blogue deadmin

Benvida ao novo curso 2023-24

Xov, 31/08/2023 - 13:53 — admin

Estimadas familias,

Dende todo o claustro do CEIP San Francisco Xabier queremos darvos a benvida a este curso 2023/24.

Desde mañá, venres, día 1 de setembro o centro permanecerá aberto en horario de mañá, aínda que estamos a organizar o novo curso que comeza o luns día 11 de setembro.

Aproveitamos a ocasión para comunicarvos que a entrega fondolibros ás familias beneficiarias realizarase o venres 8 de setembro de 10-11 horas da mañá no patio cuberto do centro.

Se algunha familia non pode acudir a recollelos ese día, entregaránselle os libros ao alumnado nos primeiros días de clase.

Lembrámosvos que iremos actualizando a información e dando a coñecer as novas do centro a través desta páxina web e da aplicación ABALAR.

FELIZ INICIO DE CURSO!

Convocatoria Bolsas Comedor Municipais curso 2023-2024-Resolución definitiva

Mér, 16/08/2023 - 09:58 — admin

Resolución definitiva das becas de comedor do Concello de A Coruña concedidas e denegadas.

Consultar información no arquivo adxunto.

1 adxunto

CONCELLO DA CORUÑA: LISTAXES DE BOLSAS COMEDOR- CURSO 2023-2024

Mar, 18/07/2023 - 14:57 — admin

O Concello da Coruña infórmanos de que, dende o 17 de xullo de 2023, está publicada no enderezo web do taboleiro de anuncios e edictos do Concello,a listaxe provisional de concesións e denegación das solicitudes de bolsas municipais de comedor para o curso 2023-2024. Os listados identificarán as solicitudes atendendo ao número de expediente asignado.

Pódense consultar nas seguintes ligazóns:

- Taboleiro de edictos

- Páxina web de servizos sociais

- Taboleiros dos centros cívicos municipais

Máis información sobre trámites, prazo de alegacións, etc., no arquivo adxunto: Becas comedor.

1 adxunto

PUBLICACIÓN DE LISTAXES DEFINITIVAS DE AXUDAS DE LIBROS DE TEXTO

Ven, 07/07/2023 - 13:38 — admin

Publícanse as listaxes definitivas de libros de texto do fondo solidario adxudicados a alumnado de 3º a 6º de Primaria. Pódense consultar no taboleiro do interior do centro, así como na aplicación fondolibros , entrando a persoa solicitante coa Chave 365 ou certificado dixital.

Nestas listaxes definitivas xa se poden ver que libros vai recibir cada solicitante.

A orde de concesión dos libros é a seguinte:

1.- Matemáticas

2.- Lingua Castelá

3.- Lingua Galega

4.- Ciencias da Natureza

5.- Ciencias Sociais

6.- Inglés

ENTREGA DE VALES

Os días 10 e 11 de xullo en horario de 10:00 a 13:00 horas, poderanse recoller na secretaría do centro os vales das axudas concedidas para adquisición de libros de texto (1º e 2º de Primaria) e de material escolar (de 1º a 6º de Primaria). Os vales que queden sen recoller entragaranse en setembro.

ENTREGA DE LIBROS DE TEXTO

Os libros de texto adxudicados entregaranse en setembro ao alumnado beneficiario de 3º a 6º de Primaria.

PUBLICACIÓN DE LISTAXES PROVISIONAIS: AXUDAS DE LIBROS DE TEXTO E MATERIAL ESCOLAR PARA O CURSO 2023-2024

Mar, 04/07/2023 - 14:07 — admin

Según o previsto no Artigo 13 da ORDE do 10 de maio de 2023 pola que se regula a participación no fondo solidario de libros de texto (...)para o curso escolar 2023/24,

Publícanse única e exclusivamente no taboleiro de anuncios situado no interior do recinto escolar, as seguintes listaxes:

Listaxe provisional de persoas beneficiarias de libros de texto do fondo solidario
Listaxe provisional de solicitudes excluídas, indicando a causa de exclusión
Relación provisional de solicitudes de axudas para adquirir libros de texto e material escolar en que se detecten deficiencias

Así mesmo, as persoas solicitantes poderán acceder por vía electrónica ao seu expediente, a través da aplicación fondolibros, empregando a Chave 365 ou o certificado dixital.

PRAZO DE RECLAMACIÓNS:

Conforme ao establecido no Artigo 24.c da Orde do 10 de maio de 2023, as persoas interesadas poderán formular reclamacións os días 5 e 6 de xullo na secretaría do centro.

Unha vez resoltas as reclamacións, procederase á publicación definitiva que será anunciada debidamente.