CEIP San Francisco Javier

Adxúntase resolución da xefatura territorial da Coruña , da Consellería de Cultura, Educación e Universidade, de conformidade co disposto no artigo 2 do decreto 13/2022, do 3 de febreiro e da orde do 12 de marzo de 2013, sobre a delimitación das zonas de influencia dos centros da cidade, con efecto no procedemento de admisión do alumnado.

Según dita Resolución, a zona que corresponde ao noso centro escolar é a seguinte:

CEIP SAN FRANCISCO JAVIER (IES MONELOS).

– Rúa Ramón y Cajal dende o cruce coa Avenida do Exército ata a cruce con Pérez Ardá, continúapor Avda. Salgado Torres ata a Rúa Caballeros.

– Rúa Caballeros ata o Camiño do Corgo

– Camiño do Corgo ata o cruce con Antonio Ríos

– Dende Antonio Ríos xiro á esquerda por rúa indeterminada ata a intersección coa Avenida do

Exército

– Avenida do Exército ata o cruce con Ramón y Cajal

O IES Monelos comunicou que todo o alumnado de 6º do CEIP San Francisco Javier que solicitou reserva de praza no IES Monelos, ao que se adscribe o noso centro, foi admitido.

O listado está dispoñible para a súa consulta presencial no taboleiro do interior do CEIP San Francisco Javier. 

"Desde a súa aprobación pola UNESCO en 1999, cada 21 de febreiro vén celebrándose o Día Internacional da Lingua Materna.  

A UNESCO estima que, cada dúas semanas, unha lingua desaparece, e con ela os seus cantos e tradicións, os seus xeitos específicos de nomear e de entender o mundo e a capacidade do pobo que a creou para manter o vínculo a través desa creación colectiva sobre un territorio, modulando os seus xeitos de vida e a súa cultura.

Falar en cada territorio a lingua propia é o xeito de comprometérmonos coa defensa de todos os idiomas.

Lingua materna non é só a que se nos transmitiu na primeira infancia ou a lingua inicial. Falar galego transcende a propia identidade: permítenos sobrevivir como pobo con personalidade de seu, mais tamén nos conecta cunha causa global, a da defensa da diversidade lingüística e cultural, para que o soño das mil primaveras siga sendo posible para nós e para o mundo, para o planeta e as linguas que o habitan."

María López Sández, Académica de número da Real Academia Galega: 21 de febreiro: Día Internacional da Lingua Materna

O Banco de Alimentos Rías Altas agradece ás familias do CEIP San Francisco Javier a súa colaboración realizada no pasado mes de decembro, mediante a aportación de 272,10 Kg de alimentos.