Do 21 de maio ao 21 de xuño, as familias poderán realizar as súas peticións para o próximo curso nas axudas de libros, fondo solidario e bono de material. As dúas modalidades para presentar a solicitude de participación son electrónica ou manual:

• Electrónica. É necesario CHAVE365 ou outro certificado dixital. Créase unha nova solicitude na aplicación FondoLibros (una por fillo ou filla) e, a continuación, preséntase na sede electrónica da Xunta https://sede.xunta.gal. 
• Manual. Enchendo os Anexos I e II da convocatoria e entregándoos na secretaría do colexio.

Máis información:

• Novas Xunta de Galicia (prazo para solicitar as axudas para libros de texto e material escolar).
• Sede Xunta (procedemento ED330B)
• Manual da aplicación fondo libros (para as familias).
• Preguntas frecuentas (FAQ).
• Instrucións para os centros educativos.

Normativa:

• ORDE do 7 de maio de 2024 pola que se regula a participación no fondo solidario de libros de texto e se convocan as axudas para adquirir libros de texto e material escolar.

Nota importante: A convocatoria integra as diversas modalidades de gratuidade solidaria dos libros de texto dos niveis obrigatorios de ensino; é dicir, fondo solidario de libros de texto para 3º, 4º, 5º e 6º de primaria. As axudas para adquirir libros de texto son para 1º e 2º de primaria e axudas para adquirir material escolar para o alumnado matriculado na educación primaria.

O proceso de admisión dos centros docentes sostidos con fondos públicos, para o curso escolar 2024-2025, iníciase o día 01/03/2024 e permanecerá aberto ata o día 20/03/2024. Este periodo de admisión é  para o alumnado que comeza a etapa de infantil ou para o que queira cambiar de colexio.

Datas:

• Presentación de solicitudes: do 1 ao 20 de marzo. (fóra de prazo)
• Publicación da listaxe provisional: 25 de abril.
• Reclamacións á listaxe provisional: dendo o día 26 ao 3 de maio.
• Publicación da listaxe definitiva: 15 de maio.
• Formalización da matrícula: dende o día 20 ao 30 de xuño.

Como presentar a solicitude (opcións):

1. Cubrir a solicitude na aplicación web da Consellería de Educación: https://www.edu.xunta.gal/admisionalumnado/ e asinala na sede electrónica da Xunta de Galicia: https://sede.xunta.gal/detalle-procedemento?codtram=ED550B
2. Enchendo o impreso ED550B e presentándoo na secretaría do colexio cos seguintes documentos:

• Impreso ED550B (solicitude de admisión).
• Anexo II-bis (datos dos membros computables da unidade familiar)
• Fotocopia do libro de familia ou DNI.

Referencias Legais:

• Orde do 21 de outubro de 2022 (DOG 08/11/2022), pola que se desenvolve o Decreto 13/2022, do 3 de febreiro, e regúlase o procedemento de admisión do alumnado nos centros docentes sostidos con fondos públicos que imparten ensinos de segundo ciclo de educación infantil, de educación primaria na Lei orgánica2/2006, do 3 de maio , de educación (códigos de procedemento ED550A, ED550B e ED550C).
• Decreto 13-2022  do 3 de febreiro (DOG 11/02/2022), polo que se regula a admisión de alumnado en centros docentes sostidos con fondos públicos que imparten ensinos de segundo ciclo de educación infantil, de educación primaria reguladas na Lei orgánica 2/2006, do 3 de maio, de educación.
• Lei 39/2015 do 1 de outubro (BOE 02/10/2015), de procedemento administrativo común das administracións públicas.

A Xunta de Galicia xunto a Fundación Ecopilas e outras entidades, promoven a quinta edición dunha campaña de recollida selectiva de pilas e acumuladores portátiles nos centros educativos. O noso centro solicitou participar nesta campaña para fomentar a recollida de pilas e acumuladores portátiles entre o noso alumnado e as súas familias. 

Lembrar que considérase pilas e acumuladores portátiles calquera pila, pila botón ou batería que estea precintado. Teñen esta tipoloxía as pilas botón e estándar utilizadas en calquera aparello presente nos fogares e nas oficinas, tales como mandos a distancia, teléfonos móbiles, ordenadores portátiles, xoguetes eléctricos, etc.

Para facilitar a recollida, todos as alumnas e alumnos levaron ás súas casas unha caixiña de cartón onde irán gardando as pilas ata a súa entrega e baleirado no contedor situado na entrada do colexio.

Axudemos a reciclar con enerxía!!

Ligazóns:

• Páxina web PILABOT.
• Páxina web da Fundación Ecopilas.
• Unidade didáctica Educación Primaria.

O Concello de Begonte convoca unhas axudas de material escolar para os alumnos de Educación Primaria e libros para os alumnos/as da ESO. O prazo de presentación de solicitudes remata o 18/10/2023.

Para máis información visitade a páxina do Concello de Begonte.

Rogamos ás familias que instalen nos seus teléfonos móbiles a aplicación abalarMóbil porque van poder consultar os posibles avisos ou notificacións por parte do centro educativo.

Con abalarMóbil podedes dispoñer das seguintes funcionalidades:

• Consultar e xustificar as faltas de asistencia
• Acceder aos datos persoais
• Consultar as cualificacións.
• Solicitar unha cita de titoría
• Consultar os avisos ou notificacións por parte do profesorado ou do centro educativo.
• Acceder á mensaxería de abalarMóbil, que facilita a comunicación entre o centro e os responsables do alumnado, ou entre o profesorado e este.

Podedes instalar esta aplicación dende Google Play (Android) ou na App Store (Iphone):

Fai clic na imaxe para ir a google play	Fai clic na imaxe para ir a app store

• Manual de usuario: AbalarMóbil: guía para as familias
• Videotutorial de instalación e manexo en youtube:
• Instalación e rexistro
• Videotutorial: funcionalidades
• Titorial sobre como xustificar as faltas de asistencia