres que traballan no mundo da ciencia. Paula explicoulles, en que consiste o traballo do CITIUS e en particular o dela. Moitas grazas pola visita! |
OS XENERAIS DOS TILOS |
Os xenerais do Ulla é un dos espectáculos máis destacados da contorna. Elegantemente vestidos, as nenas e os nenos de primeiro do colexio, comezaron a mañá do desfile cos famosos vivas. A literatura popular e a música son as partes máis importantes do patrimonio inmaterial de tradición oral dos Xenerais da Ulla nas que destacan os “vivas” e as coplas. Os coñecidos como “vivas” expresan un desexo de vida, sorte e prosperidade.
|
VISITA Á CASA DAS CIENCIAS |
O alumnado de 5º de educación primaria, dentro das actividades programadas en febreiro, co gallo do 11F Día da muller e a nena na ciencia, visitou a Casa das Ciencias. Situada no parque de Santa Margarida na Coruña, consta dun planetario e tres andares con distintas exposicións. Unha mañá moi entretida, con experiencias de física, exposición de péndulos e exposición sobre astronomía. |
Programa Educativo NAVEGA CON RUMBO |
A Dirección Xeral de Ordenación e Innovación Educativa, organiza a XI edición do programa educativo Navega con Rumbo. Ao abeiro do mesmo, o venres 26 de abril, celebrouse no colexio unha charla para o alumnado de quinto e sexto de educación primaria. O obxectivo foi informar aos nenos e as nenas dos riscos do mal uso de internet e das redes sociais. Trátase de promover unha navegación segura e responsable. |
Obradoiro: Instrumentos musicais galegos |
O día 15 de marzo o alumnado de 5º e 6º de Primaria participou nun obradoiro de instrumentos musicais galegos. Neste obradoiro o alumnado aprendeu a diferenciar entre instrumentos tradicionais e populares asi como o ritmo de distintas danzas galegas. |
Letras Galegas: o escritor Xosé Antonio Perozo descúbrenos a figura de Mª Victoria Moreno |
Seguindo coas actividades dedicadas á autora Mª Victoria Moreno o día 25 de maio o alumnado de 6º de Primaria recibiu a visita do xornalista e escritor Xosé Antonio Perozo. Xosé A. Perozo foi amigo da autora homenaxeada polo que a través das súas palabras e lembranzas poidemos descubrir moitas cousas sobre a vida desta autora.
|
Enquisa profesorado 2018/2019 |
Cubre a enquisa e axúdanos a mellorar!! A vosa opinión é moi importante para nós.
Tedes ata o 5 de xuño para responder. Moitas grazas pola vosa colaboración. |
PRIMAVERA DAS LETRAS |
A Real Academia Galega enviounnos un diploma recoñecendo o noso traballo sobre María Victoria Moreno, autora homenaxeada no Día das Letras Galegas de 2018. Amosámosvos o diploma que acadamos co traballo feito entre todos.
|
A MATERIA EN ESTADO PURO |
A escola constitúe un dos principais escenarios educativos para desenvolver actividades saudables dado que se traballa con alumnos/as que se atopan en período de formación física,psíquica e social que posúen una gran capacidade para a aprendizaxe e asimilación de hábitos. Traballar a educación para a saúde é de vital importancia dende a infancia, por esta razón ao longo deste curso en todos os niveis educativos , (a través das actividades propostas dende a biblioteca e os distintos equipos), fomentouse o desenvolvemento saudable de todo o corpo , poñendo especial atención nos órganos imprescindibles para a actividade física (corazón, pulmóns, músculos e ósos que fan que o organismo realice a súa actividade de maneira satisfactoria). Por outra banda, tamén lles ensinamos (coa axuda das familias) a saber realizar hábitos alimenticios saudables, consumo de froitas e verduras, orixe dos alimentos, beneficios da actividade física e tomar conciencia do valor dos alimentos como recurso esencial e indispensable para a vida. Cabe destacar a participación na actividade de merendas saudables ao longo do curso. Traballamos de xeito globalizado coas distintas áreas do nivel, de ahí o coidado do medio medioambiente dado que é de vital importancia para a saúde: o estudo das abellas co “rico mel de Tilandra”.A modo de resumo, acadáronse os obxectivos propostos e as actividades resultaron motivadoras para o alumnado. Na exposición dos traballos do alumnos-as, pódese ver unha pequeña escolma das actividades desenvolvidas ao longo do curso.
|
LECTURA NA CARBALLEIRA |
Aproveitando o bo tempo da semana das Letras Galegas, fixemos a xa tradicional Lectura na Carballeira. O alumnado dos cursos superiores elixen libros para ler aos máis cativos do colexio. É unha actividade onde disfrutan da natureza e ao mesmo tempo comparten o seu libro favorito.
|
VISITA AO MUSEO DO POBO GALEGO |
Ao longo do mes de maio o alumnado do colexio dende catro anos ata sexto de primaria asistimos ao Museo do Pobo Galego para visitalo e realizar distintas actividades. Os nenos e nenas de catro e cinco anos asistiron a actividade "Xogos Bailados", a través dun xogo de roda que leva asociado unhas cantigas os máis cativos achéganse ao museo. O alumnado de primeiro de educación primaria asistiron a actividade "Canta adiviña canta", a través de adiviñas, sons e cancións descobren os instrumentos tradicionais. Os de segundo de educación primaria asistiron a actividade " Da vara ao carabelo" , unha visita obradoiro onde o alumnado tivo contacto con saberes e técnicas do patrimonio náutico e pesqueiro. Terceiro, cuarto, quinto e sexto de educación primaria realizaron a actividade "Fraguando datos sobre D. Antonio", a través dun xogo, o alumnado coñeceu e descobreu máis en profundidade a figura de Fraguas e a relación co Museo do Pobo Galego. Se premedes na imaxe veredes o acontecido.
|
PARA ESTAR SANOS DEBEMOS TER SENTIMENTOS E EMOCIÓNS AMOROSAS COS DEMAIS. |
PARA ESTAR SANOS DEBEMOS TER SENTIMENTOS E
EMOCIÓNS AMOROSAS COS DEMAIS.
FIXÁMONOS NAS COUSAS BOAS QUE FAN OS NOSOS COMPAÑEIROS...
... PORQUE NOS SENTIMOS BEN CANDO FACEMOS SENTIR BEN AOS DEMAIS.
Para medrar sans e cuns dentes sanos e fortes temos que vixiar o que comemos evitando comer alimentos ricos en azucres, e comer máis froitas e verduras.
Fixemos traballos con lentellas e co millo e aprendemos algunha cousiña deles.
E moi importante empezar ben a mañá tomando un almorzo saudable…
… e despois de almorzar lembrarse de lavar ben os dentes.
|
ALIMENTACIÓN SAUDABLE |
Ao longo do curso o alumnado de segundo de educación primaria traballamos os seguintes aspectos dentro do proxecto de centro "Tilandra medra sa" Aquí deixámosvos un guión para que cando visitedes a nosa exposición saibades o que realizamos. -Pirámide de alimentos: frecuencia coa que debemos comer os alimentos. -Obradoiro de cociña: saborosa larpeirada. -Macedonia de froitas: macedonia natural e disfraces de entroido. -Menú saudable: bandexas. -Estudo dun froito/a: a castaña e a sandía. -Agricultura, cultivo de alimentos: apeiros para traballar no agro.
|
A TECNOLOXÍA E A NOSA RELACIÓN COS ALIMENTOS...FIXERON PROGRESAR Á HUMANIDADE |
A TECNOLOXÍA E A NOSA RELACIÓN COS ALIMENTOS...FIXERON PROGRESAR A HUMANIDADE PRIMEIROS ACHADOS, NOVOS ACHADOS, NOVOS TEMPOS, MÉTODOS MODERNOS Con respecto ao Proxecto da Biblioteca, realizamos as seguintes actividades: - Elaboración da pirámide dos alimentos. - Mural: Tilandra merenda sa. - Traballo con textos:
- O significado do código de barras. - Traballo coa prensa. Búsqueda de novas relacionadas coa alimentación e a saúde. - Traballo de investigación. A tecnoloxía na alimentación fai progresar á humanidade (dende 30.000 a.C. ata os nosos días).
|